九巴67A開辦消息

2076 發表於 2022-7-18 04:42
虎地直出肯定落閘，就算老九用比 50 55 入建生交換，城巴都唔肯，亦同 K54 重疊。相反 67A 逆走行建生變  ...

54區入面個巴士總站係預留咗畀50、55、56同950全日的，
所以現階段係唔會有預留位畀67A使用，亦即唔會有逆走(58A)嘅行法。

至於有冇54區大帝呢，我就唔知；但我就活生生地見到有人搶他區資源去成全自己直出屯公依個鐵一般嘅事實。
都係嗰句啦：明明條線一啲問題都無，因為隔離邨條線有問題就要大搞人哋條線，依啲又係咩道理呢
自己屋企嘅問題要人哋嚟遷就而解決，依啲算唔算係「強盜」呢？
不如學某位曾姓會員咁，不斷吹噓某個位係重要位置，要全區路線都兜入去停站上落客吧！

想搞直出嘅無問題，同67M重組，大家各分一半車，兩條線行車路線不便，
但67A過富泰後就不停站直去屯公，67M就照停沿途各站，咁咪「直出」囉！

GD1570 發表於 2022-7-18 08:10
建生擺咗960後已經無位擺多條全日線啦所以唔好諗建生總站了。

...

的確唔一定要擺建生，反正震寰路有建生邨站，理論上係可以擺寶田，只係補位補得冇咁好

我覺得更大問題，係 67A 走線問題始終要解決，山頭主義大家絕對唔樂見，所以唔係一句反對就當無件事
敢問你又有可高見？

不如話，良田甚至寶田都心知肚明，唔搭屯公三站去做，佢哋條荃葵線肯定做唔返而家 58M 呢個班次
甚至想按兵不動由得九巴陰 67M，反正與佢哋無關；反之如果 67A 直出，輪到陰乾就會係佢哋條 58M

10598C 發表於 2022-7-18 08:22
的確唔一定要擺建生，反正震寰路有建生邨站，理論上係可以擺寶田，只係補位補得冇咁好

我覺得更大問題， ...

我自問係屯公三站受惠者，你所示路線陰唔陰乾其實都對我無乜大影響。
因為總會有我想搭嘅車可以上，絕對無問題。


67A個走線問題唔係要用其他區嘅路線嚟解決，而係應該由劃線條友嚟解決，
我又唔見68A行屯公出荃葵又會陰乾咗58M？有嗎？
如果你屋企嘅問題要我屋企去遷就你而解決，咁樣都叫「山頭主義」嘅話，
咁請問，你屋企問題關我屋企乜嘢事？我要因為咁樣而去遷就嗎？
我講一句唔遷就，交返畀你自己去解決件事，咁叫做「山頭主義」？
仲要，依個問題本身就係可以避免，一開波直出就得啦，依家唔直出，就叫人哋就你，
喂...唔係真係咁「強盜」吧...
然後仲要我去諗埋解決方法畀你屋企解決？又係合理嗎？

既然咁想我出高，我上文已提出解決方案，依家再提多個吧：
繼續67M同67A平分車隊，67M繼續不變，67A富泰後兜圈U-TURN出返藍地上屯公直出。

再講，67A貴為67M嘅分支，都無喺67M拎資源，而係自己加車落去做...
67M收車只係個別巴士公司嘅營運問題。

GD1570 發表於 2022-7-18 08:30
我自問係屯公三站受惠者，你所示路線陰唔陰乾其實都對我無乜大影響。
因為總會有我想搭嘅車可以上，絕對 ...

而家獻計都要俾人鬧，唔怪之得 hkitalk 啲質素越來越參差

當日屯公三站出葵涌，68A 客量基本盤差過 58M 咁多，都係靠沿途多流水 68A 先有今日，如果唔改荃灣直入青衣，68A 58M 肯定各自都無今日咁密
但 67A 揸住大大個新發展區潛力，本身客量基本盤係有，加上有城巴做對手，九巴係做得出陰自己大線去搶客

唔好下下強盜前強盜後，我本身覺得 57M 58M 67A 有好大重組空間，無邊一個方案係絕對
唔郁其他線只將 57M 直接拉上 54 區近乎冇可能；67A 改虎地直出亦有難度

如果可以做到足夠補償（比良田），呢啲絕對算唔上係搶嘢，反而咁都堅持反對就係山頭主義
但我的確明白要改一條大線係唔容易

都係個句，不如話良田無誘因贊成，反正知道 67A 點改快行屯公，都會影響自己條線皇 58M
倒不如由得九巴按兵不動陰乾條 67M
但咁做問題係無解決過

2076 發表於 2022-7-18 04:42
虎地直出肯定落閘，就算老九用比 50 55 入建生交換，城巴都唔肯，亦同 K54 重疊。相反 67A 逆走行建生變  ...

米已成炊都冇辦法
從來唔覺得善水應該投新界
就算做都應該做九龍

所以我話班次係最大問題
如果現有居民因為而家嘅走線享受到最大福利
就因為一個新區去改路線 有機會削減原有嘅服務
咁點解一定要落疊

其實仲有一樣嘢就係...
58X係唔經轉車站 對搭去轉車站轉車嘅人都係疏車咗

10598C 發表於 2022-7-18 08:42
而家獻計都要俾人鬧，唔怪之得 hkitalk 啲質素越來越參差

當日屯公三站出葵涌，68A 客量基本盤差過 58M  ...

獻計無問題，但唔該唔好因為人哋反對就話人哋係「山頭主義」。
仲要人哋條線唔係無錢賺/廢線/慢線，就係因為人哋客多就要拆線成全自己特快，
依啲唔係「強盜」咩？
ITALK質素越來越差咪就係因為某啲會員唔理三七二十一就要認同自己嘅理念…
我無要求你認同我嘅理念，我上面都講明：你屋企有問題，點解要我去解決？
我去幫你手解決係人情，唔幫手解決都係道理，絕對唔會係「山頭主義」吧...
你就算有補償畀我，我就一定要接受？係咁嘅話收地就永遠唔會有問題啦！因為一定有補償嘛

如果咁都叫鬧嘅話，唔怪之得昨天有人話城巴職員叫「恐嚇」啦！

GD1570 發表於 2022-7-18 08:12
54區入面個巴士總站係預留咗畀50、55、56同950全日的，
所以現階段係唔會有預留位畀67A使用，亦即唔會有逆 ...

58A 可以擺兆康站北，大把位泊，出市區繞經寶田總站。58M 維持擺良景總站，本身盈豐落車客改用何壽基站即可，總站位唔係一個問題。

如果重組後，58A 58M 都多多少少開得返現有 58M 的班次，反對理由單純係單純良景少左一飛來回屯市，咁其實唔太合理。

源禾路沙市出深水埗突然少左一半 86 班次都照樣過，因為佢地仲有 72，而要讓路比富豪花園有青沙車。

當年嘉湖北冇左 265M 直出得番疏車經天慈 269M。

良景影響其實真係十分輕微，但山景及 54 區的服務有飛躍性提升，67M 沿線亦都唔駛硬食 67A 67M 聯合到站班次，成個屯門區都得益。更何況現時 57M 本身非繁都開緊 15 分鐘一班，加埋良景客底入去，非繁開 10 分鐘一班真係冇難度，擔心唔夠客照開 12-15 分鐘一班真係多此一舉。亦都唔好忘記 58X 本身唔停屯轉，九巴唔會開疏 58M 的，而山景 IVE 本身非繁都出到客的，真係擔心，咪改走埋條 66M 去屯門站同屯市，少一條路線分薄青雲路客源，58M 客量就更有保證。仲有未來有業旺路新公屋，青雲路未來客源係會有增長。良景居民來往 IVE 亦都唔駛捱疏車 615 / A34 / E33P。IVE 學生亦都有來回良景市集飲食的需求，變相區內客都有一定保證。

巴士迷A號 發表於 2022-7-18 08:43
米已成炊都冇辦法
從來唔覺得善水應該投新界
就算做都應該做九龍

其實真係區區唔同講法，但市區冇得做就大部分情況都啱，市區收費平行車時間又唔係特別短，變相回本門檻都較高

屯門班客本身習慣搭咗入市中心再算，加上 63X 天生廢，我個人幾睇好 50 做大

屎水堆新界線（無論以前投落堆過海線，抑或新投到嘅線）都係當 61R 88R 呢啲村巴線做算啦

相反皇后山問題係運吉走線真係畫得太廢

2076 發表於 2022-7-18 08:51
58A 可以擺兆康站北，大把位泊，出市區繞經寶田總站。58M 維持擺良景總站，本身盈豐落車客改用何壽基站即 ...

你會唔會FF得太誇張...
區內客你真係完全唔理

你話山景IVE非繁有客
咁57M+66M而家做到咩樣

GD1570 發表於 2022-7-18 08:50
獻計無問題，但唔該唔好因為人哋反對就話人哋係「山頭主義」。
仲要人哋條線唔係無錢賺/廢線/慢線，就係 ...

閣下呢啲無助討論解決方法嘅回覆，不打算作太多回應
只係想重申，如果有足夠補償（留意，係足夠）都反對，呢啲就叫山頭主義

合唔合理呢把尺可以好闊，但多數人都心中有數