點解車站設計唔做下公眾諮詢？

與其加扶手電梯，不如加多一部升降機連接大堂同月台。方便更多輪椅乘客。

HV9990 發表於 2021-6-29 21:30
其實一路以嚟真係唔覺新線公眾諮詢係有牽涉到月台層既設備
最多咪俾你睇下啲出口點擺、出口有幾多電梯幾多 ...

或者唔使講到「諮詢」咁大陣仗，如果可以預先發布車站構內圖，畀人last minute提少少意見都好。

例如我日日用鑽石山站，未到拆板都唔知佢起成點。當然由佢角度，起到千級天梯你都係照搭，但公關就真係冇晒。

timewater 發表於 2021-6-29 11:05
車站內部設計真係有諮詢?
好多嘢佢哋都收收埋埋... 電梯佈局都係通車前一兩個月先講咋

倒返轉頭講，港鐵諮詢時無同大家講唔可以討論車站內部設計，你又唔可以話佢「點解車站內部設計真係做唔到公眾諮詢」。

多次諮詢會你又有無去過同港鐵講？就算諮詢會過後你又有無表達過你嘅高見？有工程熱線、傳真、電郵你又係咪反映咗先？宜家Send E-mail就最好，有晒記錄兼可以日後話「本人於何年何月何日致函……」，即使佢應承唔到你D咩都要循例覆你客套話。你#1講得好，「港鐵唔應該一言堂」，但你現時睇唔到你過往曾用任何方法發過言，卻轉過頭抱怨人唔俾機會你，唉……

參考：唔知你有無去過0066股東大會，問答環節真係乜都有人問；有人真係會問關於盤數，不過更多人係投訴物業管理有問題、建議長者$2坐車要變免費、康城個張美雄2017年仲走去問馬時亨係咪諗住幫林鄭新一屆政府（跟住全場噓佢），呢D全部有晒記錄；人哋唔答你係一回事，而你自己唔去做兼賴人就唔得囉！

poohpter 發表於 2021-6-30 13:30
倒返轉頭講，港鐵諮詢時無同大家講唔可以討論車站內部設計，你又唔可以話佢「點解車站內部設計真係做唔到 ...

可能磚家大安旨意，以為啲電梯起到好似便利店咁行5步就有一條。下次睇怕連廁所有幾多格都要拎上嚟諮詢，免得到時磚家嫌廁所細去得唔暢快！

…土瓜灣站D出口落到北行月台個步行距離跟本就同宋皇台站去九龍城差唔多