建議重組 793, 796C, 796P, 796X, 797
[複製鏈接]
|
|
諗住點處理795P？另外，P796可以再進取，平日回程10點尾車，星期六/日半全日，始終尖沙咀都係出街熱門地點。 |
|
|
|
|
|
|
|
|
795P 依家客量仍然偏低, 主要因為係兩班車都開得太早, 根本配合唔到需求, 除左要調整開車時間, 起跨灣大橋同將藍隧道開通之前, 其實更應該要加返環保大道沿途分站同埋停將隧, 九龍區走線特別係回程往將軍澳方向, 至少都要改返同 795X 同站先啦, 兩條都係得一班車既特別線, 去同區但係長沙灣道站位擺相反方向, 都唔知做乜
RRP 建議延長去將工同埋海達邨, 個人認為改經跨灣大橋同將藍隧道後將總站搬去將工冇問題, 跟 RRP 咁行, 做哂康城站, 環保大道兩邊就出城, 咁係對康城最快最方便既走線, 至於九龍區總站擺去海達邨, 其實特別線一日一班車, 只要唔影響原有乘客同價錢牌, 搬去邊都唔大問題
小弟認為 795P 冇乜太大發展空間, 因為荔枝角一帶都係兩繁比較多客, 旺角有小弟建議既 793, 油麻地都可以搭 796P / P796, 因此 795P 最多都係兩繁加多 1-2 班車, 好難做到全日直出
795P, P796 呢d直達線, 如果真係需求大都可以反映起將轉多唔多人由 796P / 795X 轉乘小弟建議既 793 (反之亦然), 呢d全部都可以起八達通數據睇到 |
|
|
|
|
|
|
|
|
795P加站（環保/ 將轉）唔太可能除非唔諗住改將藍直出
|
|
|
|
|
|
|
|
|
加站都係改行將藍之前既事, 改路之後既然行法唔同左, 果堆新加既站自然全部都取消
再講, 依家 795P 連九展都唔停咁進取, 就算將藍開左都要行多幾年觀繞啟德隧道, 新巴想守條守到中九龍幹線開?
|
|
|
|
|
|
|
|
|
整體重組方向幾有諗頭，不過新巴呢堆 7 字頭線最大問題係市區流水
Minor 啲嘅唔講，但 796X 土瓜灣至紅磡去尖東，796C 蘇屋－旺角－九龍灣應該係新巴想搶嘅流水客
而且個人覺得 797 觀塘偉業街一段已經開左冇得收返轉頭，地區未必放手
當然其中一個重組方向係基於你嘅 793 加經觀塘偉業街
另一個方法可以係將 797 延長去土瓜灣下路同尖沙嘴，進一步加強做下路流水，同時將 796X 縮短抽資源
呢段路比較遠離鐵路，無論對環保段乃至市區流水都比較有客源保證
至於 796C 其實冇問題，簡單延長去將軍澳工業村就算（補返將軍澳區內流水，以及插旗環保大道出旺角）
環保大道出旺角真命天子應該係未來 795P 全日，經將隧直出到油麻地，再掃到去長沙灣
搵一條線將軍澳市中心直出係正確嘅方向，既然有 796C 同 795X 全日，就無理由兩者都一樣走線而將市乜都冇
不過我未必會揀 796C，事關調景嶺本身真係有客，咁樣得失班儲落嘅客隨時得不償失
雖然我明你想將調景嶺去九龍城班客送去 796X，不過基於 797 攞去做 796X 分拆，
我想順便利用 796C 本身要兜調景嶺呢一點，換做 795X 將軍澳市中心直出，但兜九龍灣（一加一減正常路況將市到旺角時間應該差唔多）
當然其實兩者做法其實無衝突，係觀點與角度問題
|
|
|
|
|
|
|
|
|
JX9097 發表於 2022-5-6 14:49
畀咗出去嘅服務咁易收番？
如果可以收返非繁服務，維持繁忙時間去偉業街及假日去九龍灣會唔會無咁大反應？
非繁需要去偉業街既人近乎零 |
|
|
|
|
|
|
|
|
10598C 發表於 2022-5-6 14:08
整體重組方向幾有諗頭，不過新巴呢堆 7 字頭線最大問題係市區流水
Minor 啲嘅唔講，但 796X 土瓜灣至紅磡去 ...
唔太認同拉797落下路去頂所謂嘅796X市區流水。
冇錯下路相對嚟講係遠沙中線一段距離，
但同時厹都有一大抽線做緊同樣嘅嘢，
淨計大線都有5C 12A 28，班次衰極有限，
797又有冇吸引力去吸客等佢？
上路唔同，有鐵但食唔正巴士嘅大站位，
有鐵之後都搭過唔少次796X，
由新蒲崗計平均執到三十零個，
厹同路嘅只有客量唔曳，但班次不穩嘅15，
796X 一定有其市場。
|
|
|
|
|
|
|
|
|
xdxd 發表於 2022-5-6 15:34
唔太認同拉797落下路去頂所謂嘅796X市區流水。
冇錯下路相對嚟講係遠沙中線一段距離，
但同時厹都有一大 ...
797 同 796X 重組某程度上都係參考前人建議
不過就算係 797 延長之後，頂盡係做唔到九龍城去尖沙咀流水
其餘位置如九龍城去紅磡依然會有縮短後嘅 796X，下路去尖沙咀繼續由 797 做
當日上路去尖沙咀怕塞車唔搭 5 號嘅，今日應該去曬地鐵咁滯
而 797 延長後，觀塘至尖沙咀中間路段都會做到唔少流水客 |
|
|
|
|
|
|
|
|
你既建議大概係想將 797 拉長唔同既路線拉長, 小弟又講下點解成條 797 必須要砍掉重練797 未拉長之前康城 - 觀塘商貿區 - 九龍灣呢個定線唔係差, 只不過基本盤真係唔大, 觀塘商貿區同九龍灣都係返工地方, 所以非繁其實冇係乜客, 至於繁忙時間九龍灣同觀塘都嘔到客出黎 (當然九龍灣多好多, 比例大概係 8:2 - 7:3), 亦都有唔少人起將轉轉車去返將軍澳其他地方, 早上有幾班出九龍灣可以坐滿窗口位, 下繁有幾班車返康城可以坐滿人甚至企人, 不過條線一拉長去新蒲崗後, 繁時路面狀態令班次不穩, 令九龍灣客倒走左好多, 新蒲崗一樣係出唔到客, 觀塘商貿區客量繼續稀少, 連將轉直入康城既轉車功能都幾乎無埋 (第五波前下繁起將隧, 要等30 分鐘後先連續黎 2, 3 班車基本上係每晚都發生緊), 更加唔好講執到幾多觀塘商貿區同九龍灣來往新蒲崗既客, 結果就係條線延長左, 車又加左, 最後仲要少左人搭, 師兄你建議將 797 再延長, 可能會執到d土瓜灣 / 尖東去九龍灣既流水客, 不過唔會有客再起土瓜灣搭返去將軍澳, 分分鐘連剩返九龍灣去將軍澳既客都再倒走埋
又分享下 796C, 796X 做流水客既能力, 其實兩線市區段一直都有流水客, 796C 市區有雙向分段亦都有唔少人知, 不過小弟認為與其靠流水客支撐條線, 不如做好將軍澳出市區既服務先, 佢地先係比全費既客, 而且市區都有九巴唔同路線競爭, 可能某班車咁岩食到好多流水客, 下一班就一個都冇
回應返師兄你既回應
797 觀塘偉業街收唔返, 小弟認為依家 797 全日行觀塘商貿區個人認為係點都要放棄, 有幾多客嘔到出黎係有目共睹, 所以小弟個建議係比一條繁時線 797A 食返觀塘商貿區既客, 至少都唔係完全撤出
797 延長去土瓜灣上面講左, 做超級大流水真係唔建議, 有幾多條可以好似 1A, 16 咁成功
796C 延長去工業邨就會變成第二條 796X, 兩條區內線做區內大流水未免太過奢侈, 將工康城人都唔會兜個大兜先出旺角
康城旺角最適合既定線係 795P 我唔反對, 只不過呢條線定位唔係做將隧, 擺重注落去等於抽走服務將軍澳其他區既資源, 個人認為等埋中九龍幹線通車再重新定位都未遲
同意 796C 調景嶺尾站變頭站會流失一定客量, 不過旺角仲有 795X 做調景嶺直出補位, 有機會只係左手交右手 (仲 update 左價錢牌添)
講到尾小弟呢篇建議既出發點係, 既然有資源, 而 797 呢條線開左一年有多, 搞極都唔掂仲愈搞愈衰, 倒不如果斷放棄, 攞佢既資源開一條更加有用既定線, 好過繼續死磨爛磨啦, 講白d, 8 架車, 20 分鐘一班, 160 分鐘一轉既路程, 如果做康城直出, 點行法可以做最大既客源, 而又吸引到康城客直出, 呢個就係小弟建議 793 既概念
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
