本帖最後由 KM8453 於 2022-4-27 21:06 編輯
好似前面 andrewyl 版友咁講，當年誰是誰非，好難講。同時 3M 重組事過境遷，應該易地而處，假如我樓下條密車線俾人陰乾，我一定會企起身反對。
不過，天北有特快線，竟然講到要多謝前嘉湖北議員，我完全完全不能認同。對於長期關注北部交通嘅版友，呢句一定難聽過粗口。
1. 3M 重組雛形絕對唔係 2014 年 RPP 先出現：早於 2013 年，九巴同運輸署已經部署將 265M 轉型為天北特快。
- 元朗區議會 2013 年 4 月 11 日，巴士服務小組會議，李月民已經「查詢九巴 265M 號線及 269M 號線會否於短期內重組，並反映天水圍南部居民十分關注上述兩條路線的服務安排」，仲令到九巴急急「澄清」現階段無計劃改線。
- 2013 年 9 月左右，其他壇都出現一堆關於 265M 提速嘅帖，當時有網友已經指出，「九巴同埋元朗區議會嘅春茗不歡而散，九巴亦擱置相關提議」，「嘉湖北區議員提出強烈反對，並舉辦「一人一信」行動，向運輸署表達嘉湖北居民嘅訴求……」，封信仲要係聯署去運輸署署長，要求拉倒重組。
2. 瘋狂搶車，一番討價還價，最終反而令 265M 車隊嚴重不足，遺禍至今，歷經八年依然未能解決。
- 2014 年 RDP 原本建議 265M 用 21 部車，最後落實重組得返 16 部，果 5 部車全部都去曬今日空載嘅 269P。
- 2021/22 年 RPP，建議 265M 加班加車，都只係得 19 部車，比 2014 年初稿仲要少 2 架。如果 2014 年 265M keep 到 21 部車，依家繁忙時間一早開 4 分鐘一班啦！265M 日日被鬧爆，如果當時無被打劫，每晚大欖隧道轉車站唔會咁亂。
- 重點係，依家都未加班。
3. 其他歷史問題，包括要求 269B 同 269C 特別班（69C 前身）兜嘉湖北，再早期反對 265M 提速，要 967/969 左擁右抱，反對 E34 經天水圍北，等等。
天北竟然要多謝李月民開綠燈？唔好講笑啦。
| 
