田北辰建議屯門經交椅洲至港島鐵路增設三聖及黃金海岸站

newlife 發表於 2021-11-23 23:06
青龍頭填海範圍水深5米： http://paper.wenweipo.com/2012/01/05/HK1201050011.htm

就咁量度個填海範圍只係1200m x 150m
豪景花園根據2016年中期人口調查連9000人口都唔夠
粗略放多個豪景去個填海區，人口都唔會過到20000
填海區仲要預留返車站個位置，即係唔可能用盡晒黎起樓

上面提過航道水深係20米以上，由青龍頭去馬灣甚至係青衣你想點起？
用沉管隧道，青龍頭站要起到幾深先得？
用高架橋，青龍頭站要起到幾高先得，而且其西面已經要起青龍大橋
會唔會影響景觀架？

P.S. 我諗我都係太認真啦

睇番以前展城館個模型. 應該會收起小秀上村成幅地起連埋後面座山起站同大量房屋

008325 發表於 2021-11-24 01:12
睇番以前展城館個模型. 應該會收起小秀上村成幅地起連埋後面座山起站同大量房屋 ...

展城館個model其實好粗略

jpoon 發表於 2021-11-24 00:59
第一: 請提供數據，唔好口噏噏當秘笈
第二: 你講鯉魚門航道係一條相對較直嘅航道，唔駛點轉彎，而深井係 ...

數據應由政府公佈或查詢政府所得出為準，況且有啲根本就係common sense，係唔需要數據就已經知，一般情況下航道越窄水流就越急，如汲水門。航道直就一定可容許大型輪船駛經？鯉魚門馬環村至海防博物館之間航道突然收窄得咁厲害，點都會令水流轉急，因此輪船要行得好慢避免意外，相對上深井航道確實闊得多，所以即使填海，唔係完全冇增加水流，但情況肯定比汲水門或鯉魚門好得多。汽車不同輪船，馬路不會闊得像海洋，即使係巨輪，喺海上衹佔好細部份（附圖），唔會受轉彎半徑所限。

eternalflame 發表於 2021-11-24 01:05
就咁量度個填海範圍只係1200m x 150m
豪景花園根據2016年中期人口調查連9000人口都唔夠
粗略放多個豪景去 ...

如果青龍頭少人，咁小欖更少人，僅7500，係咪條綫經過、順路而唔考慮人口就一定要俾站？何況睇唔到政府有咩計劃增加小欖人口去撐起一個重鐵站。青龍頭填海約增一萬人，若加上收回龍如路一帶村屋地（附圖）去起高密度公居屋私樓，應可再添一萬至萬五人左右，即青龍頭最多可容納三萬多人，同顯徑一帶人口相若。入海隧去馬灣喺深井，唔影響青龍頭站，建議深井站設喺深井西面（即海雲軒以南）近地面之地底，以便預留足夠距離向東落斜過海，列車於珀麗灣西北面登陸，越過村屋群地底（冇樁柱影響）並緩緩爬升至接近地面之地底，與東涌綫馬灣站交匯接駁。

newlife 發表於 2021-11-23 02:28
閣下發起嘅北環綫南延建議（ https://www.hkitalk.net/HKiTalk2/forum.php?mod=viewthread&tid=1188924&ex ...

其實田北辰既建議係咪都應該放F版?

名人既建議都唔應該喺R版討論

timewater 發表於 2021-11-24 11:31
其實田北辰既建議係咪都應該放F版?

名人既建議都唔應該喺R版討論

其實係，爭取同現實研究往往有距離，佢之前話駁屯門站，但好早既數據已經顯示駁屯門南站先係政府意向
睇返地型環境呢條鐵亦無可能駁屯門站轉乘。

newlife 發表於 2021-11-24 02:04
數據應由政府公佈或查詢政府所得出為準，況且有啲根本就係common sense，係唔需要數據就已經知，一般情況 ...

你講common sense我又講common sense
你一方面又話「一般情況下航道越窄水流就越急，如汲水門」，咁你要填海收窄航道水流咪急咗囉，呢點你都同意
「航道直就一定可容許大型輪船駛經？」我係講緊你用鯉魚門做例子，鯉魚門航道較直，唔駛轉彎，同汲水門航道要轉彎冇可比性
「因此輪船要行得好慢避免意外」common sense話我知轉彎唔同直行，除咗船隻或拖船動力，水流都會帶動隻船行，你收窄咗航道，同埋船隻航行仲會產生波浪，你填咗海，窄咗之餘仲有機會令波浪反彈更強，係咪需要計數睇下對水流、航行影響幾大呢？係咪單單一句「相對上深井航道確實闊得多，所以即使填海，唔係完全冇增加水流，但情況肯定比汲水門或鯉魚門好得多。」就得呢？
船隻轉彎唔駛睇半徑呢句更加好笑，咁大嘅船航行冇可能可以原地轉彎囉，會反船咖喎

jpoon 發表於 2021-11-24 12:41
你講common sense我又講common sense
你一方面又話「一般情況下航道越窄水流就越急，如汲水門」，咁你要 ...

鯉魚門航道係直，但重點係嗰個位闊度好低，會令水流變急促，從而影響巨輪通行（要行得好慢），深井即使填咗水流都唔會急過鯉魚門，何況我有時經過深井時觀察啲貨輪即使轉彎過青馬橋都會緩速經過，水流增加不至於令貨船無法安全轉彎駛過。轉彎半徑一般僅適用於馬路或鐵路，好多市區內街就係過於狹窄，巴士無法轉彎駛入，而巨輪甚少會行窄河道，通常喺遼闊大海出現，轉彎入另一航道時衹需考慮水深／闊度是否足夠、水流會否十分湍急（青馬橋情況即使深井填海都唔會變得十分湍急，因航道仍闊，抵銷部份收窄影響）。