989 西灣河-->火炭駿洋邨(經西隧，大圍，沙田)

61233 發表於 2021-10-29 10:46
佢咁兜都唔吸引人去搭，但唔代表冇需求

睇返九仔條900就知，如果佢入埋沙中，佢應該唔會得5班咁少，或者甚至可能全日左都唔奇。源和路兩邨開邨近50年都無過海車，唔等於班居民唔洗過海。

989唔係話唔睇好佢，而係四美區既定線唔吸引。
想全日就四美區跟85行，港島就來回改糖水道落橋兼拉去筲箕灣。

想問933客量如何?

leo_ku 發表於 2021-10-29 12:51
源禾路過海客比盡做到下年中咋喎，前景未必咁睇好，都未計東鐵白石角站會上馬。

反而989 主力攻六美東區 ...

瀝源邨或者比較多人轉投鐵路, 但禾輋邨搭鐵路始終都係有少少吊腳。

不過, 989 如果淨係做港島東, 全日30分鐘一班計, 甚至哪怕做20分鐘, 儲客難度仍然較高。102, 106密密車咁去紅磡站, 唔太樂觀。淨係靠做美林一帶過海邨巴食糊咁計,  起碼要在中環加一兩個站, 然後配合930系八達通轉乘, 再在西隧往新界方向巴士站加多啲座椅, 咁就稍為樂觀少少。

沙田過海應該等東鐵過左海先改，沙中線沿線近年都無大改動，都係等將來交數用

kay 發表於 2021-11-1 23:15
沙田過海應該等東鐵過左海先改，沙中線沿線近年都無大改動，都係等將來交數用 ...

我又掉轉諗，係要改定對戰

一 /要俾客習慣/有感覺都唔算耐啫，咁到鐵開時過戶機會動機細啲；
二/如果沙中對過海線沖擊咁大，打定輸數開線後要摺，點解唔試下改左先呢
三/之前區內線市區線可能巴士公司都有心態cut就cut啦，但係過海線已經係相對銀碼大啲；同地鐵又有相對競爭力嘅組別，咁都放棄就真係「執X左佢」算啦

其實以往經驗
開馬鐵680/681 死唔去
開西鐵960/961/968 又死唔去
開西港島綫104/113 仲吊緊命
開何文田站 109 都係死唔去

所以開沙中線，係會有沖擊，但我覺得未必真係咁未打先輸（182/170 呢啲陪塞嘅另計）

同埋兩巴都想睇下沙中線究竟會有幾大影響，先部署下一步行動，講真，晨早計依家堆沙田過海車絕對可以同港鐵一爭，絕對不愁冇客，里數相對冇屯門天水圍線咁多之餘，收入都算唔錯，入夜既182 返沙田完全冇跌客，夜晚10點灣仔隨時冇位坐 （當然夜晚過對面海都係收皮個隻），所以我覺得睇埋過海段客量先知道情況，特別幾條大圍客倉線 （982x/ 985系/ 182/170/ 989） ，唔知會有幾大影響，第一城馬鞍山就要睇下東隧情況

AVW28 發表於 2021-10-29 12:45
989唔係話唔睇好佢，而係四美區既定線唔吸引。
想全日就四美區跟85行，港島就來回改糖水道落橋兼拉去筲箕灣。

989新界走線定線係想盡量吸鐵路唔到/遠離鐵路既地方既客
所以冇乜可能飛四美

szeto993 發表於 2021-10-28 23:14
989算係好理想但又未去到中上環線嗰種，搭過2次早上去港島叫做仲有位執西隧口轉乘客上滿過海，大圍乘客佔比 ...

駿洋-松頭下路-駿景園-銀禧-御龍山-禾輋瀝源-沙中-應該係會夠客。
問題係巴士公司放棄火炭山區住宅客源