新建成鐵路車站應否加入更多便民元素？

先講近年落成車站缺點

1. 轉車走上走落 如何文田、鑽石山 、古洞站，轉車不如太子、旺角方便

2. 扶手電梯不足
如土瓜灣站、何文田站。 興建更多扶手電梯可以令市民唔使行餐懞

3. 與周圍環境接駁
如會展站沒有與會展無縫接駁，宋皇臺站遠離所有建築物，A16站沒有直駁龍門居同新屯門中心

港鐵設計走線時應周詳考慮，仔細諗清楚，要方便行動不便人士。一個鐵路站至少用幾十年，港鐵不應貪一時之快 同慳錢興建用家不友善嘅車站

1. 鑽石山站確係本身有跨月台轉乘嘅機會，不過因為種種因素無用返預留設施 (驚塞車我覺得只係其中一個原因，建造時間同成本都係原因)，但至於何文田站，如果由你設計嘅話，你會點樣規劃觀塘線延線同沙中線？

2. 何文田站扶手電梯我覺得都足夠，反而升降機先係不足，往往觀塘線一到站就個個衝出嚟爭lift

3. 宋皇臺站遠離所有建築物，顯然係要配合未來發展計劃，至於會唔會涉及港鐵核心業務我唔清楚

Ohm 發表於 2022-4-6 19:58
1. 鑽石山站確係本身有跨月台轉乘嘅機會，不過因為種種因素無用返預留設施 (驚塞車我覺得只係其中一個原因 ...

像廣州地鐵公園前站，沒有轉乘大堂

甚或遲免十字轉乘，走線以S形設計，兩線便可近乎平排

timewater 發表於 2022-4-6 20:10
像廣州地鐵公園前站，沒有轉乘大堂

甚或遲免十字轉乘，走線以S形設計，兩線便可近乎平排

何文田站可以點樣劃到平行？以為起sim city？站內嘅扶手電梯同升降機安排的確有唔少進步空間，但要做到平行，不可能。

如果冇轉乘大堂，啲𨋢就要集中哂喺月台中間位，到時就仲迫。

古洞站喺九鐵規劃嗰陣其實係有預留可以跨月台轉乘，呢度都曾經有板友分享過相關設計圖。至於鑽石山，九鐵都係plan過跨月台轉乘，但好似政府因為龍翔道問題ban咗。呢個壇之前（應該兩年內）曾經就呢件事大戰過十幾版。何文田就先天缺憾，上面已提。

扶手電梯嗰度，應該係鐵路公司預計車站使用人數唔多，所以起少咗。唔通要好似金鐘咁咩。

無縫接駁？你知唔知個地底有咩先？你話起嘢就起嘢？會展站同會展其實唔係冇接駁喎，最起碼全程有蓋，唔驚日曬雨淋。宋皇臺你想同咩建築物連接？A16隔離就有天橋過對面

AVBWU291 發表於 2022-4-6 20:56
古洞站喺九鐵規劃嗰陣其實係有預留可以跨月台轉乘，呢度都曾經有板友分享過相關設計圖。至於鑽石山，九鐵都 ...

宋皇臺站設喺馬頭涌道、世運花園地底更佳

A16站可以興建天橋接駁新屯中，富健、龍門居
而家個設計都唔算直接

AVBWU291 發表於 2022-4-6 20:56
古洞站喺九鐵規劃嗰陣其實係有預留可以跨月台轉乘，呢度都曾經有板友分享過相關設計圖。至於鑽石山，九鐵都 ...

古洞站係目前最有機會實行做跨月台轉乘連北環綫都可以不惜工本plan 全地底
跨月台轉乘又唔係使好多錢
冇理由唔做
不過有些人是信奉凡政府/港鐵文件、決策都是對的

timewater 發表於 2022-4-6 21:12
宋皇臺站設喺馬頭涌道、世運花園地底更佳

A16站可以興建天橋接駁新屯中，富健、龍門居

宋皇臺站點樣起響世運花園地底呀？上面有三大條行車天橋，點樣響唔影響天橋運作下起到車站？
仲有就係你起得個站響世運花園，咁條屯馬綫點行？沿太子道東行？咁咪即係要成條太子道東改道？唔好忘記同期仲有啟德河工程，兩個工程一齊爭路？

AVBWU291 發表於 2022-4-6 20:56
古洞站喺九鐵規劃嗰陣其實係有預留可以跨月台轉乘，呢度都曾經有板友分享過相關設計圖。至於鑽石山，九鐵都 ...

之前堆大戰咪就係樓主引發囉，不過唔知係佢善忘定點，之前討論過嘅又拎返出嚟講

jpoon 發表於 2022-4-6 22:09
之前堆大戰咪就係樓主引發囉，不過唔知係佢善忘定點，之前討論過嘅又拎返出嚟講
...

呢個主題簡直係樓主同部份板友嘅年經，隔一陣又翻炒，仲要問題一模一樣，真係答嚟都嘥時間