其實 E11A 回程而家消防局落車人數同東涌北人數係 50/50, 如果改完線仲兜埋迎東, 東涌西班客倒唔倒返落地鐵真係唔知
搭左兩三年, 呢個系列既客量見到係開始升緊,
以往 E11 係比人話返放工都無人, 而家個情況都唔係好多人想像中咁差
入機場: 半滿至全滿, 有幾班可以西隧企人, E11 更加係青馬一定清到轉車站條人龍
出港島: 講 E11A 未服務之前既時間, 頭班車可以上層差唔多滿, 第二班車起碼都坐滿哂窗口,
之後就算東涌西同北有 E11S, 7 點就算開緊廿分班既時段, 東涌三站都上大半滿客, 有幾次可以坐滿上層
放工時間, 五點幾個兩三班係可以坐滿, 呢個現象係由兩年前示威開始無耐晚晚累積到咁, 以前搭 E11 放工坐滿窗口已經嗌多人
一直去到夜晚七點其實都係坐滿窗口多啲, 夜晚就算開到半粒鐘都仲有廿個出港島, 隔離 E23 都未必有咁多客
假期禮拜日頭幾班可能差, 之後都係坐滿窗口至大半滿入機場, 下晝出返黎更加可以坐滿
E11A 朝早機場頭車入到東涌北已經坐滿成個上層, 市中心三站岩岩好企滿, 之後成個上晝客量其實都唔差
假期出港島連隔離 E21,E22,E23/A 都係開緊 25-30, 唯獨 E11A 係開廿分, 善水係唔會做蝕本生意, 假期的確係坐滿企人出港島
平日回程5點幾就開 15 分班, 繁忙時間後開廿分班, 如果真係無客, 善水都唔會捨棄個肺炎時間表暗中加密
東涌尾站出港島頭站, 唔塞車其實係半個鐘多啲, E11 系賣點係比較直接, 有位坐, 其實搭得多, 就會知慢唔過東涌線太多
搭親東涌線可以撞上青衣車, 唔平均既班次, 試過下晝香港站等一班東涌車差可以 10 分鐘以上, 巴士有 ETA 我舒服一程點解唔好 ?
唔知佢開 E11B 會變到點, 剩係覺得維持返呢個平衡其實唔錯, 但我自己會跳槽去地鐵先
40 分一班 E11A, E11B 無加轉乘優惠, A 車斬到近乎取消, 擺明係著重於全東涌客
但 無論 E11A/B 都好都係先東涌北, 所以最大機會反而係倒返平日消防局個半車 E11A 返地鐵, 講埋觀察數據, 個半車客係大多數都多於東涌北個半車
|