工會促重啟九龍東單軌鐵路

工會促重啟九龍東單軌鐵路

【本報訊】討論11年的九龍東單軌鐵路項目，被上屆政府指項目不可行而煞停。有工會舉行記者會，促請政府重啟連接觀塘的啟德單軌項目，認為項目可增加區內交通運輸，並協助發展啟德園區。議員鄧家彪相信，以觀塘區的人流可支撐起單軌鐵路的營運，不會出現營運問題。

指觀塘人流可支撐營運

時任發展局局長黃偉綸在煞停項目時，曾解釋指單軌鐵路營運成本高昂，加上預期可載客量與巴士線及專線小巴的一天載客量接近。對此，鄧表示不同意，指觀塘區的人口密度在香港數一數二，有足夠的人流乘搭，不會出現營運問題。

鄧又指出，由於郵輪碼頭經常舉辦大型活動，人流起伏非常大，以現時小巴公司的營運情況，政府難以要求公司預留人手和班次，去應付可能出現的需求。因此，要解決啟德園區交通配套問題有賴建設單軌。

啟德郵輪碼頭董事總經理班智榮亦支持興建單軌項目，相信可方便市民和旅客進出啟德園區，參觀展覽和光顧園區內的餐廳。同時，亦可紓緩交通擠塞的情況。觀塘區議員簡銘東則指出，未來該區將有大量房屋落成，人口大幅上升，九龍東的交通狀況會進一步惡化，因此需要連接啟德站的單軌列車，以分導人流。

=================================================================

真係希望新政府班子可以重新考慮起番呢個單軌鐵路。

2045年可能起好

工聯會個朵太臭？淨係叫佢做工會。

以觀塘區/啟德嘅居住人口+通勤人口嚟計，單軌客量係絕對足夠，甚至可以話係有凸，重可以起埋觀景作用添，夜晚搭單軌睇維港應該幾過癮。

但係單軌計劃始終要面對十幾年前就已經討論緊嘅觀塘避風塘問題，
一係就起橋，但係會令一部分船入唔到去，
一係就掘隧道，但係會令興建成本顯著上升，
一係就填咗成個避風塘，但會產生一大堆問題。

BTW，其實我覺得就算唔填曬成個觀塘避風塘，兒童醫院到明渠，沿住舊跑道嘅海域都應該填咗佢。一來嗰道就只係一潭死水，對避風塘影響較低，二來可以喺市區增加大約30公頃嘅土地。

重有以工會一詞嚟形容工聯會係幾諷刺。

【網絡熱話】九大發展商為拯救啟德跑道區自組公司 網民表示政府去咗邊度？

投得跑道區地皮的九家發展商包括華懋集團、中國海外、帝國集團、遠東發展、恒基、嘉華國際、新世界發展、新地及會德豐，聯手成立非牟利私營公司「啟德跑道區私人發展有限公司」，作為《起動九龍東》的一部分，公司將通過公私營協作模式主動與不同持份者和政府部門配合及協商，並將跑道區地皮命名為Park Peninsula，務求提升區內形象，令區內集休閒娛樂、體育、酒店旅遊、商業及住宅於一身。

資料顯示，Park Peninsula環抱約45萬平方米的綠化及休憩地帶，面積較維多利亞公園大2.3倍，而且鄰近約2.4公里長的啟德河，同時連接約11公里長的海濱長廊及約13公里長的行人及單車共融通道，串連觀塘避風塘及鄰近地區。

值得留意的是， Park Peninsula設有環保連接系統，擬建設自動行人輸送帶的高架行人步道及跨海行人及單車橋，將連接觀塘及九龍灣兩個地區，並提供一系列的巴士及專線小巴等設施。此外，跑道公園碼頭亦擬籌備成為水上的士上落點，連接中環、西九、尖東、紅磡與啟德。

=================================================

都估唔到工會點解會為地產發展商發聲。



其實單軌走線要用開源道係無乜可能。應該考慮使用敬業道，走水渠上空入觀塘道。然後將觀塘尾站設在福塘道巴士站上蓋。

fukuhoku817 發表於 2022-8-19 06:18
以觀塘區/啟德嘅居住人口+通勤人口嚟計，單軌客量係絕對足夠，甚至可以話係有凸，重可以起埋觀景作用添，夜 ...

除左 "過河" 問題﹐仲有觀塘區內走線﹐點都會有橋墩阻礙路面﹐令路面收窄﹐令交通流量下跌。
另外﹐仲有路面通風問題。

加埋 "過河" 問題﹐所以之前政苦就話技術上不可行。


但係﹐cut走 "過河" 去觀塘﹐情況又唔同晒。
不過客量就一定無預期般理想﹐分流唔到觀塘區內的人流。


如果真係重新構思研究﹐就唔好再想單軌列車﹐成本太高。
真係考慮新一代的超低地台電車﹐成本點都低一點﹐對整個項目來講都有好處。

但之前唔係話唔起輕軌
都會有行人天橋過避風塘咩

其實承豐道搞掂晒
到時可以一條直路去啟德站
推晒D人去啟德站算
係睇沐安街會唔會因為咁飽和

渣車個班輕軌巴士小巴鐵路都唔會搭

fukuhoku817 發表於 2022-8-19 06:18
以觀塘區/啟德嘅居住人口+通勤人口嚟計，單軌客量係絕對足夠，甚至可以話係有凸，重可以起埋觀景作用添，夜 ...

同埋開源道嘅流量同闊度
都好難起到架空而又同時兼顧到流量同消防安全

未起啟德空中花園都話
而家承豐道上面起咗空中花園，條單軌仲可以點搞？空中花園結構負唔負荷到單軌同車站？唔得嘅話拆咗佢再起定行第二度？同埋空中花園頭尾係環形橋，點睇單軌都用唔到，係咪又要拆？

起吊車算數啦，纜塔跨度可以整到好大，減少佔用路面空間；爬升越過避風塘路段問題亦容易解決，甚至可以延長上秀茂坪半山