[還原基本步] 重組 793 795 797 系列

重組背景：近年新巴大舉拓展 796C 795X 系列服務，然而定線欠佳，如途經長期塞車的紅隧口西行，
並拖慢 796C 沿線乘客車程，趕客之餘，貴價 795X 旺角至調景嶺段並無特快之效，
797 觀塘偉業街段非繁忙時段使用量極低，參考其他版友建議，將該段縮減至繁忙時間服務

本次重組要點：
1. 前提為 797 觀塘段能夠改為繁忙時間服務，以及放棄新蒲崗段（長遠考慮 78X 改順走後鑽石山出入大老山隧道，部分還原 797 功能）
2. 將軍澳南將不會有全日路線前往九龍灣商貿區（繁忙時間以外請乘搭鐵路、巴士轉乘及 110 小巴，還 110 線生存空間）
3. 油麻地線將不會途經加士居道，還原基本步途經九龍城，但將會稍微增加新填地街車流

－－－－－－－－－－－－－－－－－－－－
大綱：
路線一：795X 清水灣半島至西九龍站－全日服務
經將軍澳、調景嶺、觀塘繞道、九龍城迴旋處、亞皆老街、旺角彌敦道、油麻地及佐敦

路線二：796C 調景嶺站至荔枝角盈暉臺－全日服務
經將軍澳南、尚德、觀塘繞道、九龍城迴旋處、(西行) 太子道西、汝洲街及長沙灣道／(東行) 荔枝角道及界限街、長沙灣

路線三：793 將軍澳工業村至蘇屋－全日服務
經康城站、環保大道、九龍灣商貿區、九龍城天橋、旺角及深水埗

路線四：797P 將軍澳站至啟德－繁忙時間雙向服務
經將軍澳南、調景嶺、將軍澳隧道、茶果嶺、觀塘偉業街及九龍灣商貿區

路線五：797 清水灣半島至九龍灣行動區－繁忙時間單向服務
經百勝角、康城站、將藍隧道及觀塘偉業街

－－－－－－－－－－－－－－－－－－－－
詳細內容：
1. 按 RDP 建議，將 795X 提升至全日服務，但改為來往清水灣半島至西九龍站
將軍澳走線不變，減少本次重組對原 796C 調景嶺及將軍澳天主教小學乘客影響
到達觀塘繞道後改經九龍城及亞皆老街，前往旺角及油麻地

全程收費減至 $9.4，與原 796C 相同
全程行車時間約 65 分鐘，每 15-20 分鐘一班，派車 9 部

清水灣半島往西九龍站：https://goo.gl/maps/HgqWiLwXrDYsdxWg8
西九龍站往清水灣半島：https://goo.gl/maps/ns7Djyh36cc1jCwY9

－－－－－－－－－－－－－－－－－－－－
2. 796C 將調整區內走線，改為調景嶺開出，經彩貴閣掉頭、經藍塘傲及天晉 III（回程經 Donki）、尚德後直出，
市區段來回程不再途經旺角站，及不再前往蘇屋，市區流水交予 793，並延伸至荔枝角；
回程改經荔枝角道，擴闊新巴將軍澳線版圖，並與 296C 正面競爭

因區內走線調整，但後段不再途經塞車熱點旺角，預計調景嶺登車往太子至長沙灣將稍微增加五分鐘
並預計尚德至深水埗段比 296C 快約 10 分鐘
路線收費將上調至 $11.7，但因本線將隧至深水埗車程明顯較快，收費上調亦相對合理

全程收費加至 $11.7，與原 795X 相同
全程行車時間約 70 分鐘，每 20 分鐘一班，派車 8 部

調景嶺站往荔枝角：https://goo.gl/maps/sf3Gkjc9LhZ7h2qK8 （註：將藍隧道開通後改經寶順路延伸段前往藍塘傲）
荔枝角往調景嶺站：https://goo.gl/maps/xeSscEe6gTeawwBW6

－－－－－－－－－－－－－－－－－－－－
3. 原 797 與 RDP 中 793 合拼，793 兩端終點站維持不變，惟不再途經將軍澳南，繞經康城站後跟隨 797 環保大道直出將隧，
及後跟隨 793 直入九龍灣，到達太子道東後經九龍城天橋及亞皆老街天橋，不再停富豪東方酒店、亞皆老街球場及九龍醫院等站
到達旺角後沿 793／原 796C 路線至蘇屋

本改動啟發自本版其他版友方案，合拼 797 環保大道直出、及 793 直入九龍灣，
而本線改經九龍城天橋及亞皆老街天橋，預計可稍微追回繞經九龍灣所浪費的時間
本線亦向環保大道提供直出市區服務，亦繼承原 793 九龍灣至深水埗/蘇屋之流水客源

全程收費 $11.7；蘇屋至九龍灣 $5.5；蘇屋至將隧 $9.4
全程行車時間約 75 分鐘，每 20 分鐘一班，派車 9 部

將軍澳工業村往蘇屋：https://goo.gl/maps/TbkQkF71nA4Kv36n8
蘇屋往將軍澳工業村：https://goo.gl/maps/kfxqbJW91EdyiLT2A

－－－－－－－－－－－－－－－－－－－－
4. 建議增加現 797 將軍澳南特別班次至三班，並縮短至啟德站
將軍澳站開出途經至善街及調景嶺、將軍澳隧道、觀塘偉業街及九龍灣商貿區
早上繁忙時間往九龍灣 0740 0805 0830；往將軍澳 0810 0835 0900
下午繁忙時間往將軍澳站 1730 1755 1820；往啟德 1720 1745 1810

全程收費 $8.9
全程行車時間約 45 分鐘，派車 4 部

將軍澳站往啟德：https://goo.gl/maps/MqjLo1UZBXc1NXxh8
啟德往將軍澳站：https://goo.gl/maps/6UQfboMrdhQAZjc99（註：將藍隧道開通後改經寶順路延伸段前往藍塘傲）

－－－－－－－－－－－－－－－－－－－－
5. 797 縮減至繁忙時間單向提供三班服務，並改為清水灣半島至九龍灣行動區
路線將途經百勝角、康城站、將軍澳跨灣大橋、茶果嶺、觀塘偉業街
早上繁忙時間清水灣半島開 0740 0815 0850
下午繁忙時間九龍灣開 1725 1750 1815

全程收費 $8.9
全程行車時間約 40 分鐘，派車 2 部

往九龍灣行動區：蓬萊路、環保大道、迴旋處、環保大道、百勝角路、迴旋處、百勝角路、環保大道、康城路、康城站公共運輸交會處、康城路、迴旋處、康城路、環保大道、環澳路、將軍澳跨灣大橋、將軍澳藍田隧道、茶果嶺道、偉業街、觀塘碼頭、偉業街、常怡道
往清水灣半島：常怡道、宏照道、海濱道、順業街、偉業街、觀塘碼頭、偉業街、茶果嶺道、將軍澳藍田隧道、將軍澳跨灣大橋、環澳路、環保大道、康城路、康城站公共運輸交會處、康城路、迴旋處、康城路、環保大道、百勝角路、迴旋處、百勝角路、環保大道、蓬萊徑、蓬萊路

－－－－－－－－－－－－－－－－－－－－
用車轉變：
改動前：
793：15
795X：8
797：8
合計：31

改動後：
795X：9
796C：8
793：10
797P：4
797：2
合計：27+6

－－－－－－－－－－－－－－－－－－－－
以上

新增維持駛經觀塘偉業街、795P 全日以及新 796C 繞經九龍灣方案
收到版友關心觀塘偉業街流水路段，以及未來 795P 全日後路向，建議新增方案如下

1. 建議中 793 將軍澳工業村 - 蘇屋 路線，介乎觀塘繞道至宏照道之間改經偉業街及常怡道
進一步深入觀塘並恢復 "觀深" 服務，以及方便將軍澳居民前往觀塘偉業街
預計來回方向行車時間增加 5-7 分鐘
九龍城至旺角深水埗段維持建議，途經九龍城天橋

2. 建議中 796C 改經九龍灣商貿區；九龍城段改經九龍城天橋，以為維持 RDP 793 落實後將軍澳全日來往九龍灣服務
西行過觀塘繞道後，經宏照道、啟祥道、天橋、觀塘道、太子道東、太子道西天橋後返回太子道西沿線
當中只停常悅道、臨華街、麗晶花園、采頤花園、喇沙利道、伯爵街等

東行過碧華花園後不停站直達譽港灣、景泰街、坪石邨、臨華街及常怡道
預計車程與原建議相差 0~2 分鐘，惟唐明街站至深水埗段與 296C 進一步重疊，太子道西段亦與 110 小巴進一步重疊

（本來希望透過深水埗快線，即建議中 796C 駛入九龍灣，以換取 793 縮短至大角嘴，但發現會斷蘇屋至旺角流水；
又有考慮 795X 改逆時針循環，並新 796C 將軍澳方向改經旺角，但發現因區內走線調整，會延長亞皆老街往調景嶺車程；
參考現時 Google Map 數據，始創中心前往觀塘繞道，經旺角道比經加士居道快 2 分鐘）

3. 795P 維持途經將軍澳隧道，並根據 RDP 延長至將軍澳工業村
提升為半全日服務（上午西行下午東行），兩繁各增設兩班往及返將軍澳工業村，
並改經彌敦道及荔枝角道前往長沙灣

屎水想做彌敦道（油麻地）同美孚特快
兩樣改完都唔見咗

JX9097 發表於 2022-5-23 19:52
屎水想做彌敦道（油麻地）同美孚特快
兩樣改完都唔見咗

並唔係做唔到班客，只係唔係「特快」噱頭

如果重組框架係 797 併入去 793 795X 796C，咁樣重組都算幾合理，但係封左未來全日化 795P 將藍中九龍幹線的可能性，未必係好事，所以個人傾向拎 797 去同 796X 796P 重組。不過呢個就係成個重組方向都唔同的問題，之前都有作過討論。

1) 795X 擺西九龍站，問題係入將軍澳要塞旺角道，呢個位會對油麻地客回程車程有好大影響。改大循環，回程行東九龍走廊走，點都順好多，而且可以慳車，推密班次仲有著數。

2) 796C 同 296C 正面競爭，TD 未必批，同埋呢個 793 走線，理論上唔停得唐明街公園，與 296C 同站出城，要改停將天。太子道東入深水埗，唔建議行晒成條汝州街，黃竹街轉返出長沙灣道會慳到車程。另外就係回程入 donki 對調景嶺來說觀感太差，停將廣播道好過。回程亦都唔建議行荔枝角道，簡簡單單直行長沙灣道好客唔少，無謂為搶 296C 客而玩重疊。如果 795X 行循環走線，796C 往將軍澳方向可以諗行旺角道亞皆老街。

3) 793 既然都康城直出，要停九龍灣，其實全日入埋觀商都好合理，無謂增加改線阻力，亦都可以慳番早繁的 797。

2076 發表於 2022-5-23 23:44
如果重組框架係 797 併入去 793 795X 796C，咁樣重組都算幾合理，但係封左未來全日化 795P 將藍中九龍幹線 ...

要強調一點，絕對唔覺得 795P 適合行中幹線，中幹線入彌敦道其實完全唔方便，尤其 795P 條走線
793 做全日又唔算完全封殺 795P 未來全日機會，九龍段冇重疊，只係應該唔會用兩條線做環保區出旺角
當初我有考慮過 795P 拉直由油麻地掃旺角深水埗去長沙灣，不過擺埋其他線一齊重組就係另一個講法

我贊成 797 當然有其他重組方法，不過成個框架會唔同

至於 795X 落西九龍站，除左可以霸站位外，亦都比機會深水埗線徹底飛走旺角，做加價特快
做循環觀乎亞皆老街路況，有版友講過會班次不穩
而且如果真係循環，有機會要牽涉深水埗線回程入旺角，
亦令到會有三條線入旺角，但深水埗線冇得快

而 796C 296C 競爭問題，視乎屎水發唔發到窮惡
反正新巴唔係冇車停唐明街（如 796X），我覺得可以趁改線做，而且將天有 795X 做，796C 已經同 296C 冇咁似
不過將軍澳走線點行唔算我企得好硬嘅地方，另一個我覺得可行係調景嶺－尚德－唐德街－至善街咁
Donki 就因為來回程對稱，以及搵部車入唐賢街盡頭霸個位

行荔枝角道除左同 296C 爭客，最主要考慮運輸署批唔批新線行長沙灣道，同埋避免同 793 太近

而 793 入觀塘偉業街，的確可以做流水
但一來 off-peak 使用率低，二來進一步拖慢康城出市區車程，冇得用半直通包裝呢條線
本身呢個 plan 目的就係闖關飛走觀塘偉業街，如果真係唔得，我覺得可以做其他重組方案

10598C 發表於 2022-5-24 04:07
要強調一點，絕對唔覺得 795P 適合行中幹線，中幹線入彌敦道其實完全唔方便，尤其 795P 條走線
793 做全 ...

795P 行中九龍幹線，主要係想一條線做晒佐敦、油麻地、旺角、美孚、長沙灣，甚至可以諗做埋太子同深水埗，多過話想快。不過觀感上跨灣橋、T2、中九龍幹線直飛佐敦道，其實都唔差，我覺得環保會賣帳。同埋 795P 可以一條做晒佐敦以北的時候，797 如果跟 796X / 796P 之類的走線落去尖沙咀，變相康城兩條直出就搞掂晒成個九龍網絡，加埋 793 補返區內流水同中九龍頹位，環保大道 / 工業邨 就唔駛再擺資源落去。

西九龍站本身有 20A 霸左站位，又唔係咁逼切，更何況用尖沙咀版的 797 來霸，其實都十分合理。深水埗線飛走旺角，除了太子站位會差左之外，仲有個問題係未必夠客去做。796C 本身大部分客都係旺角打後上車，296C 亦都唔見得多客用來來往將軍澳同深水埗。或者呢兩區本身來往唔算多，唔做旺角的基本盤可能真係唔太夠。796C 的走線係好似九巴 42，但其實 42 本身都冇乜順利同彩雲客來往深水埗。太子道西入去深水埗又係唔係真係比亞皆老街明顯地快? 事實上假日無論行邊條路都係咁慢，太子道西近花墟都係例塞位，雖然就話亞皆老街西行都唔好得去邊，但專心做深水埗特快又快唔起就有啲難搞，除非 796C 肯來回飛橋唔做太子，795X 行 太子、旺角、油麻地 循環來補位，亞皆老街就只好交比 296C 或者 793 轉乘......

將軍澳走線方面，其實就希望可以擺到站在未來入境處門口，參考返現時灣北入境處個站，非繁係出到客搭車的，未來如果門口有車直去九龍旺區，而車程又合理，相信會係將南的非繁重點客倉。另外，capri 果邊行去鐵係最唔方便，如果有多啲路線選擇，相信都有吸引力。調景嶺 -> capri -> 至善街 -> 將站 -> 尚德 的行法，其實既有尚德客保底，又可以搵下至善街新客，其實幾唔錯，不過調景嶺一定唔會賣帳。將南重組最大問題就係調景嶺點樣處理，佢地唔係直出就好易跌客，尚德又有個問題，就係出市區方向明顯少客搭新巴過入尚德方向，796P、796C，都係入城方向先多尚德客揀，因為尚德總站直出的吸引力實在太大，就算 796C 行尚德直出，都未必吸到晒深水埗客。

796C 又點會同 296C 唔似...... 成個深水埗段係打孖咁行，個人認為因為有 296C 的關係，795X、796C 出市區方向都唔太需要搵尚德客，寧願做好調景嶺同將南好過。793 同 796C 將軍澳幾乎各有各做，長沙灣道 / 青山道 已經夠開，唔太駛特登踢 796C 去做荔枝角道。796C 行返長沙灣道，試下引 98C 的寶林坑口客上將轉轉 694、798 好過，反正 796C 主打深水埗特快。

793 入觀塘偉業街做的流水唔係睇將軍澳果邊，而係睇深水埗、旺角去觀商，呢個本身亦都係現有巴士網絡的真空位，以前我觀商返工，都有時因公事私事要去深水埗黃金，793 做觀商就正正可以做埋呢類需求，亦都唔駛增加重組阻力，反正康城出旺角都冇乜更好選擇，非繁偉業街客最慘又唔係零......

2076 發表於 2022-5-24 06:15
795P 行中九龍幹線，主要係想一條線做晒佐敦、油麻地、旺角、美孚、長沙灣，甚至可以諗做埋太子同深水埗 ...

其實四順42係有一定人數坐佢出深水埗打後就少，因為太慢

同埋唔知點解296C深水埗客比98C低一截
不過當296C加埋796C嚟睇的話
其實又唔係真係咁少
（單睇296C太窄，因為將軍澳只掂到尚德）

2076 發表於 2022-5-24 06:15
795P 行中九龍幹線，主要係想一條線做晒佐敦、油麻地、旺角、美孚、長沙灣，甚至可以諗做埋太子同深水埗 ...

緊記一點：屎水唔係曾經財大氣粗嘅公司，而家佢哋係蝕到入肉，唔係話隨便開線都有客嚟坐，冇客嘅就應該真係放棄...

795P 行中幹線麻煩去望下中幹線啲出入口...
西行可以駁到落佐敦道都算好啲（但其實塞完佐敦道出返彌敦道，我嚴重懷疑同行舊路加士居道時間相約）；
東行要係麗翔道入，彌敦道入點兜都唔順甚至無可能對稱走線

而深水埗線，觀乎 98C 客量分佈，下繁長期深水埗係可以坐滿，我對於成個深水埗出客返將軍澳唔太擔心
講唔夠客，795X 長沙灣兩繁位+旺角南油麻地，收貴完冇快到按道理仲少客過深水埗，而且旺角同自己線界客
唔識搭車嘅人，始創仲有 793 轉車...

如果你話順利唔多人搭 42 真係搏俾人鬧...
42 係就係唔密但就算 214 開咗深水埗返彩雲依舊 42 最快，而 42 亦都經常頂閘，四順去深水埗基本上係靠佢
尤其近年多咗人去深水埗行街，42 係進一步多咗人搭的，只係過咗美孚後至青衣一段太冗長

而基本上太子道西去深水埗，絕大部分時間就算塞車都會快過行亞皆老街
何況開拓埋將軍澳去九龍塘返學班客，呢個一直係將軍澳山下線嘅盲點
呢一點亦都係同 296C 最大唔同，新 796C 取道太子道西同界限街，當然回程行唔行荔枝角道都唔會係我一個企好硬嘅地方

而點解我會揀新 796C 深水埗特快線改區內走線，係想盡量減低對調景嶺影響，後段加快少少嚟補返
亦都係將彩明街用到盡 - 反正都要入去兜個圈，倒不如索性用佢嚟掉頭，兜將軍澳後上將隧

至於你話試下引坑口寶琳搭新巴將隧轉乘，正正就係考慮到將隧口呢個問題
分別行青山道同荔枝角道可以擴闊返 catchment area，
而我點解會將 793 亞皆老街飛橋，亦都係追返將隧至旺角車程，吸引班人繼續用將隧口，你見沿線大部分原 796C 服務嘅地方，重組後都有兩部車選擇返將隧口

如果 793 踢落偉業街（我之前確實有諗過 797 拉去深水埗，市區會有好多流水客），會令到康城出旺區車程太慢，而且將隧至旺角到明顯慢過原 796C

所以最後都係還原基本步，揀一啲最多客嘅地方，都係回歸第一句：屎水已經冇咁多錢燒
放棄觀塘偉業街全日服務，做返應做既野

當然，屎水有咁多錢燒嘅話
797 拉去旺角深水埗，或者紅土尖東
795P 全日行曬彌敦道、長沙灣道
等
絕對無問題

仲有一個前提，我唔希望嚴重影響原 796C 將隧甚至將軍澳往返九龍城旺角班客

10598C 發表於 2022-5-24 10:32
緊記一點：屎水唔係曾經財大氣粗嘅公司，而家佢哋係蝕到入肉，唔係話隨便開線都有客嚟坐，冇客嘅就應該真 ...

要吸康城客
首先就係要快過地鐵/唔慢過地鐵好多, 兼一程過出入旺區
如果直出將隧又兜返啲觀塘呢啲塞車熱點, 開線嚟都係冇用
結果都係趕客搭鐵
參考795P而家走線, 做到上述兩個條件"快過地鐵/唔慢過地鐵好多, 兼一程過出入旺區"
客量即刻有保證
就算下繁得一班車, 一定要撞啱時間先搭到, 都有60-80個客, 而且越黎越多人搭

kentbryo 發表於 2022-5-24 10:40
要吸康城客
首先就係要快過地鐵/唔慢過地鐵好多, 兼一程過出入旺區
如果直出將隧又兜返啲觀塘呢啲塞車熱點 ...

將隧之後仲會唔會塞車，好睇將藍分到幾多車流走
但無論如何，以現時中幹線出口，依然係同一句說話，795P 唔適合改行新路

以獨立路線計，795P 最理想係掃曬長沙灣道同彌敦道