本帖最後由 ben2004 於 2022-9-8 15:53 編輯
798P, 798X 拆線個方向錯左, 將將軍澳站同調景嶺分拆冇好處
先唔講依家既客量係咪支持到拆線, 純粹講要點拆, 798 依家做緊調景嶺+將軍澳, 坑口, 寶林 3 個區, 如果將來要加資源拆兩條線做埋環保大道, 另一邊做埋大圍, 應該係一條環保大道, 寶林, 另一條做調景嶺, 將軍澳, 坑口, 前者經沙田站去火炭, 後者經沙田站去大圍, 有以下幾個好處 :
1) 調景嶺, 將軍澳, 坑口比起依家 798 唔使去寶林, 車程上一定快左, 坑口之後直上將隧慳到接近 10 分鐘, 有機會可以吸納返頭幾站嫌兜既客
2) 798 依家起調景嶺, 將軍澳既走線已經係最快方法做哂幾個大站, 用 798P, 798X 分拆將軍澳站, 798 另一個行法做調景行坑口寶林, 兩邊都見得會快好多
3) 環保大道 + 寶林可以做返寶林直出, 以依家 798 寶林客比例最多, 寶林直出將隧係有必要留返, 做寶林果條線亦都應該係去火炭果條而唔係大圍果條, 避免影響現有乘客, 環保大道一帶係新增服務, 依家班客本來就要搭 98 去觀塘轉車, 或者 797 去將隧轉 798, 一程過就算兜埋寶林相信都有一定吸引力
4) 環保大道同寶林之間本身交通唔算方便, 黨鐵要起將軍澳站轉回頭車唔使講啦, 綠小 115 貴到飛起, 798 起碼回程做到半邊分段平價, 而環保大道同坑口本身已經有綠小 113 同埋 298 系, 另一邊去調景嶺將軍澳已經有 793, 796X, 797M, 環保大道+寶林起碼都叫做新市場
不過咁拆都有以下問題:
1) 環保大道去寶林可以經寶康路, 靈康路, 寶順路行返原線, 只係停多一個唐明街燈位, 車程亦都唔算好耐, 但係回程寶林去環保大道要做返原線既話, 礙於道路設計問題, 最快只可以行坑口外圍, 計埋將來寶寧路迴旋處要停 3 個燈位, 冇左 skip 坑口既效果, 如果要解決呢個就要將寶林一帶走線同依家完全調轉, 環保大道去寶林跟綠小 115 行, 寶順路上將隧, 回程就跟 690 去寶林, 再跟綠小 115 去環保大道
2) 將 798 拆兩條線, 有d懷疑非繁夠唔夠客 support, 當非繁兩條都 20 分鐘一班, 都比依家非繁一條 15 分鐘用多左車, 而繁時更因為大老山塞車問題客量一路跌緊, 短期內呢個問題冇得解決
3) 拆線會少左車將隧直達寶林, 寶林去將轉搭 79 系既吸引力又細左
4) 康翠問題冇解決到
|
