點解喺外國行得通嘅營運安排香港用唔到？

舉例，喺英國，火車會喺長過月台嘅車站停站，咁部分車卡開唔到門。點解喺香港就要為咗港島嗰2個站，就將成條東鐵綫閹3卡？成條西鐵綫嘅第9卡幕門荒廢？

你講果D英國火車路線幾多分鐘一班？
短月台嘅車站有幾多人上落？每卡車可以坐幾多人？

搬落兩分零一班車嘅東西兩鐵、
多人到乜嘅金鐘同會展站，會有乜後果？
假若列車有事，乘客要响月台緊急疏散，
月台開唔到門果卡又走唔走得切？

Search下"selective door operation"就知道唔係咁簡單
抽車本身、訊號系統、消防條例，通通搞得掂先講

其實香港有試過 就係東涌綫車行博覽館特車 只能夠留俾主要香港站乘客落車

橫須賀線田浦站

不過東鐵批舊車阻街先係問題

東西走廊+ 南北走廊效益都好過東西合併

不如話點解港鐵唔用撳製開門啦

你當係備用啦
當加密班次到極限後就會用埋呢堆「後備車卡」

依家話「唔得做唔到」嘅問題到時就通通都得返

dogdog002 發表於 2022-5-14 11:33
其實香港有試過 就係東涌綫車行博覽館特車 只能夠留俾主要香港站乘客落車 ...

機鐵營運方式同市區綫模式唔同，
市區綫所有車站都可以上落客，人流比機鐵多好多。(唔計終點站)機鐵市區方向青衣、九龍只供落客出閘，不能入閘(唔計青衣往香港早晨專綫服務)，同樣地機鐵機場方向青衣、九龍只供上客入閘，不能出閘，而且停站時間比市區綫長。

智智，將火車同地鐵比（係呀，而家嘅東鐵已經變地鐵喇），虧你諗得出

市區綫最重要就係效率，上落客速度要快，停站時間要夠短，有D車卡唔開門D人點落車，卡卡逼爆，搞到個個站停站時間長咗拖累埋行車時間，咪仲衰，更何況佢本身都未加密返班次。