民間組織對2022年荃葵青RPP意見

1234567 發表於 2022-6-1 14:11
講緊49X分拆，到時49P咪同49X一樣全日囉。49P沙田去青衣的通勤唔係幾夠客，因為淨係做青衣北，ive 都掂唔 ...

49P 全日肯定要做一雞兩味

沙田端總站一係去火炭或白石角做冇城隧線地方，一係做馬鞍山城隧特快，因為 40X 太慢，但因為價錢牌問題唔見得九巴有幾大意欲改快 40X，如果用新線加價應該九巴肯做

青衣總站直接延長去長青或美景花園或青富苑

1234567 發表於 2022-6-1 14:11
講緊49X分拆，到時49P咪同49X一樣全日囉。49P沙田去青衣的通勤唔係幾夠客，因為淨係做青衣北，ive 都掂唔 ...

其實好多嘢係雞先定雞蛋先嘅問題

的而且確就咁睇49X 繁忙時間喺青衣北唔多客，但究竟係青衣北冇客定係其實有客但走晒去坐其他車？

我就覺得係後者多個前者，睇返咁多條山下直出嘅路線，下繁離開青衣島嘅收視都唔差，41A 收工時間不嬲都頂閘離開青衣，44 收工時間長安一樣排長龍，上到坐滿，可見山下的確有一定數量嘅人返工，依家249X 下繁喺青衣站同埋長安收視一樣唔差，部份班次夾埋可以上到25個或以上

49X 青衣上車仲要漫遊荃灣，邊個會上？

下繁翠怡嗰邊一早上晒小巴出葵芳再轉城隧車，長安同埋青衣城搭鐵都快過49X 一大截，根本就冇人會坐49X

若果49P做到繁忙時間雙向服務，下繁山下有快車上城隧，起碼吸到呢班客改坐49P，而且城隧轉車網絡發展完善，可以轉上粉嶺，大埔，馬鞍山，大圍，夾埋幾個區嘅客源集於一條線，點會做唔起？

不過正如前面有師兄提及，49P 要加大返青衣嘅coverage，應該要兜埋青衣站嗰邊，先可以擴大返個基本盤

1234567 發表於 2022-6-1 14:25
49P做埋楊屋道兩個站會好啲，大河道北上橋其實唔慢得幾多，好過塞荃錦滙旋處嗰幾個燈位好多了。然後48X改 ...

下繁沙田方向冇乜意見，但上繁沙田方向真係冇需要停楊屋道，青衣自己都夠客

城隧線都係補啲未有車到嘅位多
舊線重組機會唔大
尤其青衣仲要係比較近青沙
而且已經有唔經其他區嘅249X

ATE7025 發表於 2022-6-1 16:03
下繁沙田方向冇乜意見，但上繁沙田方向真係冇需要停楊屋道，青衣自己都夠客
...

咁上繁入青衣、下繁出沙田呢？49P唔兜埋楊屋道肯定唔夠客，上繁可能去到城隧口之後架車就大半空了。
你話繁時單方向分拆49P/49X（上繁入沙田、下繁入青衣）就冇問題，但全日分拆個人覺得唔夠客，由其是逆向入青衣

kingprowm 發表於 2022-6-1 15:46
49P 全日肯定要做一雞兩味

沙田端總站一係去火炭或白石角做冇城隧線地方，一係做馬鞍山城隧特快，因為 40 ...

拉去青衣南不怕跟249X重疊嗎？

ATE7025 發表於 2022-6-1 15:53
其實好多嘢係雞先定雞蛋先嘅問題

的而且確就咁睇49X 繁忙時間喺青衣北唔多客，但究竟係青衣北冇客定係其 ...

你舉的線都是青衣北出西九龍的線，當中有幾多只係出去九龍轉車/只係青衣區居民出去行街是不清楚，憑這樣就說49P夠客，是不足夠的，沙田只係住宅區，大部分入沙田都係放工返沙田客，你肯定單靠青衣北就夠客？
249X已經有做入大圍轉車的城河東客的功能，49P都係一樣做城隧轉乘客去沙田各地，你唔怕開49P只係左手交右手呢25個客？

1234567 發表於 2022-6-1 19:12
咁上繁入青衣、下繁出沙田呢？49P唔兜埋楊屋道肯定唔夠客，上繁可能去到城隧口之後架車就大半空了。
你話 ...

我覺得唔使太擔心喎
249X 有板你睇，12年前開線嗰陣夠一樣有人話上繁入青衣同下繁出沙田冇人坐，結果係多人到頂閘，加咗兩次班

49P 喺青衣一樣掂到翠怡工業區，長安呢啲有逆向客源嘅位置，兜埋青衣站直頭可以食埋啲返放工嘅廠車

所以49P 繁忙時間雙向服務(以249X 開綫時嘅模式)絕對值得做，開20/30分鐘一班定點班次都夠

唔需要畫蛇添足，咪試行半年先，青衣唔夠客先至再考慮落荃灣，始終楊屋道成日塞車，一開頭就落去嘅話根本唔吸引

至於其他時段需唔需要有49P呢就⋯⋯睇定啲會好啲，始終都幾大機會係變成73B X42C 之流

1234567 發表於 2022-6-1 19:14
拉去青衣南不怕跟249X重疊嗎？

你話 49P 因為唔經 IVE 會驚唔夠客，所以我先諗由青衣碼頭拉去青富苑或長青，但唔好上涌美路以免大幅增加行車時間

因為青衣有 249X 去沙中，可以所有青衣來往沙中客推晒去 249X

所以如果 49P 全日，沙田總站應該唔駛再入沙中，應該去火炭或白石角補城隧線，或馬鞍山特快

kingprowm 發表於 2022-6-1 20:12
你話 49P 因為唔經 IVE 會驚唔夠客，所以我先諗由青衣碼頭拉去青富苑或長青，但唔好上涌美路以免大幅增加 ...

問題係剩係做沙中客全日係唔會夠客，一定要做埋馬鞍山、沙田其他區，249X要停大圍就係要方便轉東鐵屯馬去其他區，249X晏晝同夜晚客量可以話慘淡，

依家249X都未搞得掂，再推49P全日基本上係攬炒。

既然依家有249X，目標應該係推人搭249X推高249X客量令九巴加班日間20分鐘一班，而唔係再推49P全日鬥疏車。