屯馬線通車後，何紅巴士觀察

屯馬線通車之後，為九龍城區帶嚟更加方便嘅鐵路服務，對本身巴士服務帶嚟一定影響。
小弟想喺度分享吓自己喺通車前後所觀察到嘅巴士客量轉變，同埋對巴士前景嘅睇法。

何文田
1.8仔比預期中好客。
大8比人一向嘅印象都係比小8食住，的確齋論尖沙咀／紅磡－何文田嚟講，8號客量確實不佳，往往運凳為主。
但係路線嘅前半段又係另一種講法，講緊係返學返半日、但下晝依舊坐滿人上山，反向坐緊六、七十人，唔似係一條日中開緊25－30嘅線應有嘅客量。
當中，最多乘客喺何廣落車（約30人），其次係民裕街同埋愛民，過咗寶其利街之後得返十零廿個。
唔知條線可唔可以考慮縮短落黃埔，提升返回車效率？

2.45真係好客過41。
咁講青北大帝可能衝出嚟鬧人，但事實係45雙向上座率都更高。
上山嚟講，45介乎35～60人左右，41係個位數去到大約50人都見過；
落山（有聯合班次）就係45有25～60人，41都約莫係呢個數。
要合併嘅，真係留45好過啦。

紅何共同觀察
12A／17似乎太過依賴學校客。
斗膽講，12A同17算係厹比較有心少少做嘅紅何線，當然呢兩條線真係交得出好成績，部分時間頂閘留後唔新鮮。
有咗屯馬線對返放學時段兩線客量無大影響，反而非繁兩條線就有少少炆水，
有時望到等17落山嘅客仲少過等7B；
又或者12A得廿零個出黃埔。
當然亦都有可能係派車出事，試過夜晚九點幾12A喺九龍城三拖，前車企人而後二載空嘅情況
但兩線部分時段係有微調班次嘅空間。

紅磡
1.297反cup796X？
297兜九龍灣呢樣本身都已經嚇怕部分往來坑寶紅土客，寧願搭105／796X轉車，綠線延伸亦都帶走部分紅磡客。
而796X嘅速度優勢相當明顯，昔日上公路嗰陣即使非繁亦都經常有六、七成載客量。
但鐵路通車之後，796X客量跌幅明顯，有時連窗口位都坐唔滿，同時條線亦都更為依賴上路客，有時只會二、三十客轉入下路；
297反而保得住基本盤，甚至有時不跌反升，月頭試過十一點坐滿入九龍灣，七成上觀繞，
同時紅磡客亦都更傾向上297而非796X。

2.帶走最多客嘅路段，係土瓜灣－九龍西。
6C／F客量跌幅應該名列前茅，6C坐滿嘅機會率越來越少，
至於6F，如果唔係孭住QE呢個死位，其實都並唔樂觀。

3.5X全日會對慈雲山有利，至於15X...?
5C、21呢兩條彩虹道線，唔多唔少跌客都幾明顯，
5C還好，大部分時段都叫坐滿七、八成窗口位，
21就直頭得返兩繁有客，同11K／26就即刻比下去。
想保住慈雲山－尖沙咀一段唔受紅土跌客同交通情況困擾，5X係真心有需要開全日，
反而同3X掉轉，行彌敦道一帶就未必咁急。
15喺客量上依舊唔錯，藍田／觀塘道－上路－紅磡都係多客過14／93K，大部分時間都坐滿六成，
係咪真係有需要15X全日？

4.客量跌幅較多係經過嘅路線，令減班更加棘手。
小弟觀察，跌幅頗為嚴重嘅會係5系、6C／F、28同796X，
28即使係牛頭角－紅土－尖沙咀嘅主要路線，
但亦有機會被13X取代；
5系就不嬲重組空間唔細，可惜厹冇做到，呢樣唔太理想。

展望將來，土瓜灣面臨緊多多少少嘅重建，未來或者有反盤機會；
但紅何發展都七七八八，短期內都未必有太大變化，
只可以希望要做嘅一啲合理路線重組，去提升返巴士嘅競爭力。

今日有嘢做，分別搭咗796X同297往來將軍澳，客量統計如下：

19/9 796X 將軍澳 5830 WA3855
(唔知係收車定過鐘 但遲咗唔少)
1048 家維邨 7+8
1051 北拱街 +2
1052 江西街 +1
(前面架85起碼執咗10個客)
1054 天光道 +8
1056 洋葵樓 -1(非兩蚊客) +11
1058 亞皆老街球場 +2
1059 富豪東方酒店 -1+2
1101 譽港灣 -2
1102 景泰街 +1
(85X 窗口位約七 八成上大隧)
(681坐滿入東隧)
1108 將轉 -2 (有人等797同埋98D/297)
(297大半滿出城)
1116 調景嶺站 -12
(4人等796C,796X約50客出城)
1119 唐明苑 -1
1120 尚德 -6(含本人) +10

• 始終唔係高峰時段，客量未必好值得參考，但印象中未有鐵都係類似客量
  
  

19/9 297 紅磡 WF6380
1256 培成路 8+8
1258 厚德邨 +2
1300 景林邨 +1
1301 欣明苑 +3
1305 新都城 +7
1306 梁潔華 +3
1308 茵怡花園 +10
1311 寶康公園 +1
1315 將轉 +1
1323 常悅道-13 +3
(15A有12個等)
1326 臨華街 -1
1327 輔警總部 -1
1329 九展 +1
1335 貴州街 -4
(5C TV8480 尖沙咀方坐滿 開始跟尾 5人等)
1336 落山道 -3 (5C+4)
(9人等6C/F 5人等41/45)
(12A 北行 50人左右)
1338 鴻福街 -1 +1 (5C +2 6C/F 5人等 41/45 2人等)
1339 庇利街 -2 +2
1341 鶴園街/紅磡廣場 -4 (6C/F 21人 41/45 5人)
(民裕街5C 5人 街市6C/F 8人等)
1344 德民街 -12

1348黃埔總站 38人等8P ～10人等8A 5人等115

成個紅土,巴士基本冇得做,完! 想有得做,唔該先改善好道路網,否則點都係死.

你認真？？5系、6C、28同796X跌幅大？？有冇試過繁忙時間去睇過？？我見通車之後有時客量都唔差，而且又有獨市位，難重組

E500facelift 發表於 2021-9-15 23:24
你認真？？5系、6C、28同796X跌幅大？？有冇試過繁忙時間去睇過？？我見通車之後有時客量都唔差，而且又有 ...

繁時其實還好
非繁先係問題

796X起碼跌走1/3客
6C、28亦都係本身基數大而跌幅頗明顯
6C以前講緊坐滿，而家有時窗口位都填唔晒

東九線好啲
15上座率依舊，係14有時樣衰咗少少
11X／K都只係微跌

xdxd 發表於 2021-9-15 23:30
繁時其實還好
非繁先係問題

將隧轉車站全面啟用後，應該要將297改行下路同承啟道，上路客去寶琳坑口建議改撘796X去將隧轉車站轉乘694,798

至於11X,28，往安泰, 樂華都要改下路線

41靠亞皆老街搵食

xdxd 發表於 2021-9-15 23:30
繁時其實還好
非繁先係問題

我諗九巴稍後時間幫6C做完3ATENU化後會正式落紙申請減班而6F減到回定30班後轉營走212條線做蘇屋,南昌,蔬果家禽統營處個堆新樓,荔枝角道一帶去QE,紅土呢個獨市死位.

睇第一段就覺得樓主係咪真係熟行情
8號小巴一向服務欠佳，據某fb群組所講，成日何文田開出後偷雞唔入忠孝街，與其受小巴氣，睇住ETA等8號巴士咪仲好，所以無話邊個被邊個食住嘅
如果縮短落黃埔，咁咪即係同7B、觀塘線仲有黃埔免費巴重疊，同埋無人會肯少咗條尖沙咀巴士線走去捱小巴

796X去將軍澳方向差咩？真係唔係好覺
我作為紅磡客，真係好日都唔會搭297，真心寧願行去歐化（行15分鐘）都唔搭297
796X呢，同297根本唔同客源，297去到將南咩？

反而九龍段去尖咀，796X真係跌咗客就真啦，尤其土瓜灣站入閘減1蚊，價錢上比796X更有競爭力，而響半島中心附近返工，亦可以拍2蚊機，回程去土瓜灣只需2.4，對5/5C/28嚟講打擊仲大

至於條8號小巴，以前就好客，非繁響義達都大把人排隊，而家響義達見佢去尖咀方向好多時都唔滿，甚至仲要等客，真係有咁耐風流有咁耐折墮

6C/6F呢，有心做唔會死嘅，見過紅磡廣場呢個食糊位都仲有唔少人排隊，只係6F孭住平過6C嘅原罪，九巴未必想做好佢囉
話搏重建反彈，但真心唔太樂觀，未來幾年係拆樓高峰期，響未有新客前運吉會唔會畀機會你先

Ohm 發表於 2021-9-16 01:42
睇第一段就覺得樓主係咪真係熟行情
8號小巴一向服務欠佳，據某fb群組所講，成日何文田開出後偷雞唔入忠孝街 ...

偷雞事少，唔入何廣條8仔，唔少司機經常博懵喺housing對面巴士站等到客滿，問過冇人落愛民/忠孝街就直飛家維邨，我喺忠孝街等小巴，let say 大8半粒鐘一班，直頭可以半粒鐘內都唔會有車經過，就算經過都冇人落，喺食足半粒鐘風。

依家何文田站可以直落紅磡，唔怕行大斜路嘅，真係好過等小巴，忠孝街班客都比佢趕走唔少人。