城巴56延長路線計劃暫時擱置

JF1261 發表於 2022-9-13 08:37
政府帶頭炒公屋啫
租置好話唔好聽係無啦啦送左2球比公屋租戶
根本起馬好似而家綠置咁賣返市價4x % 先合埋 ...

其實理論上單靠公屋就炒唔起，只係話，佢個波動上會受私樓個價值影響。

好似而家咁賣到上去四成幾樓價，如果我做一個公屋戶根本冇好強嘅意慾去買番自己個公屋

da93 發表於 2022-9-13 02:21
真係佳績就唔會攪到而家又業權問題，天價維修，立案法團越揭越多臭史啦
...

房委會甩難

nwfb1001 發表於 2022-9-13 14:48
房委會甩難

咁要深究其原因的話，導致問題嘅元素仍有好多嘅

da93 發表於 2022-9-13 13:08
既然做唔到真正競爭，你同我講有咩供求都係假，因為你冇可能完全交由市場決定。

所以，諗咁多都係假。

供求先係最基本，無需求講經咩，仲講咩競爭
唔通下白泥又要開條過海線招標競爭下

ccchhhuuunnn 發表於 2022-9-13 16:01
供求先係最基本，無需求講經咩，仲講咩競爭
唔通下白泥又要開條過海線招標競爭下 ...

係針冇兩頭利，覺得完全自由競爭行唔通嘅，自然會干預，干預得嘅市場，無疑晌供求管理上亦會受影響。

所以就係講，除非你話要完全推翻現行制度，先有得講你所講嘅公平競爭

JF1261 發表於 2022-9-13 08:37
政府帶頭炒公屋啫
租置好話唔好聽係無啦啦送左2球比公屋租戶
根本起馬好似而家綠置咁賣返市價4x % 先合埋 ...

其實調轉諗，就算而家租置屋邨，原租戶都係用市價一折買番原有單位，當然晌而家按揭制度咁嚴格嘅情況下，無疑晌上車過程中，門檻係大大降低，而且自住嘅話亦避免左整體樓市波動嘅風險。（樓價越低，越容易達到按揭要求）

呢個我唔否定係租置計劃嘅好處，只不過當其他壞處開始浮現嘅時候，政府亦不得不調整成個策略。

尤其是晌成立領匯之後，一條屋邨分領匯，房署，業主三大業權持有人管理，令到好多屋邨管理上造成困難。

而公屋流轉量低，亦引伸出其他問題，邨內/社區人口老化，學位需求下降，醫療（所以為何71K會攪到不停車輪椅），邨內成長嘅新一代被逼遷離本邨以至本身住梗嘅區域。

就以皇后山為例，點解會有人話要求去大埔嘅車？風穴來風並非無因。

我記得我之前晌討論大埔過海車，與及274P聯署個post入去都講過一樣野，就係大埔本身社區發展有接近20年時間係幾乎處於停頓狀態，新住宅落成少，社區設施更新慢，公屋流轉量低。令到好多八九十後晌大埔成長嘅新一代，隨住佢地成家立室之後遷離大埔。當中唔少人選擇北區同沙田，從而帶動左連接呢d地方嘅交通需要。就北區黎講，皇后山亦有呢d例子。當然，一個社區有出必有入，問題係兩者差距有幾大。

我記得當時有好多人會認為富蝶入伙會有一番新氣象，但事實上富蝶可容納嘅人口唔係大，而同一時間富蝶以外嘅舊屋邨亦會繼續老化，此消彼長下作用有限，亦難以形成可持續發展嘅空間。以北區黎講，過往多年清河，翔龍圍以至而家皇后山帶來嘅社區活力，效果上比一個富蝶還要明顯，而且可持續性亦比大埔強。當然，放諸屯門元朗等更加，所以基本上巴士公司取向改變其實係可以預期。

至於城巴是否非衝出港島不可？客觀環境下其實佢可以選擇嘅空間並唔多。

呢樣野涉及嘅問題就更複雜，尤其是以港島作為一個政商中心嘅地方黎講，第一係港島由八十年代後發展接近停頓，即使九十年代再填海都好，但最具商業活動嘅地點無明顯擴張。

第二係人口減少，人口係會流動嘅，由商業中心所帶動嘅生活成本係其中一個考慮。

第三係商業活動，一來疫情重創旅遊業，依賴旅遊業推動嘅零售，酒店及飲食業自然收縮。二來企業能否仍有意慾以香港作為東方政經中心嘅角色，睇番差餉物業估價處嘅資料可以搵到端倪，以近三年數字黎講甲級寫字樓嘅空置率一直上升，而當中佢有細分核心商業區所佔嘅比重。而以近年趨勢去睇，徹資，移民，而一直依靠北水嘅股市亦繼續疲弱，儘管晌香港上市嘅資金總值仍然係全球第4，而晌近半年，中資需由美國退市嘅情況下，實質上為香港帶來嘅經濟效益唔會太大。而大陸經濟亦十分不明朗，能否好似早十年咁依靠北水帶旺仍然未知，畢竟美國係呢d中資企業嘅目的地，即使由美國退市，香港係佢安心立命嘅地方定係再換取時間做靚盤數符合美國證監嘅規定捲土重來，仍然係未知。但以近呢年黎講，企業遷冊新加坡，減弱香港嘅金融中心地位下，商業活動嘅不明朗，相比九巴，城巴嘅影響一定係較大，當然對內嘅仲有佢嘅營運手法。而鐵路擴張，營運手法差，係導致佢經營困難嘅其中因素，而非唯一。
你可以話大企業嘅管理層唔會用公共交通，對此我唔能夠反對的，但每間企業養嘅員工數目眾多，老細唔駛但下屬只不過係打工仔，對一d打工仔黎講唔同講法。

但一旦衝出港島，必然地係以插旗方式周圍做，只係講梗大嶼山，定係九龍半島至深圳河嘅分別，咁樣晌咁多間公司之間利益之下，一定會構成衝突。

所以我會話，就算角色調轉，由九巴做港島，可能今日佢都係選擇行同一條路，只不過佢未必與中巴一樣98年止步而已。

諗到再講。

da93 發表於 2022-9-13 20:07
其實調轉諗，就算而家租置屋邨，原租戶都係用市價一折買番原有單位，當然晌而家按揭制度咁嚴格嘅情況下， ...

所以我有提過唔好再玩招標，九龍新線比屎水，厹專心做新界新區線，係對各方都有好處

ccchhhuuunnn 發表於 2022-9-13 16:01
供求先係最基本，無需求講經咩，仲講咩競爭
唔通下白泥又要開條過海線招標競爭下 ...

以至，點解大陸有所謂規劃經濟？

規劃經濟下一樣有供求架，只不過係晌干預之下，供求數據被掌握而已。

例如，我一日限制你可以打幾耐機，晌網上嘅商業行為自然受到控制。

cruisesnet 發表於 2022-9-14 01:04
所以我有提過唔好再玩招標，九龍新線比屎水，厹專心做新界新區線，係對各方都有好處 ...

其實咁講，就算如你所言，一樣有爭拗，打個比喻話，點解城巴一定要做九龍線，調轉唔得咩？其實就永無結果嘅爭論黎。
而且，咁做亦間接承認左城巴有衝出港島嘅需要性。

始終點做都好，一去到利益所在時，公司之間一定會有矛盾。

由公司與公司之間，去到城市之間，去到國家之間都係。

而，如果唔招標，直接批一堆線俾城巴做的話，晌九巴角度，一來官方有偏袒之嫌，二來，官方亦間接釋出一個城巴有必要衝出港島嘅訊息。

對九巴而言，必然係今日割五城，明日割十城嘅意思。咁樣我做咁大間公司，將來應該點去投資？點樣去制訂未來策略？而如果可以咁做，嶼巴又會否入黎再割多d野？尤其是以載通作為上市公司黎講，點向股東交代？

但如果純粹以投標黎講，尚且可以理解為商業決定，城巴定九巴都好，覺得有利可圖就入標，政府黎講亦都唔需要將過多不必要嘅問題孭上身。