一個關於一個農場嘅故事

從前, 有隻熊經營著一個農場.

農場有好多豬仔：野豬（boar), 倉鼠（guinea pig） 仲有好多可愛嘅小豬（piglets）一齊開心生活, 秩序一直不錯. 不過, 隻熊仍然僱用左一批狗隻, 作用係所謂維持農場嘅治安.

一日, 有隻看門犬失驚無神走去恐嚇一隻小野豬, 小野豬感受到生命受到威脅, 走去咬左隻看門犬一淡. 隻熊大佬聽到之後好激氣, 話野豬威脅住全個農場嘅安全, 叫佢自己嘅看門狗咬死曬所有野豬. 倉鼠同其他小豬你眼望我眼,係度話, “Well, 既然我地都唔係野豬, 咁而家一切都唔關我地事.”

過左無耐, 農場爆發左鼠疫. 呢隻鼠疫傳播力強勁, 但係仲弱過感冒. 隻大佬熊請左隻鴨仔番黎做顧問. 隻鴨仔驚自己比隻熊食左,就求其亂講, 話任何豬隻感染鼠疫都有機會令病毒變種, 帶來更大嘅災害. 不幸地, 有隻倉鼠仔唔知點樣感染左鼠疫, 鴨仔就話:「殺曬所有倉鼠就保障到所有農場嘅豬仔.」於是, 所有倉鼠都被看門犬食曬啦. 小豬你眼望我眼,係度話, “Well, 既然我地都唔係倉鼠, 咁而家一切都唔關我地事.”

又過左無耐, 隻大boss熊話玩厭豬仔, 想去隔離農場引入乳牛, 但咁樣做要移除曬農場上所有嘅豬仔, 於是...

之後發生咩事, 就大家自己估下啦



Boar 示意圖


Guinea Pig 示意圖


Piglet 示意圖


#野豬 #倉鼠 #港豬
#林奠 #笑恥 #猿國勇 #漁護署
#人道毀滅唔人道
#你今晚訓唔訓得著
原post: https://www.instagram.com/p/CY3_ ... ce=ig_web_copy_link

B3都要猜謎？今次有冇hints?

teddybus 發表於 2022-1-18 21:09
B3都要猜謎？今次有冇hints?

咁都謎？
師兄曲定直？

Fuk19805 發表於 2022-1-19 06:35
咁都謎？
師兄曲定直？

咁都唔謎？
師兄曲定直？

不過啲相可以比少少誠意影
或者move to B3i

PF2802 發表於 2022-1-19 09:58
咁都唔謎？
師兄曲定直？

猜謎就應該搬去B22，橫掂都係吹水

其實都講得好淺白，身處喺呢個地方，日日都過緊同樣嘅日子

BUSMAN伯輋雯 發表於 2022-1-19 14:25
其實都講得好淺白，身處喺呢個地方，日日都過緊同樣嘅日子

身處喺B2，日日都過緊猜謎嘅日子？

既然係猜瞇我就估下

從前, 有隻熊經營著一個農場.

農場有好多豬仔：野豬（boar), 倉鼠（guinea pig） 仲有好多可愛嘅小豬（piglets）一齊開心生活, 秩序一直不錯. 不過,
隻熊 (= 喺北京，紅黃二色、以蜜糖為主要食糧)
仍然僱用左一批
狗隻 (= 藍白二色嗰D，比人砵下就拉危駕)
, 作用係所謂維持農場嘅治安.

一日, 有隻看門犬失驚無神走去恐嚇一隻小野豬, 小野豬感受到生命受到威脅, 走去咬左隻看門犬一淡 (= 有野豬咬傷警員一案)
. 隻熊大佬聽到之後好激氣, 話野豬威脅住全個農場嘅安全, 叫佢自己嘅看門狗咬死曬所有野豬. (= 漁護署宣佈"人道毀滅"所有市區出現之野豬 )
倉鼠同其他小豬你眼望我眼,係度話, “Well, 既然我地都唔係野豬, 咁而家一切都唔關我地事.”

過左無耐, 農場爆發左鼠疫.
呢隻鼠疫傳播力強勁, 但係仲弱過感冒. (= Omicron傳播率高，但病情仲弱過感冒)
隻大佬熊 (個人認為係粉紅小豬)
請左隻鴨仔番黎做顧問 (= 某位帶咗口罩似足鴨仔嘅政府專家顧問)
. 隻鴨仔驚自己比隻熊食左,就求其亂講, 話任何豬隻感染鼠疫都有機會令病毒變種, 帶來更大嘅災害. 不幸地, 有隻倉鼠仔唔知點樣感染左鼠疫, 鴨仔就話:「殺曬所有倉鼠就保障到所有農場嘅豬仔.」
於是, 所有倉鼠都被看門犬食曬啦. (= 漁護署 "人道處理" 倉鼠 )
小豬你眼望我眼,係度話, “Well, 既然我地都唔係倉鼠, 咁而家一切都唔關我地事.”

又過左無耐, 隻大boss熊話玩厭豬仔, 想去隔離農場引入乳牛, 但咁樣做要移除曬農場上所有嘅豬仔, 於是...

之後發生咩事, 就大家自己估下啦

Boar 示意圖

Guinea Pig 示意圖

Piglet 示意圖

(= 巴士新舊: 3ASV > ASV > AVBWU /
事件時序: 野豬 > 倉鼠 > ?)

睇到呢度其實就唔係猜瞇，係高汁抽水文
如果有近期退下火線嘅豬柳蛋（AVW），應該更加應景...
另外無堆hashtag會更刺激~

睇標題以為講緊33、40、290呢啲