呢一個月每逢平日都搭 265M 出入，上繁其實就穩定（地疏），8 點前大約 5 分班，一過就收落 15。有時頂閘，有時淨係企到黃線。
反而下繁就奇。欖隧起載好似唔係成日都有，但有得嘅，時間都差唔多。然後荃灣起載又係唔係日日有。
最勁嘅係，走咗一班成 10 分鐘冇車，跟住就兩三拖。但其他荃葵線都唔會咁。其實會唔會係聯接街塞車...
|
|
|
灌水無罪 腦霧有理
|
|
|
|
|
|
960 可能無左班銅鑼灣轉車客，同時 961 又開加班車，都可能分薄左 960 客量。
假如每班少幾個，本身 960 都會有啲班次坐唔滿，自然畫面更差。
960 與 265M 關係，我偏向審慎，但我都想有個答案，最近 265B/M 難兄難弟又故態復萌，實在太離譜，所以先不吐不快。
|
|
|
|
|
|
|
|
|
本帖最後由 KM8453 於 2022-9-28 19:02 編輯
265M 就係一盤爛帳：無人管，無人理。一方面搞到中巴服務咁，日日新鮮日日金；另一個可能係大家求其交功課，有乜就交乜，塞住我地把口就算。
1. 上繁
上繁 7-8 時段，5 分鐘一班多數會開足，問題多數出於部車，由直梯去到 E400 年代，我都試過，只要亂派低載，班 265M 就注定飛站。
8 點之後，時間表就每日唔同：6@ 見過，12@ 見過，15@ 咁癲就唔肯定有無。不過就算佢開足 8 分鐘一班，每次見到都係天恆邨坐滿樓上窗口同下層全部座位（大約 50 人起跳），逸潭樓上 20 個，欣富閣又上 10 幾 - 20 個，加埋天悅 / 天晴，可想而知一定唔夠載。
2. 下繁
至於下繁，深有同感！
隧道口特車，懷疑九巴已經編好時間表，固定時間開出。試過係九巴 app 禁 265M，通告，乘車資訊，發現鬼鬼祟祟有資料，特車係開 1825、1845、1920。然而，紅色公司好似唔想俾大家知道有車開咁，同等 268C 定富街特車，擺係同樣位置，係載入左TD 表列班次。
另外，最近先出現嘅 AAU 特車，同樣係唔知幾時出現，睇 Across 行蹤，又唔覺得佢係 1825、1845 同 1920（呢班話係 268B 柯打，更無可能係單層打仗），但係啲單層特又似乎出到客，見到啲 FB 突發相，次次都係幾十人排隊等上車。
至於荃灣（眾安街）特車，更加係一個謎。由我自身經歷，各路版友包括師兄經驗，同埋 HJ 版友，暫時試過 1745、1805、1825、1900 有特車開，但係又唔係日日有，就算日日有，都唔係日日同一時間出車。
所以，我一直強調一個做法：常規化特別班次，起碼俾乘客有個預算，知道幾時上車，平衡 265M 各班次載客率。舉例，我知道你 1805 眾安街有車開，我唔會逼上正班；隧道口班乘客，知道幾點有吉車，可以自己就時間，甚至調整幾時上市區車，減少幾班車痴埋一碟，頭重腳輕。
不過呢，紅色公司同 TD 就兩隻鴕鳥企係度，講左半年，唔做。假如唔開特車，結果非常清晰，就係荃灣尾站大留後，隧道口靠落客後漏啲位再逼上車。咁既然都系要開特車，點解唔可以清清楚楚？59M 早繁十幾二十班特車落曬表，點解 265M 下繁唔肯加？
3. 排隊位
然而，要「讚」紅色公司最近做左一樣嘢。
或者佢地自己都知道 265M 多人搭，多人排隊，於是逸潭樓啱啱重新畫排隊線：265M 同 276A 調位，然後 265M 條排隊線仲畫到十幾米，地下沿路寫住 265M，一路去到站尾。
不過呢，265M，一班都唔加落表；特車，一班都唔常規；69C，回程繼續 20 分鐘一班。簡而言之，四個字：自欺欺人。 |
-
|
|
|
|
|
|
|
|
九巴咪成日話唔夠人嘅隨時調咗去961 276C
我反而擔心若干年後B1開返佢邊度籌到咁多人
定係直接開而家嘅線刀
|
|
|
265B 22年不變
|
|
|
|
|
|
本帖最後由 KM8453 於 2022-9-29 00:27 編輯
唔夠人，嘻嘻嘻，所以可以加 276C 班，比 269X 服務更好。
所以甚麼「唔夠人」「唔夠車」，說穿了只是 hea 做藉口。
一日半日唔夠人，唔夠車，其實我地明白的。所以我地好日都唔蒲頭唔出聲鬧。從各位版友寶貴分享，我地知道巴士公司經營難處，絕對會體諒巴士公司同部門，特別知道 265M 下繁一個鐘係有 commit 額外資源。
但係，曇花一現以外，你連續一個星期，每日都習慣手勢收車，仲要專揀順向時段。然後，隔離區開齊有突，一堆堆個位數，一堆堆 12.8 坐一半眼前飛過，各條線載客量，企係巴士站前有圖有真相，如何叫我們收手呢。
請紅色公司加油吧，我好多時候都想幫襯，只係幫唔落。譬如我依家就係尖沙咀，一諗到 269B 唔經天北，要靠部唔知想點嘅 265M，即刻轉身落地底啦。假如係銅鑼灣，邊度會有呢個問題，毫無懸念怡和街直接 967X 見，bravo。
|
|
|
|
|
|
|
|
|
|
天北嘅現況係每個地方嘅人只buy佢到直出嘅線，唔buy要兜多D嘅線。天北屋苑最buy天華路直出嘅265M，如果有濕地直出嘅線都會接受；嘉湖北就只buy由天祥路直出嘅線。問題係根據天水圍道路網，如果線路條數無上限，每個屋苑都安排最快直出，咁天北屋苑各自由天影路、濕地、天華路直出後，剩翻嘉湖北係由天祥路直出最快，行天祥路直出嘅線只做嘉湖北，客量基礎遠低過行其它同直出嘅線。在呢個局面之下，應該天北直出嘅線派大車，嘉湖直出嘅線派細車，先符合客流基礎。現實中天北直出嘅265M因對面總站問題派唔到大車，其實可以考慮同嘉湖北直出嘅線交換對面總站。 |
|
|
|
|
|
|
|
|
天空之神 發表於 2022-9-30 04:54
http://m.facebook.com/groups/1449890572198575 人地 948 都有專業幾時到 265M ?
嘻嘻，師兄，FB 專頁就未有，不過 265M 呢兩日仲爭氣過 948，紅色公司不如唔好叫「九巴」，叫「醜巴」啦。
琴日下繁七點鐘，派部 E400（RT9558）出街做生意，隔離 269P 派部 E6M (WU3237) 載 20 人；68M 更犀利，一部 12.8 米 (WU5714, E6X102) 同樣載 20 人入元朗。
醜巴服務，日日進步！
|
|
|
|
|
|
|
|
|
本帖最後由 KM8453 於 2022-10-14 13:31 編輯
順便推多個 post，點解叫醜巴？
因為唔只琴晚派 E400，前日同一班車都係派 E400 (RT2516)，連續兩日都係派 E400。
第一日派 E400 已經頂閘瘋狂留後，第二日繼續派落去。做車務嘅，幫公司咁樣倒米，係咪醜巴  。
31M 有梨貝街，唔知 265M 有乜街呢？曲街？係咪呢。何必又要再搞天水圍北乘客呢？
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
