全市最多人搭嘅100條巴士線平日朝5晚9假日朝8晚10至少要每6分鐘一班

HB00610 發表於 2022-10-11 08:29
其實只係鐵路方面改善咗

但問題係我住嘅環境，鐵路點改善其實都接近唔關我事，只能倚賴巴士嘅我，反而就 ...

睇你個case
似乎係啲區內巴士/小巴大部分去到市中心就總站或掉頭
市中心去唔同小區啲巴士/小巴站位又唔同，轉車都搞坐底10分鐘，甚至因為脫班而等得耐

新市鎮入面荃葵青因為散，特別多呢類問題，沙田屯門有規劃嘅就少好多
雖然輕鐵成日畀人嘈阻碇，但對返學或者返區內工班客計其實係無敵，荃葵青搞30分鐘嘅距離屯元天隨時20分鐘都唔使

Ricky403 發表於 2022-10-11 10:55
睇你個case
似乎係啲區內巴士/小巴大部分去到市中心就總站或掉頭
市中心去唔同小區啲巴士/小巴站位又唔同 ...

你都大約講到點解我遇到嘅問題🤣

其實如果只係青衣落葵芳，問題都不致於咁大🤣
只係一旦要去葵芳再轉車，其實好多位都會塞到GG

Waiyin12 發表於 2022-10-10 18:59
香港嘅城市發展模型其實好獨特，唔係一個市中心開始，向四面八方延伸出去 (我自己見英國絕大部分城市都係 ...

嚴格黎講倫敦以至各大城市，雖然係由中心慢慢擴展出去，
但佢週邊都有墟市/小鎮都各自為中心，一路向外擴展，
直至連埋一齊難以分界為止。
所以你會見到zone 5/6嘅Harrow, Croydon, Kingston等
係旺過好多zone 2/3嘅地方。
Croydon嘅高樓直頭同Canary Wharf有得揮。
港島同九龍嘅發展都類同。

新界各區，就算係規劃嘅衛星城市/新市鎮，都係由中心向外擴展。
由於山脈同海形成天然屏障，令到大部分新市鎮界線分明，無法痴埋一齊。
造成今日香港嘅格局，似係多個“城市”組成嘅大都會。
所以論公共交通，要直接比較係有難度。

而真係要比較，比較接近嘅係荃灣葵青。
區內路線雖然似看似流水，但主力係去旺區駁鐵路同俾居民買餸，
或者做荃灣去青衣呢類搭到鐵，但無咁直接嘅市場。
兩繁有31A, 43D呢類返學專線。

去屯、元、天、新界東嘅巴士，
已經係兩個“城市”之間嘅服務。

另一個角度睇荃灣葵青主打嘅區內路線，
呢點係比較貼近人口較低嘅城市，
幾乎所有路線都係指向市中心。
但就無乜30, 34, 43, 43A一類駁通多個中心/住宅區嘅路線，
又或者瓹窿瓹罅嘅綠van。
往返週邊地區，除非咁啱同巴士嘅走線相同，
否則大多都要出到市中心轉。