建議79X於非繁忙時間繞經大埔

皇后山一帶缺乏來往大埔交通，而79X開辦後客量平平，建議利用剩餘運力，在不大幅影響原有服務下加停大埔，服務更多居民
建議增加車站
往長沙灣（西）
翠怡花園
大埔超級城
廣福邨

往皇后山邨
廣福邨
大埔超級城
太和邨

建議增設兩個雙向分段收費
皇后山往返廣福邨 $8.9
長沙灣(西)往返太和邨/翠怡花園 $11.7

繞經大埔時間
往長沙灣(西): 星期一至五 09:00後班次及星期六日公眾假期所有班次
往皇后山邨: 星期一至五10:00至17:15及星期六日公眾假期所有班次

歡迎討論

不如調返轉，行沙頭角公路，停埋粉嶺名都好過

果邊連 270D 都無站唔算得上入人地地盤

樓主係咪博俾人插？係咪嫌架車唔夠耐？不如試吓搵條大埔路線逆走行返去北區先再落公路睇吓仲有冇大埔嘅人搭？
0 分重做 不切實際

天空之神 發表於 2022-4-15 23:35
不如調返轉，行沙頭角公路，停埋粉嶺名都好過

果邊連 270D 都無站唔算得上入人地地盤 ...

首先，如果咁樣行嘅話會兜耐好多，而家 79X 去北區只係需要行 10 分鐘就落公路，如果改做沙頭角-皇后山-聯和墟，咁樣都唔算太過分，皇后山上車都係 10 分鐘落公路，如果入粉嶺真係唔知要搞幾耐。
第二，粉嶺已經有 270A 270B 兩條線，個人覺得唔需要皇后山嘅人陪兜。

建議改做沙頭角-皇后山-聯和墟就算

天空之神 發表於 2022-4-15 23:35
不如調返轉，行沙頭角公路，停埋粉嶺名都好過

果邊連 270D 都無站唔算得上入人地地盤 ...

可以順走出粉嶺當然最好，馬適路有新盤即將落成，過幾年仲有粉嶺北發展區開始入伙，79X行沙頭角公路出粉嶺可以插旗。不過運吉冇理由諗唔到呢點，唔排除過幾年又要招標。我惟有建議79X入大埔增加客源

樓主又想製造地區矛盾

asv98.kw131 發表於 2022-4-15 23:43
樓主係咪博俾人插？係咪嫌架車唔夠耐？不如試吓搵條大埔路線逆走行返去北區先再落公路睇吓仲有冇大埔嘅人搭 ...

入大埔只係增加5至10分鐘車程,但可以方便皇后山居民出入大埔,而且博荔枝角道同深水埗南部返大埔既獨市客,比而家只得皇后山出旺角既客源廣闊一截,而且不涉加車. 如果79X做起咗,當然可以飛走大埔
當然最理想係好似78A咁經沙頭角公路直去粉嶺名都,問題係運吉唔俾(可能唔想香園圍公路俾人話只服務過境客)

等睇又話廣福道係帝區
又話大埔搶北區資源

typhoon_york 發表於 2022-4-16 00:28
入大埔只係增加5至10分鐘車程,但可以方便皇后山居民出入大埔,而且博荔枝角道同深水埗南部返大埔既獨市客, ...

5 至 10 分鐘其實差好多，79X 喺北區都只係行 10 分鐘就上公路。仲有入大埔等於趕客，更加唔會做得起再去飛大埔，而家慢慢儲到客又走倒客⋯⋯
華明圈都係兜多 5 至 10 分鐘，但係已經倒走唔少上水嘅客去搭鐵。
要由皇后山去大埔建議開新線，順便去埋沙田，亦可以考慮用 W3 做，唔好搞 79X。