運吉同巴士公司可唔可以分流九龍灣車流?

隨著東九龍越來越多商廈落成，去觀塘區返工既人亦都越來越多，2015年起九巴開辦大量新界至東九龍既繁時路線，絕大多數都係經九龍灣商貿區去觀塘碼頭，仲開到成行成市，但呢樣野加劇左東九龍塞車問題，我地就集中講九龍灣

先講偉業街天橋、啟祥道天橋，響上述繁時路線開辦前已經不時塞車。開左呢D路線之後就衰多幾錢重，啟祥道左轉偉業街、偉業街天橋接駁啟祥道天橋既道路變左做樽頸位，一到繁時就慢慢塞。但運吉好似意識唔到呢個問題，舊年新巴797延長就走去行偉業街天橋，搞到司機過鐘
跟著係臨華街，巴士站最多只能容納兩部巴士。南行站萬一有其他車輛違泊就得番一部巴士泊到，就唯有霸著條慢線等前面巴士離開，或者直情響慢線上落客，塞著後面D車。北行站個停車彎好窄，就算埋站都會頂著條慢線

常悅道北行站一到晚繁就好恐怖，呢個巴士站已經霸佔半條北行行車線，而好多路線都係停呢個站，東九繁時線一到呢個站勁多人上車，好似X89D咁埋左站成3分鐘依然上緊客，結果D巴士排晒隊等埋站。巴士站前面既燈口綠燈時間短，仲要讓其他車左轉常悅道，就算上完客未必可以即時駛離，經常導致塞車，有時仲會塞到去宏照道同臨豐街、常怡道既十字路口

北行既巴士路線停完常悅道之後仲會停臨華街，但兩個站之間明明只相差一個燈口，點解要兩個站都停，而唔係只停其中一站呢?或可安排部分巴士路線改行臨豐街、常怡道同常悅道，停常悅道西行站。可能你覺得兜多左路，但點都好過塞晒同一個站等前車走掛


導致東九龍塞車問題既最大原因係道路無規劃好，宏照道同啟祥道交界擴闊後情況紓緩左少少，但塞車問題依然好嚴重，我只希望運吉可以更好地規劃巴士既走線，搞好個CBD2

偉業街天橋同觀塘道呢個接駁口，設計極需改善。
違泊問題，一律建議「忠誠部門」加強改善違泊舉報門檻同罰則，近近地新加坡已經有晒例子。

踢多幾條線改行宏光道會唔會好啲？
至於偉業街呢個恐怕要等中九幹通車先有得改善

自從開咗個口由啓福道入常怡道, 連帶宏通街巴士站都塞到XX, 老實講, 開完個口畀車直入係好事, 但唔理常怡道/宏照道交界繁忙, 唔延長行車燈號, 搞到啓福道巴士埋站陪塞, 反而行宏光道轉入常悅道就通到不得了.

講番常悅道巴士站, 搭親巴士下繁經過, 新界車長期佔據最左線, 28B 606呢啲就快返到總站嘅路線被迫由中線插到最前上落客, 結果大家你阻住我, 我又阻住你.

以前常怡道仲係全線雙向時, 15A 606 641來回行晒成條常怡道, 641停完常怡道就左轉常悅道去宏光道, 而606 15A就右轉常悅道去宏照道.

如果純計里數, 改經臨豐街 常怡道北行去常悅道係同以前走線一樣, 但觀感實在係好差, 只係差幾十米距離就到下個路口, 唔似以前常怡道西行係直接轉向北行, 就算以前搭車望出去冇高樓大廈, 亦唔存在觀感問題.

政府請啲咩人嚟做交通評估, 又未必預計到邊度會起摩天商廈, 就好似之前話起單軌鐵路, 講講吓又話唔起, 用番小巴同巴士做, 條路就得咁闊, 而家啲路塞死晒, 又唔見諗吓點樣擴容, 根本講嗰班人都唔駛入去, 唔知事態嚴重, 入去做嘢嗰班又唔係做評估嗰班, 咁咪永遠你有你塞, 佢有佢當冇事囉!

臨華街條問題就好似 74X 同 268/9C 四美街咁，隔鑽石山站唔遠但係加埋本身步行過去嘅距離就遠

常悅道拆哂成條花槽，同時俾兩三部車一齊上客，效果已經好好多

臨華街巴士站同時亦都係大西北邨巴站 , 都幾難郁得走
我反而諗緊有無可能將海濱道嘅線推返出啟福道 / 偉業街 (北行) , 而家塞海濱道真係好慢

索性學芝加哥咁起幾層路好過

即刻諗起793

流星☆雨 發表於 2022-5-8 00:49
偉業街天橋同觀塘道呢個接駁口，設計極需改善。
違泊問題，一律建議「忠誠部門」加強改善違泊舉報門檻同罰 ...

放工時間行宏光道北行出？
當見識過消防局前後嗰兩支燈,
同埋喺輔警要等三四轉燈先出得到,
你就一定唔會想架車咁行...

巴士多，私家車更多呢…