究竟九巴係點睇30X依條線?

今日搭17:05荃威開嘅30X, 客量真係算幾好, 坐滿出九龍, 但星期六下午仲係開緊25分鐘一班。
基本上自從觀塘線延線(2016)之後, 依條線已經大部分時間都係20/25。改行如心就預咗失敗, 依家行楊屋道真係慢慢儲到客, 兩個站各上20+ (荃景圍都有20), 坐滿出九龍。
同日較早前大約15:30喺元洲邨見到有架30X黃埔方向要企, 望望個app, 同前車相距30分鐘... 咁嘅班次都吸到客, 但係仍然唔肯開密D...

雖然我唔係荃景圍居民, 但係都覺得佢地好慘, 得條39M仲要今日都開緊10... 條30X由12/13跌到25仲要車程多最少5分鐘, 楊屋道街市隨時又塞多幾分鐘... 都唔奢求佢會重組(油尖旺特快), 但至少都加返密少少呀... 荃灣X線係唔夠里數又多塞車位, 但係價錢牌真係唔差, 做長深荔客位位$9.4根本唔值。

(想當年係開12/13, 再加大量935/960 order, 3/4pm 開到5/7分鐘送班order車出九龍。依家咁既班次荃景圍都仲有人上車都算係咁)

附車程記錄:
1705 荃威花園
1716 荃灣站 (--- 等埋站慢2分鐘)
1719 大河道
1724 楊屋道街市 +21 (--- 轉入楊屋道等多set燈慢2分鐘)
1728 橫窩仔街 +23
1736 美孚
1748 北河街
1756 太子站
1759 旺角站
1802 文明里
1817 黃埔花園


(PS真係幾年無搭過30X, 早幾年標準時間係 荃威<15>祈德尊<6>美孚<20>旺角站<20-22>黃埔, 繁時通常長沙灣道/彌敦道各+5min,
依家行咗楊屋道慢咗6-8分鐘, 但長沙灣道/彌敦道停站時間短咗都慳到時間 (以前有黃埔客埋站上客都幾耐))

有指佢嘅回車時間實在係太長 回本比較難
去程區內兜 回程要行西行加士居道
個人認為荃灣方向可以改行紅磡站去歷史博物館右轉上返加士居道 skip返大半條龍

KW2523 發表於 2022-5-28 20:12
有指佢嘅回車時間實在係太長 回本比較難
去程區內兜 回程要行西行加士居道
個人認為荃灣方向可以改行紅磡站 ...

多謝回復 作為黃埔居民其實真係無咩人用30X, 得醫院但老實講有幾多... 又唔係真係到醫院門口
所以我反而絕對贊成趕條30X走 (必要既話用6F廢物利用補位)
我諗第一步係密返少少, ideally 15, 來回楊屋道
之後再諗有無辦法搞特快, 例如拆D班次/半全日行彌敦道特快循環(e.g. 旺角落西橋單向彌敦道再佐敦道上三幹), 用最短時間回車做最多客

擺明唔想做，但係取消唔到而班客趕極唔走嘅線

當年改行尖沙咀 + 西橋過唔到 就知無運行

荃灣線基本上九巴冇心機做30X固然啦33A 40 73X 都做到一pat 屎咁… 仲要73X好客咁多都搞到咁 30X 更加唔會好 有車就搭 唔搭就搭地鐵… 至於其他43X 66M 278X 表現如何就大家睇吓

nate115 發表於 2022-5-28 20:18
多謝回復  作為黃埔居民其實真係無咩人用30X, 得醫院但老實講有幾多... 又唔係真係到醫院門口
所以我反 ...

還可以改條線做黃埔<>尖沙咀<>旺太深長荔美<>楊屋道<>荃威.
徹底放棄旺角>荃景圍客, 吸納油尖旺深長荔>楊屋道的客源,
但要處理既係德士古道/楊屋道塞車時問題

至於荃景圍送個234X<>39M同30>234X既轉乘,
同延長現有230X上繁到9點同尖沙咀下繁6PM-7PM開車(可加兜富華街)返去。
我諗荃景圍都會放佢(至少我會同意)

荃威花園駁鐵多數都等番39M
所以30X其實只係收多$5.6，所以咪玩到好唔想做荃威花園咁樣
39M而家開疏咗車就係因為九巴食髓知味，見39A/30X都照搭落山，咪借疫情削一個位 (其實之前已經正式減班，中段7.5 > 9)

反而楊屋道就真係受惠
荃新30X站位算好方便，上車又接近直出九龍，相比過龍德街上238X行少好多，成村客都buy
30X真係收車無車，想坐巴士都仲可以行過去上238X

將來假如九巴想30X回程都改行楊屋道，234X就要上下繁加班同提早尖沙咀開出頭班車，即管睇下將來發展會係點
但係因為九巴唔想太多車畀咗荃威花園 (反正點都搭佢多)，30X再大改可能唔大，應該會繼續攞佢去執雞或搞啲試驗性質嘅野

dominic023 發表於 2022-5-28 22:10
還可以改條線做黃埔尖沙咀旺太深長荔美楊屋道荃威.
徹底放棄旺角>荃景圍客, 吸納油尖旺深長荔>楊屋道的客 ...

哪有車
30X連黃埔開出改行紅磡站避塞車都唔想搞
其實我有少少懷疑九巴係有心趕荃威客
間接限制條30X嘅客量減少派車

改佢回程入楊屋道之後就唔同 (如果成功)
到時就算多咗客都大條道理抽238X
238X車數好多，仲有條拎住四五部車嘅238M，水位非常大

Ricky403 發表於 2022-5-28 22:24
荃威花園駁鐵多數都等番39M
所以30X其實只係收多$5.6，所以咪玩到好唔想做荃威花園咁樣
39M而家開疏咗車就 ...

而家祈德尊抽走左30x出九龍但234x都無加班，
相信回程都一樣，佢寧願趕咁啲人落鐵。

但至少唔駛成日15/20分鐘返荃灣但兩架成日聯合到站，但一架滿一架半滿。