政府籲長者搭短途車 孫玉菡：用緊公共資源、料大多願配合

kei_hk 發表於 2022-8-25 17:03
正解

一定有人睇錢份上﹐區內出行就用番區內線﹐使用者可以支出少D﹐政府又可支出少D。

用呢D多餘支出擺返喺醫療仲好啦
所以改呢個政策是不為也，非不能也
一個字, 懶!

WR309 發表於 2022-8-25 16:44
2021/22：14.18億
2022/23：預計60.39億（因降低咗門檻去60歲）
立法會文件預測去到2031年, 開支最少去到 ...

呢幾年洗突咗嘅無謂開支點止60億，60億全數用於香港公共交通，間接都促進消費。其他開支大把60億唔知用咗去邊

Happypig375 發表於 2022-8-25 16:51
民生支出要減少，騰出財源畀大陸割韭菜囉

大陸經濟下行，無錢喇

泵水上去一個月都唔止60億，香港市民得個吉

TPCYP 發表於 2022-8-25 17:02
好簡單,
制定政策嗰啲有幾可搭公共交通工具，有幾可好似我哋普通人咁點諗點搭平車。唔用腦嘅求其UP個看 ...

對於交通營運商黎講$2肯定係利多於弊,靠佢地出聲嘈係不切實際既諗法黎

其實而家先黎搞我覺得太遲, 政府見到呢個問題但只係呼籲根本無作為
最好係即刻研究點樣減少浪費既情況出現 (二五折係好多人提出過既其中一個可行方案)

而家D平車減到咁, 就算後生都開始對坐平車抗拒越來越大走去坐埋過海巴
某程度上係惡性循環黎

其實好多年前推呢個計劃果陣已經預見到有呢個問題,
不過有班人話要答謝呢班老人家, 有理無理搞左先唔諗下背後會導致浪費資源既問題
又講到反對兩蚊既人係同老人家對立

而家搞到咁, 呢班人有無出過一句聲?

呢六十億, 就幾乎等於每個人可以拎多一千蚊消費卷

咁樣畀交營辦商洗錢係好離譜

brianso198 發表於 2022-8-25 18:23
對於交通營運商黎講$2肯定係利多於弊,靠佢地出聲嘈係不切實際既諗法黎

其實而家先黎搞我覺得太遲, 政府見 ...

嘈嗰班人個概念錯左, 以為我哋反計劃, 唔俾老人家享用優惠。我哋講緊個補貼用得不其所，但佢哋正正無諗到用多幾多公帑去補貼公共交通營辦商。
你講得啱，而家就係惡性循環緊，區內線狂CUT。本身紅巴又推大量長途線區內分段。老人家上完車嘟完$2, 佢鬼會落車同你再去部機嘟tap out咩。而家撥亂反正係相當有難度。再加上營辦商更加唔會同你出聲效率問題，自己有錢袋落袋，長途線耐左咪加時減班囉！加上政府少做少錯嘅做事方式...
無架喇，繼續用資源養營辦商囉

TPCYP 發表於 2022-8-25 18:36
嘈嗰班人個概念錯左, 以為我哋反計劃, 唔俾老人家享用優惠。我哋講緊個補貼用得不其所，但佢哋正正無諗到 ...

而家個問題已經去到連後生畀全費果班都出現緊呢個情況
你問我, 我係咪唔想支持平車?唔係

但架平車永遠都唔出現, 又趕時間既話點解見車岩地方唔上?

有D野已經唔係平貴問題
而係平車服務已經cut到一個非可接受水平既時候

要將佢執返正既話唔通又叫巴士公司補貼返?
加返平車會唔會令平車多返客?

唔會囉

兩個字

要解決，只有兩個字，加價

cfshk2008 發表於 2022-8-25 18:56
要解決，只有兩個字，加價

樓上講左唔係平貴問題
當佢 2 蚊加到 4 蚊都係一樣

其實當年 $2車由有閘機嘅港鐵推展到無雙向分段嘅巴士，我都已經喺度出聲話肯定會造成浪費。
（長者得益短途車-$2嘅差額一兩蚊，政府補貼長途車-$2嘅差額可能十蚊八蚊）

我諗依家轉用樂悠卡係一個好開始，起碼實名制追蹤到每人嘅花費先。

轉晒樂悠卡之後下一步就可以限制每一張卡嘅補貼額，例如話每星期 限 $100，過咗就無補貼得返本身嘅長者優惠。
如果想畀啲甜頭就頭 $50 直情免費，之後就收 $2 一程。

惟有係咁啲長者先至會同你慳住使，政府又有數圍（每張卡每年 max 補貼 $5,200）。