九巴動態顯示屏「提升」空間何在？

還記得2018年，九公宣佈將為車隊加裝「動態乘客資訊系統」（下稱「動態顯示屏」），聲稱可顯示路線編號、未來5站及分段收費等資訊
不過4年過去，仍未能如善水般顯示分段收費資訊，報站顯示更有問題之嫌

正如R1板某帖所引圖片一樣，動態顯示屏本應可以展示更多資訊，如：

• 車站附近地標
• 同站其他路線之實時預計到站時間（適用於大型轉車站）
• 分段收費資訊（參考善水格式分開放置）
• 與路線有關的特別交通消息（如290系可顯示「龍翔道有交通意外，行車受阻」或類近訊息）
  

上述資訊應與全線路線圖、未來3／5站名稱交替顯示。同時亦應更換報站系統，以提升自動報站之準確性

歡迎討論。

九巴啲嘢不嬲做過一次之後就石沉大海
單係佢張櫈仲話符合人體工學好好坐，嚴重懷疑讚嗰條友係攣嘅（條腰骨）

好奇一問，我已經係部巴士上面，知道分段收費資訊有何用？

hkt133 發表於 2022-6-27 22:50
九巴啲嘢不嬲做過一次之後就石沉大海
單係佢張櫈仲話符合人體工學好好坐，嚴重懷疑讚嗰條友係攣嘅（條腰 ...

所以我相信個輪椅位扶手好快又會無啦啦消失...

至於紅巴張櫈,合符亞洲人體型已經笑死人,係咪6,70年代亞洲人體型?

MB452 發表於 2022-6-27 23:14
好奇一問，我已經係部巴士上面，知道分段收費資訊有何用？

咁如果有雙向分段收費都有用嘅

提升空間有好多好多, 點樣提升有大把例子參考, 唔一一論述.


不過我覺得問題根源在於凱倫報站做唔到太多花臣.


例如為咗隧道收費廣場同大型轉車站之前加個廣播提示乘客緊握扶手, 要特登喺個報站檔案加多個站, 搞到個動態巴士站表連續兩次顯示同一個站, 觀感上已經好怪, 有版友提及過某站會連續顯示3次..



凱倫GPS報站器都用左差唔多10年, 係時候投資研發新一款乘客資訊系統.


而且凱倫GPS機太多缺憾, 一入到室內站失去GPS訊號就唔知巴士到站未, 所以動態巴士站表要開車門先會顯示 "此站: XXX".

之前九巴試過利用凱倫GPS機自動轉八達通分段, 結果冇咗件事.


依家有好多車隊管理系統都係一站式包哂行車紀錄儀, 車隊管理, 乘客資訊, 電子路線牌, 收費器等, 增加營運效率同減輕司機功作量, 新城2016年測試過ge Trapeze, INIT 喺外地都有成功例子, 所以我覺得九巴如果想改進動態巴士站表, 先要ge係採購新一套乘客資訊系統.


話時話, Openmatics個網頁似乎冇講到佢會做乘客資訊系統, 唔知可唔可以要求Openmatics開發?

琴日facebook當年今日先彈左一張相 就係我喺九巴車廂內影到動態顯示屏的測試中相片  張相就係有你所講既5個站顯示.... 我琴日都諗緊 ”我仲有再見過呢個設計咩？”

依間公司一年都唔知開幾多張空頭支票啦

本來龍運一開始嗰個樣式最好嘅，執返正ETA問題就得，最後九巴嗰套一出嚟就得基本報站功能就真係唔知諗乜

GD1570 發表於 2022-6-28 06:41
依間公司一年都唔知開幾多張空頭支票啦

搭單一提
上個禮拜九公喺新聞稿話「裝設輪椅泊位扶手嘅新車會喺6/23起陸續投入服務」
結果到今日（6/30）為止，都仲未有1架可以出到牌載客🤭🤭