全市最多人搭嘅100條巴士線平日朝5晚9假日朝8晚10至少要每6分鐘一班

asv98.kw131 發表於 2022-10-9 20:57
香港係連山旮旯都未必淨係得一條線 你望下嶼南、沙頭角公路、大窩西公路？
如果係外國標準：
可能成個 ...

其實以前屯荃段青山下路52一條過，新界東埔公70一條過，咪就類似外國市郊嘅巴士服務

Ricky403 發表於 2022-10-10 11:45
問題係運署真係跟足你所講第二段野咁去做

所以有D野就唔好講到咁白啦。
中產以上，搵五皮以上住戶大約七十萬戶（out of 二百六十萬戶）。養部車一個月就平平地六至八千，對五萬蚊一戶黎講都算係可負擔支出。樓主數據話有七十萬部私家/電單車講真算少啦…

谷大公共交通，真係不如學埋新加坡玩配額制算。

12Lane 發表於 2022-10-10 12:38
所以有D野就唔好講到咁白啦。
中產以上，搵五皮以上住戶大約七十萬戶（out of 二百六十萬戶）。養部車一 ...

其實改善公共交通，同又唔完全係唔可以同步做嘅

我就冇買車，但真係因為公共交通做得太差，搞到提早搬屋+/-明顯搭多咗的士/UBER呢類私人D嘅交通工具

如果交通冇改善又限制私家車，其實只會引起反彈

Ricky403 發表於 2022-10-10 03:45
問題係運署真係跟足你所講第二段野咁去做

真係咁諗，近年就唔會咁多新嘅快線；
巴士公司係狂收車多過隱形加班。

現實係巴士公司根本係想縮得就縮，
想摺D被鐵吸走哂D客嘅線線，
唔係運輸署攔一攔，恐怕有更多線消失。

天空之神 發表於 2022-10-9 21:37
咁要政府拎舊錢出黎先

然後 2D 10 18 51 74A 85B 286M 呢類線會直接取消

好多人覺得政府拎舊錢，就係萬靈丹。

問題係政府舊錢响邊度黎。
就算好似中東油王咁有近乎無限資源，
都唔可能洗腳唔抹腳，點都會面對資源點分配，
先至最有效益呢個問題。

效益唔限於收入，可以係減少幾多延誤、幾多碳排放等。
香港公共交通嘅效益太側重收入，包括政府係大股東嘅港鐵。
但亦無可厚非 --- 政府財政緊拙時一樣要手起刀落。能自負盈虧，至少有更大自主權，衰極有個譜。
港鐵變相做佐發展商呢點好多人都鬧，
但去到現實關頭雖“可恥”但很有用 --- 舉個例倫敦運輸局都考慮緊發展上蓋物業。

理想地諗係應該攞個平衡，問題係各地政府都仲搵緊。

HB00610 發表於 2022-10-10 15:05
其實改善公共交通，同又唔完全係唔可以同步做嘅

我就冇買車，但真係因為公共交通做得太差，搞到提早搬屋 ...

咁近年公共交通有冇改善？

呢類問題好難有答案，每個人都有自己生活圈子同乘車習慣，好難就交通便唔便利一概而論。但我就好肯定，盲目加車應該就達唔到減私家車不突止仲只會浪費更多資源。

s3n370 發表於 2022-10-8 21:22
樓主提呢樣野之前，有無諗過所謂嘅“外國城市”，
同香港有幾大分別？

香港嘅城市發展模型其實好獨特，唔係一個市中心開始，向四面八方延伸出去 (我自己見英國絕大部分城市都係咁樣)
而係好多地區各自發展，有公路、鐵路連接，但兩個市區之間可以係大片荒地、一座高山等等
荃灣、葵涌係衛星城市，但同西九龍之間，隔住一般人唔會出入嘅貨櫃碼頭，大部分巴士會 bypass 唔停站

以倫敦為例，接近所有巴士都係流水線，會停足各區各站
市區規模算係由 Zone 1 向外遞減，唔會兩個市區之間有一大片森林未發展
搭公共交通跨區出行，一定係鐵路快；唔會好似香港一堆特快巴士線，車程同鐵路有得揮

Ricky403 發表於 2022-10-10 11:51
其實以前屯荃段青山下路52一條過，新界東埔公70一條過，咪就類似外國市郊嘅巴士服務 ...

幾時試過得 52 一條過
而無 50 /50M / 53 平行同路段？

s3n370 發表於 2022-10-10 18:08
真係咁諗，近年就唔會咁多新嘅快線；
巴士公司係狂收車多過隱形加班。

9/10晚上59m 返屯碼20尾段收2架,8分鐘夠膽死12分鐘一班,出荃灣方向表定10分鐘,收至20分鐘一班,20時段,59X都收2架,返碼頭表定7/8分鐘,都要10分鐘一班。M車轉車站假頂閘,X上屯公前頂閘

12Lane 發表於 2022-10-10 20:10
咁近年公共交通有冇改善？

呢類問題好難有答案，每個人都有自己生活圈子同乘車習慣，好難就交通便唔便利 ...

其實只係鐵路方面改善咗

但問題係我住嘅環境，鐵路點改善其實都接近唔關我事，只能倚賴巴士嘅我，反而就做咗巴士公司各種玩野行徑嘅受害者。

我都好唔係贊成盲目加車，但問題係交通不善又唔俾呢種情況嘅人買車，官逼民反就係呢種pattern


我而家返工，搭的士/Uber 車程係10分鐘，但搭公共交通，無論係鐵路，小巴/巴士轉小巴，其實係接近冇一個方案可以少得過45分鐘嘅🤣

但其實只係講緊去一個望到嘅位置😅