港鐵幾時先肯加密返星期六日班次？

Ricky403 發表於 2022-7-17 22:54
而家政府仲係宣稱清零
新增確診個案不斷上升
隨時可以禁堂食、在家辦公

我咪話舊年下半年連續幾個月都無本地個案，但龜都連續幾個月毫不作為，繼續客量跌幾 % 但班次減兩三成

gsrc0525 發表於 2022-7-17 21:03
理論上港鐵每一日每一個站乘客量數據，睇客量就知服務水平應該要點

如市民活動回復到疫情前水平，但港鐵 ...

龜鐵話咗畀你知第五波時間表可以將深夜班次提早到8點開始
仲可以東涌綫全日8分鐘一班，東鐵綫全日7分鐘一班
你唔係想呢啲情況喺而家出現下話

dannywong 發表於 2022-7-17 23:00
我咪話舊年下半年連續幾個月都無本地個案，但龜都連續幾個月毫不作為，繼續客量跌幾 % 但班次減兩三成

...

嗰時屯馬綫啱啱先通車喎ching
之後夜晚西行嚴重爆滿尖東柯士甸返歸新界牛哀鴻遍野啲時段都大手加4架車落去行啦

啦有樣野就值得探討
西鐵綫喺2020年中尾好似非繁開過6.5分鐘一班
點解屯馬綫唔做番呢個班次呢
莫非紅磡以東拖低咗條線平均使用率累全家？

dannywong 發表於 2022-7-17 22:55
屯馬綫都要全日 5.0 分鐘至收貨

如果換得返班次係 5 分鐘以內，無 next train  又有乜所謂？

九鐵都無開到5分鐘以內
6分鐘或以內都要收貨㗎啦

不過龜鐵喺市郊線開疏車早有往績
屯馬綫、東鐵綫所謂疏都係同前朝比較下嘅結果
同東涌綫比咪一啲都唔疏

又咁講，疏車呢家野可以好無上限
甚至台北捷運紅藍綠三線玩過全日9-10分鐘一班嘅疫情時間表...畀張時間表叫你就住等就算
究竟台北呢種做法係先進抑或落後，都有排拗啦

Ricky403 發表於 2022-7-17 23:00
龜鐵話咗畀你知第五波時間表可以將深夜班次提早到8點開始
仲可以東涌綫全日8分鐘一班，東鐵綫全日7分鐘一 ...

東涌線非繁8分鐘一班算好，以前開咗欣澳南昌站之後有幾年係非繁開10分鐘，只係印象中疫情初期星期六日晚9點後開過12分鐘一班

班次最過份就前九鐵非繁同星期六日，埋市區三線星期日紅日夜晚，星期日紅日出街食飯嘅人我覺得一定唔比星期五六少，尤其香港好多無飯家庭，紅日工人放假夜晚餐飯要出街解決，再加埋親戚朋友啲飯局，觀荃線有乜理由班次比五六疏成一半？

Ricky403 發表於 2022-7-17 23:16
九鐵都無開到5分鐘以內
6分鐘或以內都要收貨㗎啦

馬鞍山綫不嬲開緊 5 分鐘一班，係疫情後先大倒退咋
兩條線合併就緊係班次向較密一方睇齊，繁時跟西鐵綫，非繁跟馬鞍山綫，令擠逼程度唔會大增（始終未加到班但客量多咗），等車時間亦唔會長過以前

dannywong 發表於 2022-7-17 23:59
馬鞍山綫不嬲開緊 5 分鐘一班，係疫情後先大倒退咋
兩條線合併就緊係班次向較密一方睇齊，繁時跟西鐵綫， ...

九鐵時期馬鐵係5.5分鐘一班，西鐵就5.9或6.7分鐘一班
去到合併嗰陣就始終都係4轉8問題，馬鐵開5.5分鐘一班嗰時係用4卡車，延長做屯馬綫一期無耐已經減落7.7分鐘一班
掉番轉西鐵綫曾經有段短時間開過6.5分鐘一班
所以咪話，係咪紅磡以東拖低咗平均使用率咋

屯馬綫繁時嘅客量真係好唔平均，3.5分鐘對紅磡以東係ok嘅，但西行喺尖東已經要留後，反而荃灣西係落勁多人，結果少少鬆動入大西北。喺洪水橋同屯門南開之前，其實係有需要開荃灣西止步車。

gsrc0525 發表於 2022-7-17 23:33
東涌線非繁8分鐘一班算好，以前開咗欣澳南昌站之後有幾年係非繁開10分鐘，只係印象中疫情初期星期六日晚9 ...

當龜鐵喺第五波可以玩到將深夜班次時段提早至8點開始嗰陣，仲可以有乜期望呀
向TCU嫌等車耐，運署只係會叫你考慮搭有ETA預時間嘅巴士咋

老實講就算龜鐵痴線到用第五波時間表再開加班車你都係無佢符
四月尾已經領教過，東涌綫兩繁繼續8分鐘一班，上繁南昌下繁奧運大量留後，呢啲就真係惡頂啦

AVBWU291 發表於 2022-7-18 10:44
屯馬綫繁時嘅客量真係好唔平均，3.5分鐘對紅磡以東係ok嘅，但西行喺尖東已經要留後，反而荃灣西係落勁多人 ...

要準備啲子彈車喺六點尾至少加多班尖東起載返屯門就真
美孚其實多人返大西北但上唔到車，因為車上面嘅人要搭多個站去荃灣西先落車
不過問題係西行尖東起係啱啱好隔3.5分鐘就夠載，但屯馬綫西行去到紅磡班次已經亂，又成日遲到越遲越多