2022年4月封閉裕民坊[道路]巴士改道

當正個觀塘迴旋處萬能，嫌未夠塞車咩

離晒大譜，本身物華街果兩個巴士彎本身設計就比封裕民坊巴士用，
依個運輸署同顧問公司走去搞屎棍，走去比最無需要既旅遊巴士用。

然後走去唔加得巴士站既位加站比東隧線清客。

行物華街康寧道落山唔得嘅?

hk20020062 發表於 2021-9-27 23:46
行物華街康寧道落山唔得嘅?

本來唔係唔得，不過條行人天橋同路口起到咁，都唔知會唔會轉唔到彎

協和街南行轉唔入物華街唔知邊個天才設計出嚟, 觀塘人過咗幾十年嘅協和街/物華街/月華街交界紅綠燈走去用行人天橋代替, 馬路兩旁近在咫尺, 行得上天橋我而家都過完條馬路!

搞到人又麻煩咗, 車又轉唔入.

而家協和街南街轉入凱匯小巴總站嗰度, 前啲第時冇咗轉入同仁街, 不如就用嚟整個U-turn位畀巴士U番上北行轉入物華街.

仲有, 裕民坊巴士總站應該用嚟畀上客路線用, 13M 95M呢啲兜入去把鬼咩, 606 641 group埋28B, 去九龍灣一齊停總站就差唔多.

家吓觀塘道東行轉上康寧道已經塞過觀塘市中心直去迴旋處, 仲建議掟晒協和街南行啲巴士落觀塘道U-turn, 簡直係黐線, 以前唔係點塞嘅位都搞到塞埋, 諗嘢班友係咪靠害.

只要班人有腦諗嘢，所謂「後備方案個巴士專用路口」根本唔可能再浪費時間研究,係一定要; 觀塘道迴旋處係必然塞情況之下封得裕民坊同仁街，點會冇可能塞上塞, 觀塘道迴旋處本身車流已經唔係快(圈大又多盲眼柱位)

一係就CUT曬停裕民坊,反正搞咁多大龍鳳遲早天橋駁天橋迫人上鐵，為一個PTI搞咁多嘢把托咩

EX-TL 發表於 2021-9-28 00:59
協和街南行轉唔入物華街唔知邊個天才設計出嚟, 觀塘人過咗幾十年嘅協和街/物華街/月華街交界紅綠燈走去用行 ...

成個 PTI 最大問題係小巴，小巴離開總站一定要兜大圈先落得番觀塘道，
10M 23B 23M 63 油麗藍田全部都要兜康事道。
我真心唔明點解小巴總站唔可以右轉落協和街。

更低能係物華街同康寧道條行人唔闊到可以做巴士站又唔做，劃多條左轉線又唔劃。

14B 23M 28B 606 641 619 就算唔入總站，咪係出面物華街停一停走人，
28S 唔該踢走佢去 16M 條坑，比番 89 89B 89X 一齊入總站，同埋好心 26M 都入番總站。

寫呢份ppt個廢人，真係要捉佢去體驗足一個月搭巴士出入觀塘區先得
檢討要唔要開路口，起碼一個月，批改路要3~4個月，做工程又要多3~4個月
封完裕民坊，要塞死成個東九龍大半年，先有返正常路口用，諗下都知呢件事有幾痴線
真係唔使搭公共交通工具嘅人先會諗得出

建議啟動巴士專用路口的準則：
. 檢視裕民坊封閉後途經觀塘道迴旋處的巴士到站延誤之情況（例如: 巴士長期延誤超過5-10分鐘）
. 檢視裕民坊封閉後途經觀塘道迴旋處的巴士到站延誤之發生頻率（例如: 巴士於上午/下午高峰時間或大部分 時間、星期一至星期六之延誤）
. 對上述情況進行為期一個月或定期檢視，以決定應否啟動巴士專用路口。


改造巴士專用路口預算工作方案：
. 預備及審批相關臨時交通管理措施及挖路許可證申請: 3 至4個月
. 進行巴士專用路口改造工程即土木工程、更改交通燈號E-prom等 ：3 至4個月
. 前提是巴士專用路口的詳細設計事前已經先得到運輸署交通工程部及交通控制部 、機電工程署等相關政府部門的同意和批准
. 此外，需要進行巴士路面測試，以確保運輸署及巴士公司均能接受巴士專用路口的安排。

neoplan720p 發表於 2021-9-27 13:51
23M、28B 走線真係好風趣，
政府班垃圾既腦袋構造真係夠哂特別。

擺到明噤改想將呢2條線直接送俾區內小巴線等無聲無色地死它鬼咗就算,反正紅巴呢2線都係Hea做成日嗌收工唔做個款.

608P係咪想等到改路後先開，嚟到彰顯車程差距