點解rotem車總係買咁少

將軍澳綫-要用16抽，只有13抽K(就算通車嗰陣2:40一班都已經行足13)
東涌綫-明知當時唔夠都只係買4列
東鐵綫-縮左3卡都仲可以只係買返同一數目(29 MLR+8 SP1900)>37(R-train)，係後尾先補鑊+6

究竟係咩原因買Rotem車買咁少搞到唔夠用

基本上都係睇計劃及 所需/可用資源 而去決定買車數目。

1. 觀塘線縮短﹐多出的列車就可以轉給將線﹐當時仲有其他車可供調配。加埋新買的K-車﹐就足夠應付將線開通。
可以等到康城提供服務﹐再決定買車還是由其他線抽車。

2. 買更多的車都無用﹐因為加完4抽車之後﹐早繁就會用盡電力系統的供電能力(變電站處理能力)。
電力供應不足﹐即係有車都無用。唔夠電力供應﹐部車行唔郁。
MTR一直都係想縮數﹐唔想投資在東涌線。
有說﹐車廠維修配套亦需要提升﹐才有能力應付再買新列車的支援需求。

3. 雖然無正式公佈﹐但係你一數列車數目﹐先買37抽車﹐其實就係純粹換車﹐唔包括過海段所需的額外列車。
之後買的6抽車﹐就係過海段用車的需求。

按原先最初的計劃﹐係換晒新車之後﹐仲有一段時間才會開通過海段。
押後買過海段的列車﹐對財務上有幫助﹐亦唔需要提早打理批車。

當然﹐工程大幅延誤﹐令到現在都未完成換車。
過海段亦差不多完成﹐所以就出現未完成換車就買新車﹐一個以為買唔夠車要補鑊的錯覺。

kei_hk 發表於 2021-9-26 10:13
基本上都係睇計劃及 所需/可用資源 而去決定買車數目。

1. 觀塘線縮短﹐多出的列車就可以轉給將線﹐當時仲 ...

1.其實港鐵之前買咗批新車俾東涌線同機場快線嘅同時,都話同時買咗批車俾市區線用,所以好大機會將軍澳線有份

2.係唔係因為青馬大橋呢個問題?供電系統終身都解決唔到?或者要等到換新信號系統先可以解決到

kei_hk 發表於 2021-9-26 10:13
基本上都係睇計劃及 所需/可用資源 而去決定買車數目。

1. 觀塘線縮短﹐多出的列車就可以轉給將線﹐當時仲 ...

1.觀塘綫根本冇短到，尾段都係兩個站（北角鰂魚涌同油塘調景嶺，只係行車時間少咗1分鐘）
3.每抽少咗三卡但係一抽都唔加咁都無問題？

VA73@2A 發表於 2021-9-26 11:59
1.其實港鐵之前買咗批新車俾東涌線同機場快線嘅同時,都話同時買咗批車俾市區線用,所以好大機會將軍澳線有 ...

嗰堆新車(願景車)係用嚟換M-train，唔係額外買新車

唔關青馬橋事，而家仲未到樽頸。成件事嘅問題係電力供應不足，搞到限死咗列車運行數量

Sita1004-1017 發表於 2021-9-26 13:23
1.觀塘綫根本冇短到，尾段都係兩個站（北角鰂魚涌同油塘調景嶺，只係行車時間少咗1分鐘）
3.每抽少咗三卡但 ...

因為新車加速度提升咗，令行車時間縮短。但呢個優勢因為仲有舊車喺度，所以發揮得唔明顯。

AVBWU291 發表於 2021-9-26 13:39
嗰堆新車(願景車)係用嚟換M-train，唔係額外買新車

唔關青馬橋事，而家仲未到樽頸。成件事嘅問題係電力 ...

1.佢唔係話除咗買批車換車之外,仲有一批係幫市區線加車

VA73@2A 發表於 2021-9-26 13:58
1.佢唔係話除咗買批車換車之外,仲有一批係幫市區線加車

當年為觀塘及港島延線買c車時，已經買多了車，彌補改裝迪士尼車而減少的m車，唔記得仲有無訂多。
所以，當時市區線列車數目已經回復應有的水平。

無記錯的話﹐當年抽走M車改裝後﹐整個市區線列車數目只係剛剛好夠用。
扣除大修車及法定後備備用車後﹐繁忙時間根本無車淨﹐全部都要出動。


但係荃灣線撞車之後.......，我就唔敢講。


今次市區線換M車，就無額外買多的，新車總數係同M車數目相同的。
即換晒批m車之後，列車總數都係不變(以荃灣線撞車前的數目比較)。

VA73@2A 發表於 2021-9-26 11:59
1.其實港鐵之前買咗批新車俾東涌線同機場快線嘅同時,都話同時買咗批車俾市區線用,所以好大機會將軍澳線有 ...

上面已經有人講了﹐現時班次未到極限。
如果現時已經上限﹐東涌加站及發展﹐東涌線點加班應付?

參考多年前立法局文件﹐成個大嶼山鐵路線﹐最高班次密度﹐係以 4.5分鐘一班機場快線 + 4.5分東涌車 + 2.25分青衣車 這一個行車組合設計的。


至於現時班次問題﹐除左唔夠車之外﹐主因為供電系統。
訊號系統係要提升﹐但我唔係太信現時的班次已經係最高容量﹐仲有加密班次的空間。

供電系統方面﹐只係變電站未裝晒變電設置﹐全部變電站內已經有預留位置加添設置。


現時問題就係加車的同時﹐就要提升埋供電﹐所以MTR 就拖得就拖。
之前買東涌線K車﹐供電系統未用盡﹐所以只需買車就可加班﹐相對下成件事簡單得多。

另外﹐加密班次仲有其他配套的﹐包括車廠處理能力﹐以及香港站隧道盡頭要加長﹐增加安全距離﹐以便提升列車進入車站的速度。



還有﹐東涌線的列車﹐同市區線的列車尺寸係不同的﹐兩者係唔可以撈亂用的。
可以留意司機位的位置﹐就會發現2種車不同之處。

kei_hk 發表於 2021-9-26 16:50
上面已經有人講了﹐現時班次未到極限。
如果現時已經上限﹐東涌加站及發展﹐東涌線點加班應付?

別忘記黨鐵在市區綫隧道為機場鐵路列車「打磨」車身，這些事肯定讓港鐵不敢將不同路綫的列車混合使用。