新建成鐵路車站應否加入更多便民元素？

JX9097 發表於 2022-4-25 21:42
香港大學站可唔可以做參？

馬仔坑個問題主要係顯徑開始要落斜，如果夾硬要起站，咁顯徑至馬仔坑同馬仔坑至鑽石山嘅坡度就要執過，整到更斜之餘入站仲要急剎車

Man@MFHK 發表於 2022-4-25 19:30
成條屯馬線本身都已經九曲十三彎，為服務沿線居民再扭多少少有咩問題？
以下仍係粗略畫線，只係提出大概構 ...

你要搞埋舊區重建，咁條綫要拖幾耐先起到？分分鐘2025都未必得啦
睇下真善美邨幾時先重建先講啦

jpoon 發表於 2022-4-26 01:48
你要搞埋舊區重建，咁條綫要拖幾耐先起到？分分鐘2025都未必得啦
睇下真善美邨幾時先重建先講啦
...

我揀既位置已經盡量避開現有住宅，如果九龍城剩係拆富豪東方酒店黎起地鐵會有幾大阻力？根本間酒店又殘又舊機場搬走左之後已經欠缺保留價值，搬去郵輪碼頭附近更符合佢原來定位又可以有無敵海景。

Man@MFHK 發表於 2022-4-26 02:40
我揀既位置已經盡量避開現有住宅，如果九龍城剩係拆富豪東方酒店黎起地鐵會有幾大阻力？根本間酒店又殘又 ...

你畫果條綫同富豪東方酒店有乜關係? 連掂都掂唔到喎

同埋衙前圍道兩旁啲樓唔係住宅係乜? 你要收地諗住搞幾耐? 唔好忘記有啲樓畀人種晒釘，無返咁上下價錢人哋未必啋你
你個馬頭圍站響正帝庭豪園同馬頭圍邨，唔收樓點起?

JX9097 發表於 2022-4-25 21:44
閣下建議嘅慈雲山站「兩頭唔到岸」
服務竹園就太偏（翠竹/ 天馬苑直頭掂唔到）
慈雲山又未到（嚴格嚟講喺 ...

我都係參考返現有何文田站，選址非常符合港鐵現時作風
如果呢個站成事，出口擺位可以參考返現時宋王臺站做法，以長隧道連接竹園邨及蒲崗村道/崇華街休憩處。
如果講兩頭唔到岸，依家條走線更加兩頭唔到岸，明明穿過黃大仙地底又唔執近少少同現有黃大仙站結合做埋轉乘站，然後鑽石山站個轉乘又要行上行落其實不如交俾黃大仙做轉乘站再拉直條線落去新蒲崗起站好過啦。

jpoon 發表於 2022-4-26 02:43
你畫果條綫同富豪東方酒店有乜關係? 連掂都掂唔到喎

同埋衙前圍道兩旁啲樓唔係住宅係乜? 你要收地諗住搞 ...

已經講左條線係好粗略咁畫，亦由頭到尾都講明係拆酒店黎起，即係由酒店現址挖隧道去起車站月台同大堂，馬頭圍站同樣係於馬頭圍道遊樂場挖落去興建，做法同現時土瓜灣站一樣，唔明有乜問題。

Man@MFHK 發表於 2022-4-26 02:55
已經講左條線係好粗略咁畫，亦由頭到尾都講明係拆酒店黎起，即係由酒店現址挖隧道去起車站月台同大堂，做 ...

唔明點樣「做法同現時土瓜灣站一樣」

土瓜灣站拆咗乜嘢建築? 重置咗咩建築? 我只知道整過三角公園，屯馬拆咗而家冠山苑果幾間石屋咋喎


東九龍走廊都係執過樁柱，唔知重置咗乜同拆咗乜囉

就算係而家啟德至何文田段，印象中都冇乜拆過大建築，唔同西港島綫拆泳池喎，而且拆公園、泳池呢啲政府建築，同拆私人樓係兩回事，唔可以撈埋嚟講喎

要認真討論嘅，唔該諗清楚條走綫係點，睇清楚地圖，再畫清楚條走綫，我諗要畫走綫都唔會太難吧，唔會畫到咁離題萬丈，連富豪東方酒店都掂唔到囉

jpoon 發表於 2022-4-26 03:03
唔明點樣「做法同現時土瓜灣站一樣」

土瓜灣站拆咗乜嘢建築? 重置咗咩建築? 我只知道整過三角公園，屯馬 ...

唔好意思，由頭到尾都只係用緊iPhone畫線，無筆靠手指畫係咁上下，所以先不厭其煩咁加文字註解。

就係講緊土瓜灣果種做法，搵個影響最少既位置挖落去以鑽挖方式起站，咪可以減少對地面現有建築物既影響囉。

Man@MFHK 發表於 2022-4-26 03:10
唔好意思，由頭到尾都只係用緊iPhone畫線，無筆靠手指畫係咁上下，所以先不厭其煩咁加文字註解。

就係講 ...

你講嘅三角公園至馬頭圍道（落山道）當年就係明挖去放機器，你咁嘅走綫諗住邊度放鑽挖機先，仲要玩90度彎，同埋而家都未必有位畀你放挖出嚟嘅泥啦
不過就算點挖，當年附近建築都有明顯沉降，仲搞到煤氣管道
同埋你要鑽挖，要避開建築樁柱，就要挖到好深，咁個車站同地面距離就會好長，好似而家土瓜灣站咁，車站大堂都起碼兩層深

jpoon 發表於 2022-4-26 01:41
馬仔坑個問題主要係顯徑開始要落斜，如果夾硬要起站，咁顯徑至馬仔坑同馬仔坑至鑽石山嘅坡度就要執過，整 ...

依家起好咗梗係唔會郁（亦唔可能郁）