今天的壞車經驗+討論

有次我坐59A係荃灣壞車，由於我想目的地是興芳路近運動場一帶．
自己當然是想叫車長截部以葵芳地鐵站為總站的巴士啦．．（行少幾步嗎 ）
誰不知有好多巴士經過(但無59A)車長都有車唔截．．．如果唔係我開口，他都唔會幫我截部69M俾我上

六年前坐M仔行30，往荃威方向於大窩口壞車，司機立即把客分成兩批，
要上荃威既就講到明預時間等多班30，去荃灣市中心就截了部269M來過客。

我試下好多年前，坐59M某掛牌熱狗，係屯門小欖上斜出九龍方向壞車，個師傅叫停部59A冷馬過客都試過啦

前幾日坐259D出九龍，有部258D的3AD係近汀九橋入口個度壞左，個師傅都照叫停我部車過客

再之前少少，坐259D出九龍，又係同一位置壞車，個師傳叫停部62X熱狗同埋258D過客都有，我覺得不一定要同線先得

大約 01 年尾有次坐 87D 返屋企 , 去到沙田醫院壞閘要擺街
無幾耐有部 A41P 豪華躉經過 , 87D 個師傅都猶豫左一陣到底截唔截好
最後部 A41P 都自己駛埋黎開前後閘俾我地過

以我所知壞左車 , 車長應該盡快安排乘客係安全既情況下轉乘其他車繼續行程
以樓主個 case 黎睇 , 車長係應該一見車岩自己班客就截 , 唔需要等返同線既車
同埋部車一壞佢理論上都應該通知返乘客有咩安排

三四年前66仲係去奧運站果時，架車好似樓主搭果架車咁上完斜就死火，司機截停左架58X，話出美孚-旺角既可以搭佢，結果無端端有快車坐。

最近試過一次坐 46X 特見 AL
果日落好大雨，部車臨入隧道壞水撥
好彩岩岩入隧道，勉勉強強都頂到
去到轉車站先嗌人落車，如果唔係都唔知要淋幾耐雨

原帖由 KV149 於 19/6/2007 11:03 發表
以我所知壞左車 , 車長應該盡快安排乘客係安全既情況下轉乘其他車繼續行程
以樓主個 case 黎睇 , 車長係應該一見車岩自己班客就截 , 唔需要等返同線既車
同埋部車一壞佢理論上都應該通知返乘客有咩安排

所以我先覺得個車長有點兒不盡責任
就算唔幫手截車，都通知一聲啦...
(據我所知佢應該都無通知樓下的乘客有關壞車的事情...)

在高速公路壞車過客正常是要警察在場協助過客

壞車情況下, 有時就算係唔同公司既巴士,
如果個司機好心, 都會照停俾壞車上的乘客過車....

原帖由 s3n354 於 2007-6-19 17:42 發表
壞車情況下, 有時就算係唔同公司既巴士,
如果個司機好心, 都會照停俾壞車上的乘客過車....

大概1個月前  有晚搭33A老虎利蘭去到過左葵涌村個站之後落斜果段路附近(冇留意咩名)跪車，後面來左架930，我車司機企出馬路「x臂當車」咁  「折」停架930畀我地過車   奇怪係最終得我一個上車...其他乘客繼續等下班33A