建議港鐵緊急接駁巴士破天荒開辦過海路線

          將藍隧道通車在即，但根據本站小道消息，運輸署和巴士公司建議新開辦經將藍隧道的巴士路線中，並沒有過海路線。其原因乃因爲照鏡嶺/照鏡灣（調景嶺）、將軍澳市中心/尚德、百勝角（清水灣半島）和小赤沙（日出康城）均接近地鐵站，而且乘搭地鐵過海所需時間比乘搭巴士短，開辦新過海巴士路線將會重蹈692線和692P線覆轍，而現時服務茅湖仔（翠林邨和康盛花園）和魷魚灣（寶琳）的過海巴士路線690線和690P線如果改行將藍隧道，車程將會比現時長。

          但是，根據以往經驗，每當將軍澳綫嚴重延誤甚或暫停服務時，將軍澳隧道勢必嚴重塞車，690線和690P線行車時間將會大幅延長，上班人士和學生都會大機會遲到。

          因此，爲了利用預計使用率偏低的將藍隧道，分流將軍澳綫嚴重延誤或暫停服務時將軍澳隧道的車流，減少屆時來往將軍澳和香港島的時間，本人建議港鐵緊急接駁巴士破天荒開辦三條過海路線，分別由小赤沙（康城站）來往鵝頭嘴（銅鑼灣站），由小赤沙（康城站）特快來往中環（香港站），和由照鏡灣（調景嶺站）特快循環來往上環站。路線詳情如下：

港鐵緊急接駁巴士TKL6線（小赤沙（康城站）—鵝頭嘴（銅鑼灣站））

往鵝頭（銅鑼灣站）方向途經：康城路、環保大道、環澳路、將軍澳跨灣連接路、將軍澳—藍田隧道、藍田交匯處、東區海底隧道、東區走廊、民康街、英皇道、興發街、維園道、告士打道及百德新街

往鵝頭（銅鑼灣站）方向途經車站：

• 康城路，康城站巴士總站
• 英皇道，琴行街（前往北角站的乘客，請在此站下車）
• 英皇道，炮臺山站
• 興發街，維多利亞公園游泳池（前往天后站的乘客，請在此站下車）
• 百德新街，珠城大廈（前往銅鑼灣站的乘客，請在此站下車）
  

往小赤沙（康城站）方向途經：百德新街、記利佐治街、告士打道、高士威道、英皇道、民康街、東區走廊、東區海底隧道、藍田交匯處、將軍澳—藍田隧道、將軍澳跨灣連接路、環澳路、環保大道及康城路

往小赤沙（康城站）方向途經車站：

• 百德新街，珠城大廈
• 英皇道，銀幕街（前往天后站的乘客，請在此站下車）
• 英皇道，七海商業中心（前往炮臺山站的乘客，請在此站下車）
• 英皇道，琴行街（前往北角站的乘客，請在此站下車）
• 康城路，康城站巴士總站
  

服務時間及班次：僅在地鐵將軍澳綫嚴重延誤或暫停服務時行走，五分鐘一班

路線全程收費：免費

---

港鐵緊急接駁巴士TKL7線（小赤沙（康城站）—中環（香港站））

（因本人未知未啟用的會展站巴士總站出入口設計，所以此建議路線暫時不會列出途經街道，只會列出途經車站，敬請見諒）

往中環（香港站）方向途經車站：

• 康城路，康城站巴士總站
• 會展站巴士總站
• 干諾道中，皇后像廣場
• 民祥街，香港站（落客站）
  

往小赤沙（康城站）方向途經：

• 金融街，香港站巴士總站
• 干諾道中，怡和大廈
• 夏慤道，政府總部（前往金鐘站，請在此站下車）
• 會展站巴士總站
• 康城路，康城站巴士總站
  

服務時間及班次：僅在地鐵將軍澳綫嚴重延誤或暫停服務時行走，五分鐘一班

路線全程收費：免費

---

港鐵緊急接駁巴士TKL8線（照鏡灣（調景嶺站）—上環站（循環線））

途經：景嶺路、寶順路、P2路、將軍澳跨灣連接路、將軍澳—藍田隧道、藍田交匯處、東區海底隧道、東區走廊、中環灣仔繞道、干諾道中、掉頭、干諾道中、民吉街、民照街、中環灣仔繞道、東區走廊、東區海底隧道、藍田交匯處、將軍澳—藍田隧道、將軍澳跨灣連接路、P2路、唐賢街及景嶺路

途經車站：

• 景嶺路，調景嶺站巴士總站
• 干諾道中，中華總商會大廈（前往香港站或中環站的乘客，請在此站下車）
• 干諾道中，李寶椿大廈（前往上環站的乘客，請在此站下車）
• 景嶺路，調景嶺站巴士總站
  

服務時間及班次：僅在地鐵將軍澳綫嚴重延誤或暫停服務時行走，五分鐘一班

路線全程收費：免費

YY487 發表於 2022-2-8 20:40
邊度叫鵝頭？

鵝頭=東角（East Point）
而且我都已經括住講明即係銅鑼灣站。

假設港鐵東隧過海段出事
接駁最多只會接駁兩端港鐵站
即係北角或鰂魚涌至藍田或油塘
駁銅鑼灣站/中環站/香港站機會近乎零

唔洗上環啦，駁去北角咪搞掂

只不過將藍隧道使用率要睇埋未來嘅中九龍幹線

淨係將軍澳綫冧又點會同你免費開到上環做接駁呢？出到北角已經偷笑

而且，你上述講冇690嘅區都最少4個，但開3條線只做得2個區咁得意？
其實開2條線就夠：
1. 坑口站(美心西餅對開)-調景嶺站(知專學院對開)-北角站(琴行街巴士站)
2. 康城站(商場總站)-將軍澳站(寶邑路巴士站)-北角站(琴行街巴士站)

kmb71k 發表於 2022-2-8 22:15
假設港鐵東隧過海段出事
接駁最多只會接駁兩端港鐵站
即係北角或鰂魚涌至藍田或油塘

我見之前港鐵緊急接駁巴士都開過特快線（例如由元朗站經大欖隧道往返青衣站嘅D1線），所以都將呢種走線複製到TKL7線同TKL8線啫！

tina 發表於 2022-2-8 22:45
唔洗上環啦，駁去北角咪搞掂

只不過將藍隧道使用率要睇埋未來嘅中九龍幹線 ...

• TKL6線要去到銅鑼灣站只係因為銅鑼灣站先有位調頭同泊車
• 既然講到中九龍幹線，我頭先先諗到咁當中九龍幹線通埋車之後，其中嘅TKL8線咪可以視乎情況改經中九龍幹線同西隧去中環囉！
  

214P_world 發表於 2022-2-9 02:22
淨係將軍澳綫冧又點會同你免費開到上環做接駁呢？出到北角已經偷笑

而且，你上述講冇690嘅區都最少4個，但 ...

我諗住將軍澳站同坑口站嘅居民就要麻煩下佢哋，要佢哋先搭區內交通工具（例如小巴108A線）去調景嶺站轉TKL8線。

因為我曾經喺地鐵將軍澳綫停駛時搭694線，我搭嗰班好特別地，調景嶺站開出之後就即刻上隧道出藍田。後來我聽返人講，有人當日喺寶琳等694，但係班班都頂閘飛站，到最後唯有行去調景嶺站總站搭。

所以我就覺得當將軍澳綫停駛時，將軍澳嘅對外陸路交通路線喺將軍澳都應該淨係設立一個站，所有出嗰區嘅乘客都喺同一個站上車，就可以減少架車喺總站頂閘之後仍然要兜嘅時間。