日後東鐵線可能會全日去落馬洲？（因為羅湖口岸重建）

之前有post討論過，東鐵線計劃北延，配合羅湖口岸重建——
https://www.hkitalk.net/HKiTalk2 ... wthread&tid=2142053
睇返啲新聞報道先知，真係打算將成個羅湖口岸區域（包括深圳火車站）全部重建。
而且會預留位置俾東鐵integrate入深圳火車站。
咁即係話，港深恢復正常通關後，東鐵線會有一段時間無法通往羅湖（因為口岸重建）
也意味著到時大部分東鐵線班次以落馬洲為終點站，夾上水短棍......
大家怎樣看？

羅湖南站呢

之前唔叫全日？

現時的羅湖站又唔係拆﹐點會全日無車。

真係正常通關﹐落馬洲亦食唔晒所有過境客。

正路就係東鐵一切照舊﹐大家做完港方出境手續﹐就自己行過橋。
只不過﹐過完橋可能要行好遠才去到臨時入境大堂。

例如﹐佢先拆羅湖商業城﹐先做一個臨時出入境大堂/大樓﹐提供到一條安全的行人通道(包括符合保安要求)﹐佢就可以拆現時的出入境大樓。

這個時間﹐足夠同香港慢慢研究係唔係做一地兩檢﹐將東鐵拉過河。
真係拉埋東鐵過河做一地兩檢﹐車站就係大陸主導﹐香港唔駛煩﹐淨係適當時間去處理訊號系統及列車運作的設備。

就算最後攪唔到一地兩檢﹐唔拉東鐵過河。
深圳才重建新過境大樓﹐重整深圳站﹐完全配合到。

人地重建關自己個羅湖站咩事？

eternalflame 發表於 2022-8-6 10:28
人地重建關自己個羅湖站咩事？

可以拆咗佢起樓，第時新站喺北岸，起個出口返河南岸有MTR Mall同豪宅。

巴士的膠 發表於 2022-8-6 11:34
可以拆咗佢起樓，第時新站喺北岸，起個出口返河南岸有MTR Mall同豪宅。

咁就要修例減少邊境禁區 (到時仲有冇邊境?)

kei_hk 發表於 2022-8-5 22:31
現時的羅湖站又唔係拆﹐點會全日無車。

真係正常通關﹐落馬洲亦食唔晒所有過境客。

有道理。但我估臨時口岸會由現有口岸大樓旁邊的交通樓改建。因為棟樓更加就近，而且而家幾乎係吉嘅（交通樞紐功能基本被羅湖商業城下方的羅湖客運站+地鐵取代，再加兩年疫情）

而最近又看到一條：皇崗口岸預計今年年底重建完成，
會變成純客運口岸，實施一地兩檢，並且會預留港鐵（北環線）延伸入關條件。
就睇下北環線正式起嘅時候，會不會直接搞埋插入皇崗一段（預計走線：古洞——河套——皇崗）

若東鐵新羅湖站integrate入深圳火車站，拆除舊羅湖東鐵站。
羅湖貨場現址大直路便可新建沙嶺站(上水北站)，以配合東北發展。

本身就算而家無得通關，都仲有開羅湖-上水穿梭列車畀羅湖村居民搭，另外春秋二祭時都會開放羅湖站畀拜山人士去沙嶺墳場掃墓，就算羅湖口岸封咗，都要做返呢班人吧？