建議重組11B／14／15／17線

11B/14/15線一直作為紅磡／土瓜灣往來觀塘道一帶的主要路線，唯路線間重疊狀況普遍。同時，屯馬線通車後，對土瓜灣一帶居民出行帶來改變，不少路線客量錄得跌幅。
為使資源得以靈活運用，同時給予沿線居民適當的巴士服務，現建議重組上述路線。
1.取消14。
比起15之藍田山，14之油塘段載客量相對欠佳，同時鐵路優勢明顯，使巴士競爭力較低。
就此，建議取消14線，由新11B、14B、14X、新15等路線取代。（－6）
另增設11B轉乘15／26，14B／14X轉乘15的優惠。
1a.14X加密班次，繁忙時間增至12分鐘一班，非繁忙時間增至20分鐘一班。

2.15改為中港碼頭－平田（單向繞經紅磡）。
15在屯馬線通車後客量跌幅並不顯著，因此以該線取代14，成為上路－觀塘道－藍田流水主軸，同時延伸至中港碼頭。
往中港碼頭方向，由於5D／11X／15X難以取代牛頭角、九龍灣及上路一帶前往紅磡內街的服務，故須繞經紅磡，並改經紅磡繞道前往佐敦，以及九龍城天橋。
往平田方向則毋須繞經紅磡，並途經九龍城迴旋處。
班次方面，繁忙時間開10－12分鐘，非繁忙時間開12－15分鐘；收費不變，和15X合共用車18輛。（+4）
2a.15X改為紅鸞道－廣田，並提升至全日服務。
取代15撤出後，紅磡內街前往上路、觀塘道一帶之空檔，並微調停站，往藍田加停家計會。
全日開15－20分鐘／班，和15合共用車18輛。
2b.11X來回程繞經黃埔花園總站，以減少和15X之重疊並開拓新客源。
2c.215X全日不停曲街。（－1）

3.11B改為九龍城碼頭－鯉魚門邨。
14取消後，油塘－觀塘－佐敦等有14B、14X、15、215X等路線及小巴、地鐵等替代，唯土瓜灣－油塘之服務出現巴士真空。
就此，現建議將11B改往鯉魚門邨作總站，往油塘方改停觀塘市中心（T5）後沿原14路線前往鯉魚門邨，回程則跟14至創紀之城（B10）後返回原線。
收費增至$7.2，設采頤花園起往土瓜灣$5.4、觀塘市中心往油塘$4.8之分段收費；
班次改為全日20分鐘，用車7輛（－2）。

4.17改為愛民邨－翠屏道。
以彌補11B撤出翠屏道後之空缺，而拉17至翠屏道，並考慮繁忙時間增設裕民坊止步／開出班次，以減少交通擠塞所帶來影響。
班次、收費不變，用車16輛（+1）。

優點

• 資源能更有效運用。
• 對於較遠離鐵路之紅磡內街、藍田山而言，能換來更高效率之15X；對油塘居民而言，14X班次能獲得加密。
• 觀塘道流水服務能得以維持。
  

缺點：

• 減車幅度未如預期（－4）
• 油塘、觀塘道、太子道、上路將欠缺不需繞經紅磡而能夠前往彌敦道以西之巴士服務。
• 11B班次較疏，不利下路居民使用。
• 
  

減車減唔透(上述重組方案只減四輛雙層巴士)我反而唔覺得係一件壞事：
始終土瓜灣作為屯馬綫全面通車後嘅最大受惠者，來往尖沙咀又要減車、來往沙田(尤其是原本馬鞍山綫沿途)又要減車，成個計劃唔會只係減咗四架雙層巴士咁少嘅

十三街白白被加價 真係多謝哂

15同15X重疊幅度其實都係高，藍田其實又真係唔駛兩條落紅土的線，論流水仲有15A都去到新蒲崗。
如果跟呢個重組方向，11B開20其實都仲係有減到30的空間，服務其實都係多。
另外係重組係唔係假設11有得留低? 15就唔需要單向入彩虹道補位。
15觀察都係觀塘道<>家維邨比較多客，但未來有15X分走大部分客源後，15似係去紅土方向因為觀塘道九龍灣道獨市先多少少客，但太子道東就有796X同85X幫手。另外15落左去家維，又變左觀塘道->歐化真空(雖然有MTR直達)，你係唔係覺得MTR都係合理替代?
用11B代14都係有油塘<>紅蘋果真空，反而如果留3條線的大綱，留14但佐敦方向入家維邨，11B上平田，整體上規劃會好少少。
現時14少客過15的主要原因應該唔似係油塘冇客，而係唔入家維邨，同時有11分走堆客。
如果冇左11/15，11/15班客過晒比14，14的客量應該去到15的水平。

2076 發表於 2021-7-23 17:34
15同15X重疊幅度其實都係高，藍田其實又真係唔駛兩條落紅土的線，論流水仲有15A都去到新蒲崗。
如果跟呢個 ...

首先多謝師兄嘅回覆。

15同15X重疊幅度其實都係高，藍田其實又真係唔駛兩條落紅土的線，論流水仲有15A都去到新蒲崗。

15／15X兩者西行服務對象有分別，15X固然係觀市點對點返下路，15就九龍灣、牛頭角->上路、紅磡，兩者都係有分別。
15A走咗落海濱、九商，唔係一個太合適嘅藍田流水替補方案。
11B落到30抽更多車固然唔差，但係我驚翔龍灣／偉恆昌會嘈。
去到太子道東嘅話，5D／85X木廠街入令其失分唔少，796X如果唔係隔離公司做就冇問題嘅。
觀塘道->歐化（北拱街。機利士北路一帶）固然真空，但鶴園嘅客源大多數都係落返馬頭圍道，相對問題冇上路直過（即現14走線）咁大問題。

11係有得留，但都係疏車，我諗20／25會比較合適。
試過前排三點左右喺志和街等E23，觀察到11同14都係坐滿窗口位走，11用緊高載但14係短豬；
11嚟先，14大約兩個字後到，有大約五、六個喺14條隊轉11但相反就冇。
當然，一班半班未必反映到長期狀況，但我覺得呢兩條又唔係大蝕，只係喺其他類似線之中比較遜色。
油塘<->土瓜灣，明顯地黨鐵係一個合理嘅替代。基本上而家14嘅走線沿路有其他更快嘅服務可以做到，所以我先諗住cut14而留有紅磡／藍田山作為鐵路死位、尚有良好競爭力嘅15。

反而如果留3條線的大綱，留14但佐敦方向入家維邨，11B上平田，整體上規劃會好少少。
現時14少客過15的主要原因應該唔似係油塘冇客，而係唔入家維邨，同時有11分走堆客。

唔特別反對呢一個睇法，事實上我嘅初稿方案係咁。
只係後來復活節假嗰陣實測一次15東行+14西行，西行上車前觀察到15嘅客量係好過14，
所以不期然會認為藍田山對紅土直車嘅要求更高，況且14去到佐敦應該要更多客。
但當然，區佬嘈嘅，改為殺15，11B+14跟師兄改法都得嘅。

另外想拋下波，如果15X改做藍田北起步，逆走碧雲道兼再陰11B勁+15跟隨上述做法，唔知師兄點睇？