九巴月票催生盲保九巴人士

不利大埔/馬鞍山嘅乘客主因

應該係聯營線分時段既問題

andy92 發表於 2021-7-1 00:27
不利大埔/馬鞍山嘅乘客主因

應該係聯營線分時段既問題

大埔還好本身307都係一人開一班
沙田/馬鞍山其實西隧線都轉咗呢個模式
唯一缺陷係982X嘅去程

黨鐵夠有全月通啦！！
樓主呢篇原文，將九巴換做黨鐵，將黨鐵換做九巴，又可以出多篇文呃分，樓主叻叻

louis19910701 發表於 2021-7-1 12:11
黨鐵夠有全月通啦！！
樓主呢篇原文，將九巴換做黨鐵，將黨鐵換做九巴，又可以出多篇文呃分，樓主叻叻; ...

恕我直言

本人絕對不會以某人所說的方式「將九巴換做黨鐵，將黨鐵換做九巴」。
喺我寫緊呢篇嘢嘅時候，有一位用戶都講出咗市民盲保港鐵嘅其中一啲原因：都會票、學生八達通。呢點我係認同嘅。只不過咁，諸君勿忘，一輛重鐵車卡的截客量約等於一輛雙層巴士的兩至三倍。以市區線M-Train為例，八卡M-Train的載客量為375 × 8 = 3000 人，即使十分鐘一班，每小時可運載18000人。即使攞晒最高載客量嘅3ATENU，每架巴士載151人，都要每分鐘兩班巴士先至載到。十分鐘一班重鐵對每分鐘兩班巴士，巴士其實係鬥唔到嘅，呢個係好似「光速無法被逾越」一樣，係理論問題。
我呢篇原文就話九巴重推月票時，面對上次月票撤銷時從未面對的挑戰：電氣化鐵路、其他巴士公司、專綫小巴等等。港鐵推出全月通嗰陣又有咩新挑戰呢？「新九廣鐵路」啊？「香港特急鐵路」啊？「香港Teleport有限公司」？？
喺香港呢個人口密集嘅城市，當鐵路客量不如理想嘅話，政府係必然會保鐵，就算本來鐵路唔迫，佢都一定要削減沿途巴士路線，或者將沿途巴士路線轉去遠鐵地區/接駁鐵路。再加上香港巴士予人印象一般是黑暗、污濁、缺乏冷氣，種種特質都比起地鐵遜色，加深本港市民對鐵路的依賴，我識唔少長輩一直歧視巴士，就是如此。
盲保鐵路，貶低巴士者香港隨處可見，但盲保九巴，貶低城新者，就似乎是italk的產物(本人並無HKBF等其他巴士討論區網站之戶口，不知彼處情況)，Facebook啲公共交通群組都唔會搞成咁。

最後講句：頻密出文呃分嗰個，係某位喺6月11號，暫時封禁30日嘅用戶，自己去Z4區睇下係邊個，佢正正就係我所謂「盲保九巴」嘅人士之一。我哋真係好期待佢放監之後，italk回復昔日喧鬧嘅日子。

Justshamxx 發表於 2021-7-1 12:41
恕我直言

本人絕對不會以某人所說的方式「將九巴換做黨鐵，將黨鐵換做九巴」。

只係回應一點: 鐵路喺新界最大嘅問題，甚至佢呢幾十年都冇點解決到嘅，就係佢嘅站位唔就腳，導致要不斷蝕錢開K巴開輕鐵送人上鐵 (或者佢直頭喺上蓋起樓逼班樓奴搭鐵啦)，而鐵路搬站位嘅難度點都會比巴士高掛？我都可以 argue話全月通設計出嚟，就係要吸引啲住得遠離鐵路站嘅乘客特登去搭鐵 (或者用翻樓主嘅講法，「補償」翻冇起正條鐵喺人地門口)，既然鐵路網絡擴張可以令到巴士公司出月票吸客，咁點解巴士服務提升嗰陣唔會促使到鐵路公司出月票？

鐵路公司出月票嗰陣係 2004/05年，正正係成堆三門熱狗全退，大批路線全冷，巴士公司趁鐵路通車得以重整資源，轉陣入直梯車賣舒服有位坐賣就腳賣冷氣位，你話市民會嫌巴士黑暗污濁，但巴士嗰排就偏偏同你開始宣傳歐四車，即係等車環境好左。直接同長途鐵路對打喎，咁點解形容九巴嘅 comment 又唔可以用喺黨鐵度呢？

PS: 保九保城保鐵類人士，十年前已經大把，係某啲人唔夠人講先至會不斷攞月票嚟做擋箭牌姐，分翻清楚唔該。

JH_LE4612 發表於 2021-7-1 17:59
只係回應一點: 鐵路喺新界最大嘅問題，甚至佢呢幾十年都冇點解決到嘅，就係佢嘅站位唔就腳，導致要不斷蝕 ...

點解巴士服務提升嗰陣唔會促使到鐵路公司出月票？

可否先舉幾項「巴士服務提升」嘅例子？喔，你之後講咗啲嘢：

鐵路公司出月票嗰陣係 2004/05年，正正係成堆三門熱狗全退，大批路線全冷，巴士公司趁鐵路通車得以重整資源，轉陣入直梯車賣舒服有位坐賣就腳賣冷氣位

可能係我長居港島，喺你講嘅嗰段時間又得嗰幾歲人，仲要身邊大把路線，尤其是我搭開嘅路線都已經全冷晒，所以我先至對於維港對岸常見，俗稱「熱狗」嘅非空調巴士認知缺乏啦。

你話市民會嫌巴士黑暗污濁，但巴士嗰排就偏偏同你開始宣傳歐四車，即係等車環境好左。直接同長途鐵路對打喎……

又可能我由細搭城巴新巴嗰堆巨龍/Olympian大，對維港對岸交通嘅認知極為疲乏，甚至一無所知啦，我都比較認同九巴宣傳歐四車，改善候車環境嗰啲措施，係同長途鐵路對打嘅。但係鐵路(地鐵、電氣化九鐵)一直以來面對嘅競爭有乜？巴士？僅此而已。兩鐵合併之後，港鐵特大之情形仲要更上一層樓，巴士慢過鐵路、載客量又低過鐵路，好難鬥嘅喎。九巴喺冇推出月票嘅四十幾年真空期內，先有海底隧道(伴隨着一堆九巴中巴聯營線嘅誕生，九巴不能完全控制該等路線)、後有地鐵，再有九廣鐵路電氣化、更有輕便鐵路(輕鐵專區實屬「移風易俗」之舉，我到而家都未諗到第二個詞語)、第二條海底隧道(又一堆九巴中巴聯營線)、城巴……港鐵(及其前身)推出月票時面對的競爭，比起九巴重新推出月票時面對的競爭，可謂微不足道。仲想講句：我唔係反對「港鐵月票催生盲保港鐵人士」嘅論點，我只係覺得無必要為咗月票同「鐵粉」嘅關係，為每間設立月票嘅公司分別出一篇文。
最後講句：唔知大家睇唔睇得出，其實我係袋緊錢落一啲對屯馬綫通車後，對沿途巴士路線，尤其是九巴路線遭重組/減班/取消而感到惋惜嘅本區網友。大佬，而家佢哋要被迫搭港鐵，搭唔到九巴，無法享用九巴月票優惠喎！

想問下樓主拍咗片道歉未

Justshamxx 發表於 2021-7-1 19:37
可否先舉幾項「巴士服務提升」嘅例子？喔，你之後講咗啲嘢：

可能係我長居港島，喺你講嘅嗰段時間又得嗰 ...

事隔將近兩個月，都係時候嚟個跟進，費事admin鎖上呢篇文

首先：我想喺度講埋九巴(其實咩巴士公司都係)應唔應該棄用由1970年代起沿用至今，適用於大部分路線嘅收費模式，即係上車就預畀晒全費，幾早落車都唔會回返水畀人(除咗少數提供短途分段收費嘅路線之外)。

我又唔想太過離題，不如喺呢度講下喺新界西北率先試行，喺後期擴展至將軍澳(其實包埋94由西貢去麥邊)嘅「區域性雙向分段收費」啦。呢個計劃喺唔同地方有唔同用途，喺新界西北就劍指輕鐵，喺將軍澳就係將2XxM嘅剩餘價值都搾乾埋。呢項計劃喺一啲多人落車嘅地方安裝八達通機嚟回返水畀搭短途嘅人，令九巴喺嗰啲地方嘅收費模式漸漸由1970年代嘅「畀晒全費」蛻變出嚟(94去麥邊就只係64K、76K、77K等無數鄉郊路線嘅模式)，市民如果唔想架架巴士嘅落車車門都裝部八達通機，又唔想太多人嫌長車短搭特別貴，呢個的確係一大德政。

其次：有位著名「行車紀錄員」琴晚整咗套一決雌雄片，主要就係指出九巴286M線「雖然起訖點與屯馬綫重疊，但是部分地方距離港鐵站較遠」，以反對286M取消；我自己就覺得嗰啲「遠離鐵路」而要去鑽石山站嘅乘客實屬少數，就算真係買開九巴月票嘅，都可以試下85K轉85M，段片有提供嘅替代方案
https://www.youtube.com/watch?v=RnzE4XQVofA

最後：某位頻密出文擁護九巴，無底線抨擊城新嘅用戶，疑似因為唔知道要send email申請復版，所以到而家都仲未復版
詳見此文：https://www.hkitalk.net/HKiTalk2/thread-2117289-1-1.html

偶爾情緒波動，深表致歉，但係希望大家唔好再喺度夾硬將啲根本唔合理嘅事物合理化，唔該晒

邊個會中意樓下巴士服務減少,
就算無月票既新巴城巴,
重組路線遇到的阻力也會很大