未找數的一堆RPP－屯元篇

SLsTuDiO 發表於 2022-7-30 01:40
依家d人識睇ETA, 架車差唔多仲有5分鐘先到 d人先會慢慢開始出現
唔顧ETA個班晨早就走曬去鐵

就係識睇 ETA
先至唔會見明知要等 20 分鐘先有車仲慢慢呆等至 5 分鐘先行去巴士站

作為打公仔
夠鐘放得工
好理想咁以為仲未有車到
晌公司坐陣先慢慢落去
最尾俾人突然留住唔走得
諗諗下好似有嘢未做執下手尾
睇多兩個網頁覆下 social media 結果 miss 咗架車等屢見不少

呢種無非就係典型偷果 10 分 8 分鐘去所謂拉近「巴士車程」同「鐵路行程」的差距，製造巴士和非巴士的時間相差無幾的現象，也就是那堆癡紅比試最鍾意用的技倆。

放工唔諗即走，計時用走果刻計
放工 hea 住等夠鐘先落樓，自然就甩走咗中間段空檔時間
至於搭鐵揀車廂，尤以返屋企返公司咁，我相信搭過幾次都會識得邊個位係最方便，自然就會晌等車時走定位，唔對正又或者明知難上咪都會搵前後一兩棟門嚟上，最多只用多十秒八秒，之但係有啲留言就專用極端式走線去出閘，因而把上落時間加長來製造上上落落好耐的假象，特別係對於轉線路線較長的香港站、美孚站、尖東同鰂魚涌站屢見不少。

cky 發表於 2022-7-30 03:05
就係識睇 ETA
先至唔會見明知要等 20 分鐘先有車仲慢慢呆等至 5 分鐘先行去巴士站

大西北交通模式唔係市區咁單一，我唔覺得巴士要等，會令到巴士一定輸，因為輕鐵接駁都要等，等完仲要兜，另計站站停。

特別留意，輕鐵同市區重鐵服務水平無得比，屯門輕鐵成日 7-8 分鐘先有一班，疏起上黎 10 分鐘一班以外都有，入到元朗 / 天水圍，輕鐵時間一樣難就，繁忙時間 K76 打蛇餅都搞 15 分鐘。依家班客都已經開住 Next Train / 港鐵巴士 ETA 就時間上車，既然係咁，點解唔直接等巴士。

如果你比較元朗站 / 朗屏站 / 天水圍站附近一帶，往來屯門站 / 兆康站附近，當然重鐵無得輸，所謂「快啲」亦好似你咁講的確分別不大，等車時間已經抵消優勢，亦解釋點解 K1X 同 K2X，以至近年 E36A 都唔會做得起。

然而，遠離鐵路站地區，搭巴士一定比鐵快好多，而大西北有好多呢類型通勤組合，只差在需求到底有幾大。除左上午繁忙時間，元朗公路行車一直穩定地暢順，特快巴士係一定有得做。

cky 發表於 2022-7-30 03:05
就係識睇 ETA
先至唔會見明知要等 20 分鐘先有車仲慢慢呆等至 5 分鐘先行去巴士站

我同意樓上講既 又正如好似你咁講 有人鐘意用極端行法去製做假像
但輕鐵既班次唔同重鐵, 住近市中心 西鐵站既當然鐵好方便 但住遠多少少既就係另一個講法
我以自己為例 由尖東站返洪水橋站咁 兩種搭法
1) 西鐵 - 輕鐵751
2) 260X - 68A

西鐵係就係好快有車 但轉751個程 就好多時夾唔岩時間 經常性走車 講緊西鐵落車位已經係最近落輕鐵站個條扶手最尾一個車卡
有時都唔知係唔好彩定乜 佢係好似想夾到可以等你轉車咁 但往往d人跑到落月台 架輕鐵就閂門走人 705/706咁密就另計
但751好多時都等成8-10分鐘以上先再有下一架 住足咁多年一路都係咁惡等

等埋等埋既時間 架輕鐵返到洪天路既時候 巴士都係差唔多時間到站 咁點解唔揀架舒服d既返屋企?

市區重鐵可以夾得咁好 因為班次好密 有d站轉車行過對面就係5分鐘內都必定上到自己要轉個條線

KM8453 發表於 2022-7-30 04:13
大西北交通模式唔係市區咁單一，我唔覺得巴士要等，會令到巴士一定輸，因為輕鐵接駁都要等，等完仲要兜， ...

我或者補充少少：

當青公紅VAN都仲可以維持到來往屯門及元朗，繁忙時間康樂路總站仲可以大排長龍嘅時候，
其實條鐵又真係唔係無敵的。
唔好忘記，紅VAN係咁多種載客量較高嘅交通工具入面最貴嘅一員啵！

大家同樣由元朗廣場起步，A36可以9分鐘到紅橋嘅時候，行去搭嘅屯馬綫應該只到天水圍站，
610就正路只到洪水橋。
其實屯馬綫又係咪真係咁有優勢呢？

當然啦，都要睇吓去邊嘅...又唔可以一概而論。

cky 發表於 2022-7-30 03:05
就係識睇 ETA
先至唔會見明知要等 20 分鐘先有車仲慢慢呆等至 5 分鐘先行去巴士站

輕鐵西鐵個問題係最極端情況要轉兩次車。
又真係幾費時失事，所以屯門去天北招標線個人認為值得做，都應該唔愁冇客。

但調番轉睇要靠區外線去做呢類接駁本身就唔理想。
初時都有人幻想E36A係另一條269D，但事實唔太受歡迎就係受班次同路線性質影響。
人地269D直頭成條761P倒模咁行，食晒元天所有最靚嘅位，但Drawback就係天水圍兜元朗去沙田甚至城隧轉車吸引力下降，屯馬一開就跌客。
但E36A定E37C都唔可能為左呢班區屯天客去特登改走線，所以倒不如獨立成線。
既然咁多版友講到屯門特快大馬路咁吸引，咪比下壓力運吉開條屯元特快囉，分分鐘仲可以促進埋N年前青公兩線做晒嘅輕鐵重組，真分工。

12Lane 發表於 2022-7-30 11:06
輕鐵西鐵個問題係最極端情況要轉兩次車。
又真係幾費時失事，所以屯門去天北招標線個人認為值得做，都應 ...

屯元其實直接攞50M延長做已經得 加返雙向分段
順手615 614P取消 615P 614加密班次 終止P線同冇P聯合到站班次多年亂局
亦都比54區有得直達元朗

GD1570 發表於 2022-7-30 08:16
我或者補充少少：

當青公紅VAN都仲可以維持到來往屯門及元朗，繁忙時間康樂路總站仲可以大排長龍嘅時候 ...

「大家同樣由元朗廣場起步，A36可以9分鐘到紅橋嘅時候，行去搭嘅屯馬綫應該只到天水圍站，
610就正路只到洪水橋。」

我就唔質疑元朗廣場至紅橋只需 9 分鐘

但正正咪就又係典型巴士比鐵路的方法

巴士呢，一埋站就即有車上到，所以只計車程
鐵路呢，就要計埋行去車站，上埋橋，入埋朗屏站，等埋車，9分鐘就先去到天水圍。

A36 用番現時時間表
入大嶼山最密就係 15 至 20 分鐘
一係 30 分鐘，一係 60 分鐘

喂我去到巴士站原來下一班仲有 20 分鐘先到 (唔拎一個鐘一班嚟講)
我為咗 9 分鐘果直通快感就企晌個站食 20 分鐘塵？

行去朗屏站 9 分鐘到天水圍，咁去兆康大約 13 分鐘，去埋屯門 16 分鐘，咁轉埋 K51 咪俾盡同架 A36 打和，最重要係我唔駛用 18.9 去坐呢程車

全輕鐵 614 等唔到，咪兆康博有 P 車囉，再唔係最頂盡都係 18 分鐘一班，巴士輕鐵送車尾咁等輕鐵仲有少少 so 添，又係一程車。

he_01 發表於 2022-7-30 11:26
屯元其實直接攞50M延長做已經得 加返雙向分段
順手615 614P取消 615P 614加密班次 終止P線同冇P聯合到站 ...

614P 615P 交換行已經唔容許你只係取消一條嘅做法
仲有麒麟站的問題，係咪將 505 定 615P 改成由青松跟 615 先出兆康，改用 6 號月台去補番麒麟 2 台，而補償 614P 冇咗而令麒麟站冇咗一邊服務？

cky 發表於 2022-7-31 03:09
614P 615P 交換行已經唔容許你只係取消一條嘅做法
仲有麒麟站的問題，係咪將 505 定 615P 改成由青松跟 61 ...

如果波口轉入去6號月台冇問題咪用囉 不過咁多年嚟好似都冇試過長期由屯門醫院個邊轉入6台
不過就算轉唔到 最多咪叫啲客麒麟1台-兆康-青松 都係搭多個站姐
問題點都細過614P冇能力係兆康自己做總站

cky 發表於 2022-7-31 03:09
614P 615P 交換行已經唔容許你只係取消一條嘅做法
仲有麒麟站的問題，係咪將 505 定 615P 改成由青松跟 61 ...

麒麟站好一段時間都無南行服務，只係後來西鐵通車加返 615P 先有車，建議只係還原 03 年前現狀，以配合西鐵（屯馬線）長遠無能力再做短途客嘅事實。如果因為一個站，顧此失彼，因噎廢食，其實唔理想。