Class 150嘅製造商係BREL York,於1980年代早期投產,屬於當時新款的Sprinter型柴聯車,或者叫DMU。這批列車屬於第二代柴聯車,通常比較短小。第二代柴聯車比第一代遲出現不足20年,但當時卻急於引退第一代柴聯車,其原因是第一代柴聯車使用了有毒材料石棉(asbestos),而為了保障乘客健康安全,鐵路公司曾打算大幅翻新列車,但基於成本高昂,加上對年紀不輕的列車翻新的回報不大(要知道當時技術沒有現在般先進),故此第二代柴聯車便誕生了。
Sprinter只是第二代柴聯車的其中一種等級,另有Pacers、Turbos、Turbostars 等其他等級。Sprinter列車大部分使用康明斯引擎同Voith波箱,最初只有3款樣版車:Class 150/0、Class 151同Class 154,可惜最終只有Class 150有量產,另外還有Class 153/155/156/158同159列車。Sprinter列車大多只有2卡,另外有少部分1卡車和3卡車。在我現在身處的Cardiff,營運公司Transport for Wales 有 Class 150/2 、 Class153 和 Class 158,其他型號則遍布英國各地區。
廢話未完:而家講我坐車嘅原因。話說小弟所讀嘅sixth form college基於某国肺炎,對學生外出要求非常嚴格,就算係要去超市買野都要提前1日問學校批leave request。今個禮拜係mid-term,學校都唔比離開Cardiff,要留係宿舍自high,難得有個去城市邊緣嘅公園嘅活動,二話不說就即刻報名,放鬆下剛考完校內試嘅心情。