今朝有架 960X 行錯路入咗太古城

係東廊無落橋
睇個勢個司機原本諗住鏟落筲箕灣先調頭
好彩有客點佢入太古城圈頭兼落客

仲要太古城落咗四成客左右

唔知會唔會因為呢次錯有錯著而拉埋去太古呢

鰂魚涌得三個站，將錯就錯停對面咪算囉，否則西灣河調頭再落民康街又要再塞過。

行錯路呢樣野一次半次，唔評論。
但從呢堆繁時新界 <-> 東區線來講，完全睇得出係「唔公平、無準則」可言啦。

點解最早開辦既呢堆962C、960B/X等等就只能夠去到鰂魚涌 / 由鰂魚涌開出？
近期948E就可以去到康怡？
而招標既933、989等就直程去到西灣河？

好早已經有人嘈過，明明架車去到鰂魚涌都要去到太古 / 西灣河私牌，
或者下繁架車都要於康怡廣場等夠鐘先開去新威園，
點解唔直接康怡做起點 / 終點站？

算啦，以為可能又係d咩「西隧全日線唔可以過天后以東；東隧全日線唔可以過港澳碼頭以西」既傳說準則啦，
咁但係點解948E、976等等又可以破例？
好啦，破完例之後，點解960B/X、969C等又唔可以拉埋去太古 / 西灣河？

我當西灣河商業寫字樓唔多，同埋太康 / 太安街多車，
咁至少康怡廣場做總站得啦掛？！

我又唔信新界區議員（明明有唔少人係太古返工） / 巴士公司（對佢來講，成本完全無增加，反而收入仲因為可能多左客而上升）無講過呢樣野，
係唔知點解呢個濕狗政府唔批……

冇個個巴士站可以放客落車？

neoplan720p 發表於 2021-6-29 11:56
行錯路呢樣野一次半次，唔評論。
但從呢堆繁時新界  東區線來講，完全睇得出係「唔公平、無準則」可言啦。
...

其實係好耐之前已經有班人係會係總站落車 然後行入太古翻工, 個4成人應該都係平時行開路個班人黎

拉入去康怡/太古, 估佢起碼幾年後先會出現d咁既建議係RPP, 你見堆960/961繁時線今年先話拉去銅記就知咩料
咁多年都唔做, 仲未計934/935縮短完到依家都未有佢地份可以拉返落銅記

tommy14D 發表於 2021-6-29 14:52
冇個個巴士站可以放客落車？

返工時間行錯路都算數

如果仲要兜返轉頭 ( 假設有客識路帶個司機返正路 ) 先比太古啲客落返車
睇怕應該會係咁收投訴

呢班係 06:55 嗰班，今日 08:15 先到北角已經明顯比平日慢，仲要行錯路
初時以為佢太古城出返電車路倒轉行就算，點知最後都係上返東廊去北角出口

neoplan720p 發表於 2021-6-29 11:56
行錯路呢樣野一次半次，唔評論。
但從呢堆繁時新界  東區線來講，完全睇得出係「唔公平、無準則」可言啦。
...

早期線鰂魚涌止步，是因為抆毛巴也在海澤街、太古坊止 / 起步。

其實太古城落車行去，近過英皇道行返入去