[建議] 玩逆走玩上腦 － 繼續用逆走方法改做 30X 線

最近 F1 版有唔少板友都拎左條 30X 改做，而我自己都係其中之一；
當然拎 32 逆走呢個計劃爭議性多，我相信可以實行嘅機會都好低。（當然我自己提出黎係想拎個大方向出黎，加埋一條線滿足幾個願望去做；諗諗下睇落又唔係冇得搞）

不過呢次嘅建議，我都係想回歸返 Simple is Best 嘅道理，
微調下 30X 個定線，滿足到荃景圍時，又可以避免部份細區冇左條線而塞住區議會把口。


始終 30X 作為荃景圍主要對外路線，我認為要幫 30X 爭客有以下要點:
1. 過荃景圍後應該直上公路
2. 希望穩定班次
3. 有機會的話希望可以搶多少少客

要滿足第一點，又想塞住荃灣其他細區把口，就係玩逆走。
呢點其實同 Ricky403 兄之前個建議差唔多；但我個人認為只係拎 30X 去改做，唔拖其他線落水或者可能係最易又最快嘅解決方案。

方案 1:
荃灣西站／如心廣場做總站：

九龍方向: 碼頭區 > 大河道 > 沙咀道 > 荃景圍天橋 > 荃景圍 > 青山公路 > 大涌道 > 原線
荃灣方向: 原線 >  大涌道 > 荃景圍天橋 > 荃景圍 > 大涌道 > 碼頭區

優點：荃景圍直出目的已經達成 ＋ 荃景圍往來荃灣西站／如心廣場有條比 39A 更直接嘅走線
缺點：234X 要食哂九龍市區返荃灣市中心嘅客 + 大河道冇左個站 (呢個其實我係預左送比港鐵) + 九龍方向基本上同 234X 重疊*

* 重疊個問題其實而家都已經存在，所以重疊與否都唔係話好重要；但反而荃景圍有機會回流 30X 而放棄 39M + 港鐵。

方案 1.1：
碼頭區開出之後，唔用荃景圍天橋，再用大河道 + 青山公路 (即 RPP 中或者以前嘅 39A 走線）。
呢個方案雖然會全面覆蓋返現有 30X 嘅服務區域，但係就未必做到荃景圍去西站嘅特快客水。

方案 2:
荃灣站開出
九龍方向: 荃灣站 > 西樓角路 > 美環街 > 荃景圍 > 安賢街 > 荃景圍 > 荃景圍天橋 > 大涌道 > 原線
荃灣方向: 原線 >  大涌道 > 荃景圍天橋 > 荃景圍 > 青山公路 > 荃灣站

呢個方案入面：
現有荃灣站站位搬左去總站，大河道分站客轉用荃灣站上 30X。荃景圍客繼續有條直出市區路線，但係九龍／荃灣方向站位岩岩倒轉。

兩個方案附帶一個建議：
230X 飛走美孚。因為建議中嘅 30X 已經做到而家 230X 去美孚特快嘅目標。

兩個方案入面，其實都係貫徹返微調 30X 而唔需要牽涉到其他路線，另外就係富華街個站需要由 234X 去頂 (荃灣方向)。
當然，而家 234X 都係荃灣方向先兜荃灣嘅時候，如果 30X 以我上面方案改線後要咁玩都唔係唔得，不過荃景圍客又未必覺得 30X 吸引而去等 30X。
路線逆走或多或少都會有爭議性，但係 30X 個主要目標客源其實係荃景圍。反之荃灣市其實真係好難同港鐵匹敵。所以放棄荃灣市去做返荃景圍，或者先係最正本清源嘅做法。

PS. 30X 搬走左之後，荃威花園就多返個位 (930X? 33 系? 40P? )

不過30X已鐵定行楊屋道
其實九巴都死左條心
係大家先會咁有心諗完又諗

我自己覺得32逆走爭議未必好大
始終石圍角都唔太buy而家堆過山慢碌線
而且32站位遠離長深多客區域

同36B對調總站係個好idea
照顧到梨木樹總站車又使石圍角三棟屋多啲直車
不過拎佢黎改30X就難啲，荃景圍加大河道楊屋道個組合好難再搵第二條線兜哂去

所以最好嘅方案係用 32 做楊屋道，咁嘅話荃灣站一帶出城最多都係經楊屋道，唔使兜大圈 最多都係經如心
當然 Ricky403 嘅方案係用西約做主角，樓主係用荃景圍

tonychow 發表於 2021-8-11 18:57
所以最好嘅方案係用 32 做楊屋道，咁嘅話荃灣站一帶出城最多都係經楊屋道，唔使兜大圈  最多都係經如心
...

楊屋道同新樓區落旺角以南又補唔番
同埋荃景圍就實夾西約
到時都係會兜路
只係邊區兜路咁解

荃灣站有位？

Ricky403 發表於 2021-8-11 12:43
我自己覺得32逆走爭議未必好大
始終石圍角都唔太buy而家堆過山慢碌線
而且32站位遠離長深多客區域

咁北葵涌一帶點補償？反而無客石圍角又多一條線。

WN4156 發表於 2021-8-11 23:31
咁北葵涌一帶點補償？反而無客石圍角又多一條線。

起北葵涌 32 同 36B 走線重疊，
如果 36B 去到石圍角，其實已經 cover 左而家 32 嘅服務。

之後 32 倒轉由梨木樹去返荃灣，
其實即係等如將兩條線分返開，而無須再疊埋一齊。

AVD1 發表於 2021-8-12 00:37
起北葵涌 32 同 36B 走線重疊，
如果 36B 去到石圍角，其實已經 cover 左而家 32 嘅服務。

但是班次少咗又點計？

預左會加返車比 36B，你放心