建議九巴開辦93B 康盛花園↺觀塘開源道 經將軍澳隧道

將軍澳隧道轉車站啟用以來，翠林、康盛一直只有690、E22A和798A接駁將隧。當中690轉乘計劃未有涵蓋來往康翠及九龍的乘客，E22A班次疏落而且將軍澳區內路線迂迴，798A則只有來回方向各一班車。為方便康翠居民接駁將隧轉車站，建議九巴以93A特別班次形式開辦93B線，循環來往康盛花園及觀塘開源道，方便康翠居民於將隧轉車站轉乘其他路線前往目的地。在開線初期只提供上下繁兩段服務測試乘客水溫；若乘客反應理想，可加密班次。

途經：林盛路、寶琳北路、寶康路、將軍澳隧道公路、將軍澳隧道、將軍澳道、茶果嶺道、鯉魚門道、觀塘道、開源道、偉業街、偉發道、觀塘繞道、將軍澳道、將軍澳隧道、將軍澳隧道公路、寶順路、寶琳北路及林盛路

停站：康盛花園巴士總站、康盛花園、翠林邨、富麗花園、茵怡花園、寶康公園、將軍澳隧道轉車站（G2）、觀塘站（E3）、觀塘開源道、將軍澳隧道轉車站（P3）、景榕樓、景林邨、欣明苑、英明苑、寶仁樓、翠林邨、康盛花園巴士總站

班次：
星期一至五
07:30 (康盛起載)
18:05, 18:25, 18:40, 18:55 (觀塘站起載)

不如將曉光街站都納入埋轉乘優惠，咁就可以用98A線轉

康盛花園同翠林邊度會有人咁樣兜大圈落將軍澳隧道轉車？
落觀塘站搭98A仲快
落開源道搭93A亦唔慢

kmb71k 發表於 2022-2-10 13:15
康盛花園同翠林邊度會有人咁樣兜大圈落將軍澳隧道轉車？
落觀塘站搭98A仲快
落開源道搭93A亦唔慢 ...

點會冇呢？幾個月前免費嗰日，將轉往將軍澳方向全站最長龍係690...
98同797加埋都唔夠佢長 (除非全部都係坑口客/轉自新巴城巴線啦)

吳宗錡 發表於 2022-2-10 12:00
不如將曉光街站都納入埋轉乘優惠，咁就可以用98A線轉

行上寶達返屋企就話唧，行上曉光街仲要等車轉多次... 實在唔吸引，不如整上層轉車站吧

214P_world 發表於 2022-2-10 15:48
行上寶達返屋企就話唧，行上曉光街仲要等車轉多次... 實在唔吸引，不如整上層轉車站吧
...

上層轉車站要整嘅話都會整喺連德道將軍澳道上方，秀茂坪道轉入將軍澳道嘅線唔會停到，所以唯有喺曉光街轉。

214P_world 發表於 2022-2-10 15:46
點會冇呢？幾個月前免費嗰日，將轉往將軍澳方向全站最長龍係690...
98同797加埋都唔夠佢長 (除非全部都係 ...

果日咩車轉咩車都唔駛錢
當然人多啦
點可以搵果日做基準？
如果閒日繁忙時間都有咁多人喺將軍澳隧道轉車站轉車往返康盛花園同翠林(唔係去寶林一帶或新都城一帶)
咁我就心服口服喇
況且
690唔係淨係服務康盛花園同翠林

現時98A已在將轉轉乘系統中
不過只限九龍方向

純粹講出事實，勿太認真

kmb71k 發表於 2022-2-10 16:10
果日咩車轉咩車都唔駛錢
當然人多啦
點可以搵果日做基準？

平時冇轉乘優惠，又如何反映轉乘需求呢？
而且轉車唔使錢就多人？咁你就錯了，果日690多人到頂閘，我坐797仲可以任揀位
另外，690的確唔係淨係服務康盛翠林，但只係證明咗呢種走線唔係冇需求，不論堆客實際係來自翠林、寶琳、坑口、還是康盛

吳宗錡 發表於 2022-2-10 15:56
上層轉車站要整嘅話都會整喺連德道將軍澳道上方，秀茂坪道轉入將軍澳道嘅線唔會停到，所以唯有喺曉光街轉 ...

連德道來回各1個站，將軍澳道轉上秀茂坪再1個站，咁就秀茂坪同翠林都用到轉車站了(不過翠林好似就快有將馬線了，得返秀茂坪冇車轉😂)