取消2D 換618 澤安邨<>柴灣東 (經九龍城,觀繞,東廊,西灣河)

建議開線一年半載後入紙，批唔批由運輸署決定

可以形容為將一條東隧版106P同一條變形嘅2D駁埋一齊，靠九龍城<>西筲柴養起條線。但係做唔到鰂魚涌太古都幾失敗，要人轉613，又唔係密

樓主啲建議好鐘意懶係攞啲廢線格硬拉過海,跟住又陰啲陰啲唔做原本批客
但啲新線又唔係好好多

隔離條902又係，妄想竹園會搭過海/仲當2B嚟用；
不如話想招條深水埗<->東區線好過。
當然2B係廢，但唔見得沿線居民會落踏改用902，何況深水埗車程足以嚇走潛在乘客，九龍塘(以東)大可等搭鐵過海或者轉110都快過等902。

呢條618又係極品嚟,
唔做相對地多客嘅北炮太古而叫人等條日中開20嘅613令人費解,
柴灣同筲箕灣相對上要去九龍城/新蒲崗需求亦唔高。
如果只係想送客去轉車站開30同樣唔吸引客仔去等，同埋都無必要去到咁遠。
有需要砌九龍城/新蒲崗往來東區有其他方法，但咁樣殺2D+拉出太子道明顯係排得好後嘅選擇嚟。

Justshamxx 發表於 2021-12-15 16:33
唔好叫我開老九app嚟理解「街名即巴士站名」，你應該睇返樓主畀嘅Google地圖link，都幾清晰咁劃到明條線 ...

唔知點解, 我用兩部不同手機開佢啲 map link, 見到嘅全部同條2D線冇乜關連...

xdxd 發表於 2021-12-15 21:53
樓主啲建議好鐘意懶係攞啲廢線格硬拉過海,跟住又陰啲陰啲唔做原本批客
但啲新線又唔係好好多

認同。

"澤安道南會起公屋、大坑西重建"...呢啲位要開新隧巴線嘅, 去銅鑼灣需求或者比較大。

不過, 如果 "大坑西" 一帶居民肯搭巴士過銅鑼灣, 兼唔介意俾多次轉車錢去搭112/116 轉 104, 相信兩巴會樂意收足$15 以上, 而唔係砌條線出嚟...

cz9328 發表於 2021-12-16 01:17
唔知點解, 我用兩部不同手機開佢啲 map link, 見到嘅全部同條2D線冇乜關連... ...

用電腦開，手機版google map閹咗好多功能

好多人仲用十幾年前，一班車不能減、一個站不能cut
嘅守舊心態去睇疏到臨界點嘅線，如果乜都唔改
就keep到客嘅話，客量就唔會年復一年差落去。
人嘅出行／消費模式會變，人口結構會變，
亦會有其他更可靠嘅路線或交通工具出現
吸走巴士乘客，老線只會越嚟越低需求。

如果換線換個號碼，可以令舊線原本八成以上乘客可以
用返相同價錢、班次、走線搭車，加上吸到新客路返嚟
填滿架車令條線唔需要再減班、變兩繁甚至取消，
相信乘客係會受落同受益，偏偏所謂地區人士以至網民，
自己都唔坐條舊線又喺度做塘邊鶴，
對啲有建設性嘅方案彈三彈四。

而石硤尾開過海線應該去銅鑼灣定炮北鰂太定西筲柴，
唔係單睇潛在客量，仲要睇自家同對家(巴,鐵)網絡。

石硤尾銅記冇可能唔係104改路/開分支，咁唔係處理2D嘅出路，
界限街太子道西又有113做到銅記邊位，善用113去處理更合適，
又一村有九龍塘站更唔需要銅記巴士。

經九龍城譽港灣去炮北鰂太就同106系、116重疊過多，
608、613轉乘又可以用來做反對對家開線理由，
所以炮北鰂太優先次序反而唔及西筲柴高。
啟德每一塊緊貼太子道東嘅地都係商業同政府大樓，
新蒲崗商貿區已納入埋九龍東CBD2，
單係兩繁雙向通勤已經夠618滿載，
坐鐵的話吸引力咁低，邊個話做西筲柴唔好做？608P嘅出現都未醒覺？

而家618計劃係30分班，到人口增加自然就會加班，
613轉603優惠上到枱，點解618(20分班)轉613就唔得？

見唔到夾硬將舊2D客路同九龍城-西灣河以東合併成一條路線嘅好處
最起碼，做中九龍，但食唔到美東東頭/宋皇臺站新發展區域已經係重大失誤

九龍仔同九龍城內街都唔似會出到客，
如果做類近區域，我會傾向將定線北移去搶106黃大仙/彩虹道+608工貿大樓:

往沙福道經工貿大樓/MIKIKI、四美街、東頭邨道、橫頭墈、浸大(上繁可考慮改行鳳舞街節省行車時間)
往港島東經浸大、橫頭墈、東頭邨道+四美街(上繁不入浸大，下繁改行聯合道、太子道東)
上繁往港島+下繁往九龍加經康山、鰂魚涌，做埋中九龍-太古坊

擺沙福道旨在搏一程車食到少部份浸大/九龍塘通勤客，善用下沙福道總站，亦廢事條線踩入深水埗區範圍

---
至於2D，暫時睇都係向觀塘商貿區前進會比較好

先講港島走綫，企喺九龍人角度，我唔認為西灣河以東需求會高過炮北太古
後者服務人口多，去新蒲崗九龍城嘅通勤需求都有116做辦，行東隧嘅618唔會做唔起。

608P客量又唔係真係好得交關，僅僅坐滿過海，
全日線進取到連太古都唔停實在不被看好，694都係人辦嚟。
跟608、613係保險做法，又或者係682C加經筲箕灣咁都未嘗不可。

再講九龍走綫，
當啟德北/新蒲崗吹到咁重要，結果只係停譽港灣就算，
即使類似做法有85X，倒不如行啟新道入返四美街、彩虹道，同116直接開拖，
再行東頭村道serve埋黃大仙同埋東頭客，
之後經樂富浸大、又或者行返九龍仔去沙福道止步，
好有需要去石硤尾食埋2D先用後面走綫駁返去澤安。

epsilon 發表於 2021-12-19 23:45
好多人仲用十幾年前，一班車不能減、一個站不能cut
嘅守舊心態去睇疏到臨界點嘅線，如果乜都唔改
就keep到 ...

如果換線換個號碼，可以令舊線原本八成以上乘客可以
用返相同價錢、班次、走線搭車，加上吸到新客路返嚟
填滿架車令條線唔需要再減班、變兩繁甚至取消，
相信乘客係會受落同受益，偏偏大坑之後兜咗路，東頭邨一開始就bye bye，九龍城仲諗住入紙撤出

改下改下，所謂舊線乘客嘅相同走線唔知去咗邊
當然新客源改善營運係好事，但係拎舊客源嚟講就嘥氣，係咁好客就唔使改
你話要權宜之計應付地區人士，問題係放咗出去係咪咁易收返呢?

銅鑼灣搵104/113拆出嚟都算，白田何來106系?618做埋太古唔見得同106系重疊太多