屯馬線通車後，何紅巴士觀察

yoho 發表於 2021-9-16 17:49
望落去87D/ 281A好似跌得仲嚴重，尤其係87D

87D唔似屯馬綫影響最大，至少晚繁係仲識得頂閘，87D晚繁用車多，中間是但一個站比人頂一頂、食咗幾盞紅燈，就好容易出現頭重尾輕。

反而係梳士巴利道經中間道去九龍公園徑太多車用，搞到埋半島堆車又入唔到、焗著喺慢線等，經常要用快線硬cut入中間道，然後塞死哂全世界，彌敦道堆站全部都變晒有緣人，搞搞嗰頭死亡交叉先再講喇。

ccchhhuuunnn 發表於 2021-9-16 14:38
荔景山冇乜大帝
如果45縮到美孚可以換到其他有用嘅嘢嘅又不妨可以考慮下
好過死攬住條41唔知做乜或者魚蛋 ...

41 客唔多，我同意，但 45 也唔見得好好，如果取消 41 換 45 加密，對青衣不公平囉

荔景有兩條鐵路，人口又比青衣少，45 加班但取消 41，條數點計都唔合理

我唔清楚你上面講換其他有用既野係新線定現有路線加車啦

總之我立場係如果取消 41 就去換新線新服務係唔會改變

xdxd 發表於 2021-9-16 14:45
新線去到美孚/荔枝角，咁相對地又要有線由荔景山落長深荔，滿足轉鐵/巴士同埋去長深荔一帶嘅需求。
人哋 ...

15 分鐘都叫要求唔多 ？夠客支持先算啦

早繁唔知啦，但其他大部分時間 45 46 麗瑤開去到美孚都很少客，俾盡最多只值 20 分鐘一班

948 非繁時都係 30 分鐘一班咋，但離開青衣前肯定多客過 45 46，我都唔會要求佢非繁時 15 分鐘一班

仲有荔景有兩條地鐵線，駛鬼出美孚荔枝角轉，清麗苑行去美孚搭鐵都得

青衣大部分巴士線即使講唔上線王級數，但客量都見得人，好睇過荔景好多

kingprowm 發表於 2021-9-16 19:55
15 分鐘都叫要求唔多 ？夠客支持先算啦

早繁唔知啦，但其他大部分時間 45 46 麗瑤開去到美孚都很少客，俾 ...

不過你啲街坊表明寧願要非繁15分鐘一班948，都唔要41喎

kingprowm 發表於 2021-9-16 19:46
41 客唔多，我同意，但 45 也唔見得好好，如果取消 41 換 45 加密，對青衣不公平囉

荔景有兩條鐵路，人 ...

支持41兜荔景山！
支持取消41，開新線青衣經荔景山出美孚！

Btw 原來兩條鐵路係瑪嘉烈醫院有站，長知識了！

jpoon 發表於 2021-9-16 03:56
796X去將軍澳方向差咩？真係唔係好覺
我作為紅磡客，真係好日都唔會搭297，真心寧願行去歐化（行15分鐘）都 ...

其實話差又唔係，只係相比起其他線（例如係12A、5C等等客量基數大嘅線）就跌得甘啲
同埋796X喺時間上又唔係好曳，未必唔夠鐵打
所以就諗住攞上嚟講下。

297，我就覺得有啲出奇，
理應將轉開埋，796X轉694／798對坑寶嚟講多咗一個選擇，對297客量應該有影響，
但（我觀察到嘅時段）唔係咁，今朝十一點零喺街市見到十幾個客有796X都唔上等297，
我就唔太明喺邊度嘔出嚟

「紅磡客傾向上297而非796x」.....????!!!
不論班次還是上座率，我自己所見嘅時段，796x都好好多喎

214P_world 發表於 2021-9-16 20:18
「紅磡客傾向上297而非796x」.....????!!!
不論班次還是上座率，我自己所見嘅時段，796x都好好多喎 ...

我搭開嘅班次，796X相對地依喺江西街、天光道、洋葵樓三站比較多客；
297就主要係家維邨、天光道嘅上客量突出啲。

我諗之前講得唔好，我唔係話297整體多客過796X，呢樣冇乜可能發生;
只係297相比之下冇乜跌過客，同埋紅磡客上297嘅人數有時多過796X。

kingprowm 發表於 2021-9-16 19:55
15 分鐘都叫要求唔多 ？夠客支持先算啦

早繁唔知啦，但其他大部分時間 45 46 麗瑤開去到美孚都很少客，俾 ...

青北一大堆俾人話重疊、資源浪費嘅短途區內線唔少都開緊15分鐘或以下嘅班次，然之後鬧其他人唔配15分班，佩服佩服
咁講啦，未有ETA年代45曾經有提過縮落荔枝角，剩低喺麗瑤開嘅46都獲保留15分一班，
今時今日有ETA、荔景山又有幾棟新樓落成，人口增長唔係冇（唔係幾想執你同富山大帝啲論點口水尾），
同時45／46都做緊聯合班次，平均載到三、四十人落山（同我19年搭41相比，青衣段客量每次都少過呢個數），厹又唔打算再減（當然搞都幾麻煩），荔景山想keep 15分落山頗為合理，亦都夠客去做。

kingprowm 發表於 2021-9-16 19:55
15 分鐘都叫要求唔多 ？夠客支持先算啦

早繁唔知啦，但其他大部分時間 45 46 麗瑤開去到美孚都很少客，俾 ...

講幾多次先明淨係針對如果取消41換45 15分鐘一班眼紅人有咩意思
講過N次就算真係咁，46或其他荔景山綫點都要交數
路綫重組點都有贏有輸，爭在個deal靚唔靚換到更好更合用家嘅嘢，而唔係死攬住啲廢綫過日辰
45加密就可能46要交數
41取消就有機會換到41A/44/948加密
41/45齊齊縮到美孚-紅土又可能變咗41A/44/948加密+荔景山-美孚/長沙灣短途接駁綫等

都係果句，41兜埋荔景山食咗45咪皆大歡喜，非繁可能會變咗20分鐘一班又慳到車
青北仲多咗路綫直達荔景山，青北又贏