討論額外加班調整班次的做法

由於今日一早要出觀塘, 所以琴日已經睇咗277E個時間表, 見到0600-0700都係開20分鐘一班, 咁粗略計過時間就諗住搭0620係天平開個班, 就應該可以係預定時間左右去到觀塘啦
點知落到樓企到過咗0620都唔見有車, 原來今朝賣大包開15分鐘一班, 變咗0615開咗一班, 然後再下一班係開0630...其實都唔係第一次遇到依個情況, 以前試過睇住299X嘅時間表約人入西貢, 點知又係臨時加班, 郁過晒d開車時間...失晒預算


本身加班車係今時今日嘅服務質素真係要謝主隆恩, 好似d版友咁講, 唔收車已經要偷笑, 但另一方面諗, 本身預咗果個時間有車就會變咗無車

雖然依家有app可以即時睇班次, 但如果要plan定行程嘅話, 似乎就唔係咁容易
我明有萬能key「行車班次或會因應道路交通情況調整，並不會先行通告。」, 道理上佢點改班次都吹佢唔脹, 但有冇做法係可以做得好d呢?

既然加班車係接載表定班次有機會載唔晒嘅客量, 咁會唔會係表定班次開出前嘅適當時間先開加班車載咁d人, 或者之後先清走留後嘅客?
當然缺點就會令到班次唔平均, 而用車嘅數量亦可能會增加..

小弟無乜特別取態, 純粹就住今日嘅經歷去諗下野啫
歡迎討論

當然有加班車係好事 但係如果選擇加個別疏車路線嘅車 我覺得九巴有責任維持同原有班次相近時間開岀(< 10分鐘)

當然對乘客嚟講 預早check下總站ETA就更安全

之前有排234X中午開加班車，都係攝兩班中間 (由15分鐘一班加密到7/8/15分鐘一班)
結果加班車客量唔多，出到九龍更加輕易追到前車，正班就繼續多客，要有收車嗰陣班次先比較平均
後尾改師傅表，就全部拉勻到~10分鐘一班

277E呢個case都幾尷尬
要避免等06:20班車啲客白等，又要考慮埋07:00開始就12分鐘一班，較少影響嘅放車時間係06:00、06:20、(06:30~06:35)、06:45 (押後5分鐘)，但要加班車夠時間行先至玩到
亦唔清楚係咪每朝都已經行緊06:00-07:00 20>15呢個加咗班嘅師傅表
299X就直頭似乎係師傅表上面嘅班次已經唔係SoS嘅班次，九巴盤算應該係好天多人去西貢就用密表，天氣差就疏表 (按SoS開車)+收車

所以更加唔明793，795X點解揀個令人咁易記得嘅時間及班次  上次喺蘇屋附近都係類似 諗住00，20，40蘇屋開795X 點知最後開15，35，55.....

lsc04d11 發表於 2022-9-6 19:21
所以更加唔明793，795X點解揀個令人咁易記得嘅時間及班次  上次喺蘇屋附近都係類似 諗住00，20，40蘇屋開79 ...

795X不嬲係開10 30 50，定點唔代表整點開出
A31P/A38以前個一個鐘一班都唔係00開啦

Ricky403 發表於 2022-9-6 18:51
之前有排234X中午開加班車，都係攝兩班中間 (由15分鐘一班加密到7/8/15分鐘一班)
結果加班車客量唔多，出到 ...

以前冇ETA感覺上傾向攝中間加班
廢事真係熟時間個d走車

宜家有ETA已經可以話係鍾意點開就開