關於北港島線

ryandroid 發表於 2021-10-2 01:55
港島東公屋有幾多？
西灣河、小西灣公屋都係搭巴士
係筲箕灣同柴灣公屋鐵路巴士都有得揀

我上面都有提換線除咗影響港島東來往港島西 仲會影響港島東來往油尖旺深長荔 佢哋唔係過海？諗住叫佢哋碌102就算？住油尖旺深長荔嘅人連埋住港島東夾埋都叫人數少？換線唔係淨係住港島東先受影響 住其他區都會

個問題係我睇唔到換線有咩特別重要嘅效益值得要犧牲上述呢啲人 單係為咗觀塘將軍澳轉少次車去中環同埋東涌綫一程過去港島東係咪真係值得影響咁多現有乘客？就算真係值得影響 都起碼提出紓緩措施（例如102拆線）而唔係淨係話港島東轉多次車冇所謂

ryandroid 發表於 2021-10-2 01:47
換綫嘅話
將軍澳綫可以減少東隧同東區走廊嘅車流
港島綫換綫更可以造就港島東巴士發圍

東區巴士仲可以點發圍？
你講到東區好似將軍澳咁依賴鐵路咁
但現實係7系巴士、8P、18P、118呢啲朝早絕大部分班次都頂閘，722 18P常見頂閘留後，流水嘅8X/19 2A 23客量都唔差（講緊同同時間電車班班full），619過海後可以二次頂閘，18系、720、99更加係巴士公司不屑做咁多客，cut班改線趕減啲客走
其實咁嘅客量，巴士仲想點發圍？102 720 788加到一分鐘一班？
新城嗌蝕錢一件事，但唔好以為東區無人搭巴士，相反東區搭巴士比例肯定高過唔少區
只係本身東區真係通勤量大，即使多人保巴，港島線仍載到超過半車local客

東區地鐵同巴士都多人搭，我已經講過原因，係傳統工商業脈絡強大，大量公司office 位處西營盤＜＞鰂魚涌港島線沿線，當中唔少雇員以至老細都住喺港島北岸各處
就算港島人口見頂，呢個傳統脈絡仍然會存在一段長時

相反，近年冒住極高樓價搬得入將軍澳住嘅人，而家條將軍澳線已經非常吸引
完全無需要幫佢哋諗轉少次車直入中環心臟地帶
但因為人數實在太多，而且攬炒埋東九龍，所以必須考慮延長將軍澳線入灣仔區

交匯分流效果較差，但唔好講到分唔到流
換線換唔到，就交換都唔起？唔該唔好咁魚蛋論
十幾年前嘅研究，有無考慮到將軍澳（以至清水灣西貢）人口返港島比例高成咁？有無計而家喺百勝角、137區、魷魚灣等等插針搵樓？有無計安達臣發展密度增加？我都有啲懷疑

我唔理係交匯好，定係純粹延長將軍澳線去會展都好，單係考慮將軍澳+東九龍，延長將軍澳線都必須要做
喺會展同時滿足埋東鐵快速轉車去鰂魚涌，火車沿線同樣受惠，已經滿足埋你火車沿線轉一次車返鰂魚涌嘅要求

換線監生割斷呢條傳統港島脈絡，大量港島人朝早目的地係西營盤、上環、中環南、灣仔南、黃竹坑、尖沙咀、旺角、荔枝角，必須要喺北角落車無得揀
但將軍澳線可以唔落車直去中環灣仔銅鑼灣心臟地帶，多謝晒，除非去灣北同IFC，否則幾歹都唔落車
於是北角而家嘅塞人情況將會持續，只係方向由港島線月台，搬去將軍澳線月台
同時影響埋深長荔油尖旺太古以東，呢度都有批人
而地表嘅巴士本來已經好full，但仲要加大量巴士應付，係咪想廿年前新城惡鬥大塞車重演？

再者新城真係咁恨做東區？有得揀佢做大933 989唔好過？

clivetock 發表於 2021-10-2 10:46
我上面都有提換線除咗影響港島東來往港島西 仲會影響港島東來往油尖旺深長荔 佢哋唔係過海？諗住叫佢哋碌1 ...

而且就算102點拆線，都係會塞車
我放工喺鰂魚涌搭102P去旺角，都搭過成粒鐘出嚟
逼人搭巴士都算，逼人搭啲咁重口味嘅車，真係多謝晒
而且呢啲線本已經多車多客，逼人搭巴士要加幾多架車先做得晒？
但新界轉少次車好重要，港九更塞車都值得啦，yeah

hellomato 發表於 2021-10-2 09:30
小弟8年前第一次發北港島線的討論，到而家還是有換線與交匯之爭，而且堅持換線的還是那幾位師兄......:time ...

師兄分析得唔錯
最主要係換線並不完美，所謂嘅分流效果佳，要大量建築於港九嘅痛苦之上
就算當換線技術上可行，但對港九做成嘅打擊真係大到難以彌補
換線後將軍澳線缺乏誘因喺北角落車，但港島東起碼半車人唔落唔得，結果都係塞爆中環＜＞北角一段舊線，而香港＜＞北角一段新線，因為港島東去西環、南區、彌敦道、荔枝角唔用得，運能未充分運用

相反交匯喺呢方面係比較平衡，港島線去到北角無需落車，將線乘客唔落車進入新線誘因大得多，北角站人數明顯減少，兩條線載客量得以善用

所以唔計錢同技術，交匯一樣有好過換線嘅地方

見到個討論版咁長，我都出句聲啦：
第一，我以二十年港島人身份，強烈反對北港島綫採用換綫方案，因為此舉會徹底破壞港島綫的完整性。換綫vs交匯我一定選擇交匯無疑。就算我每日要由港島綫西段搭車去北角轉車，我都唔想嗰段港島綫併入將軍澳綫。
我知唔少人會覺得換綫之後，東涌可以直達柴灣、將軍澳(新市鎮，連坑口寶琳)可以直達港島西零舍吸引，但係呢啲路程我覺得隨着中環灣仔繞道通車，應該由繁時巴士取代。再加上換綫捗及複雜工程問題，恕不贅述。

第二，交匯方面，本人認為在添馬站設站轉車站，分別為兩條路線的終點站，是最好的方案，可以兩條路線各只設一個月台，方便管理。本人反對將東涌綫及將軍澳綫合併為單一路線，俗稱「東將合體」，同樣涉及上述複雜工程問題。

第三，不知樓上各層有否提出將康城支綫撥入觀塘綫；本人同樣強烈反對此方案，因為會令觀塘綫變相接管將軍澳車廠，打破港鐵重鐵「每條路線一個車廠」的平衡(觀塘綫有兩個車廠，而將軍澳綫無車廠)。

唔使嘈啦 最新消息係“側聞政府已經搵咗港鐵研究簡化北港島線方案，最壞情況隨時連匯都冇得交🥺”By Tony兄
分分鐘東涌綫冇份郁

Justshamxx 發表於 2021-10-2 13:16
見到個討論版咁長，我都出句聲啦：
第一，我以二十年港島人身份，強烈反對北港島綫採用換綫方案，因為此舉 ...

exactly
我雖然出世至今無住過港島半晚，但以喺港島東返工超過十年，日日見住港島區交通通勤情況
自己先後住黃大仙同沙田，將軍澳線、大隧東隧嘅重口味領教過晒，我自問都有資格反對換線

唔喺港島返工嘅人，未必覺得港島區內交通咁重要，但事實就係咁重要
平時出去見客見則師，人哋supplier過嚟見我哋，唔少公司仍然位處喺港島線沿線，當中有一定數量嘅人本身都住港島線沿線
我公司就算部門經理甚至GM都係呢類港島人，都唔揸車的

雖然港島樓價貴到癲，人口見頂，但點計都好，東區都係一個有30幾個區議會分區嘅大區，當中大部分住太古以東
另外九龍西＜＞港島東、港島南＜＞港島東都有一定數量通勤
換線郁到嘅人真係多得緊要
仲有部分郁到嘅人要考慮改搭沉重嘅路面巴士

換線最偉大係成就鐵路迷夢想嘅版圖，多咗兩條市區市郊直通運轉嘅路線
換到新界東西容易來回太古以東，但實際有幾多人要咁搭？
新界去港島東，適逢灣仔繞道通車，呢幾年開咗唔少特班，通勤已經好咗唔少，長途線用巴士做亦比較舒服
至於反方向，港島東晨早流流唔會好多人要去上水東涌吧

如果新界真係好多人要去太古以東，換線就真係有需要
但望下，太古以東去新界，全日新界巴士原來巴士都係得682同694，有幾多人要咁搭，自己諗下

十幾年前嘅研究，對而家嘅人口分布、通勤走向、私家車數量增長，可能都未仔細考慮
例如將軍澳對白領真係吸引到兩房900幾萬都衝入去買，私家車數量已經多到點行三隧分流都塞爆紅隧東隧，呢啲因素喺十幾年前未必有充分考慮

為咗偉大版圖，而要影響咁多人，仲要影響到嘅係市區主要交通系統，實在講唔過

換線好，交匯好，東將直通好，各有優劣
但行交匯方案，甚至如果只係將軍澳線延長去會展，都夠大大紓緩將軍澳、九龍東同火車沿線嘅交通，亦係負面影響最少嘅方法
剩餘未完美嘅地方，用灣仔繞道開特別巴士補充，已經幫到唔少手
巴士公司亦樂於開長途線發大財，而唔係加強本身已經不屑做嘅local客

最完全嘅方案，其實係東涌線、將軍澳線交匯之餘，各自保留技術條件延伸
講真以世界各地嘅核心CBD嚟講，三條平衡主線鐵路一啲都唔多，大可以東將各自做主線，亦可以同將來發展（例如西部外走廊）交匯

he_01 發表於 2021-10-2 13:53
唔使嘈啦 最新消息係“側聞政府已經搵咗港鐵研究簡化北港島線方案，最壞情況隨時連匯都冇得交🥺”By Tony兄 ...

如果東涌綫唔改，又唔直通，我懷疑係將軍澳綫去香港站做總站，甚至暫緩興建添馬（保安問題）

其實換線根本唔討好港九既交流

純粹係討好新西新東同將軍澳