建議糸魚川至長岡間的越後鐵路及信越線予以三軌條迷你新幹線化

自北陸新幹線開幕以及原有在來線特急廢止後，新潟縣中部及北部往返新潟縣南部及北陸的客流大量流失至私家車及巴士。
為增強鐵路的吸引力，建議相關線區安裝三線軌條(維持窄軌軌道以配合JR貨物使用日本海縱貫線)，以便北陸等地乘客能一程直達新潟市，並把Tsurugi號現時大部分列車改用迷你新幹線車型延長至新潟市。
信越線柏崎市至長岡之間，可考慮於西中通車站到越後岩塚車站間新建隧道以減少行車時間
預計完工後，新潟市經鐵路往返北陸各城市只需二個多小時，而北陸新幹線完成伸延至大阪後經此線往返大阪亦僅需不到四小時。

同時，亦建議新函館北斗至函館段、敦賀至米原段實行相應改造工程，以便現有特急北斗及特急Shirasagi使用者於將來可以透過新幹線即可到達目的地

北海道果度要做既系大cut廢線，變晒巴士止蝕，否則咩都唔洗搞…另外講到迷你新幹線，根本新青森以北就應該用迷你新幹線，系學英國咁，裝埋傾斜裝置…北海道有客果d位咩函館、室蘭、小樽、札幌呀，用新幹線根本就冇辦法有效率地串埋…

Ravenclaw 發表於 2022-10-17 02:49
北海道果度要做既系大cut廢線，變晒巴士止蝕，否則咩都唔洗搞…另外講到迷你新幹線，根本新青森以北就應該 ...

北海道連新幹線都蝕

成個島無一條線賺緊錢

咁應該得返多人既地方維持有限服務算啦

Ravenclaw 發表於 2022-10-17 02:49
北海道果度要做既系大cut廢線，變晒巴士止蝕，否則咩都唔洗搞…另外講到迷你新幹線，根本新青森以北就應該 ...

函館站嗰段會營運分離…

qunow 發表於 2022-10-17 08:37
函館站嗰段會營運分離…

可唔可以解釋下？我記得以前白鳥/超級白鳥都係JR東日本同JR北海道聯營？迷你新幹線做函館冇問題，咪調轉行，好似石北本線去到遠軽咁…個關鍵系移加北斗/超級北斗系算靚地將札幌以南有客既地方串埋（當然我prefer迷你新幹線行小樽去札幌，室蘭同機場都各自有特急/快速去札幌，而且唔算耐），反而移加新幹線成個北海道得札幌系真係叫做入到市中心，根本完全冇效率，北海道新幹線過青函隧道我就即本體下佢幾時先行到210kph...

Ravenclaw 發表於 2022-10-17 18:01
可唔可以解釋下？我記得以前白鳥/超級白鳥都係JR東日本同JR北海道聯營？迷你新幹線做函館冇問題，咪調轉 ...

東北新幹線盛岡以北得返 10 卡月台
同埋一半以上Hayabusa 班次已經要招呼 Komachi

你想點搵架迷你新幹線同埋邊度併結？

日本海城市之間的鐵路連接，自從開左北陸新幹線之後真係幾差下。

Mini 新幹線化最大問題都係有排搞，長期做單線運転個時間表要重新整過。

天空之神 發表於 2022-10-18 04:40
東北新幹線盛岡以北得返 10 卡月台
同埋一半以上Hayabusa 班次已經要招呼 Komachi

方法唔係冇，只係有冇咁的必要啫。

去函館果架，盛岡分離，先行去八戸停站，後發 Hayabusa 八戸追越。

到時就大致分 5 類車。(以下純粹 FF)

1. Hayabusa 單飛
- 最速達班次 : 盛岡 - 新青森 - (新小樽) - 札幌

2. Hayabusa - Komachi (A)
- 盛岡增解結，Hayabusa 新青森終著 : 盛岡 - 沼宮內 - 二戸 - 八戸 - 七戸十和田 - 新青森

3. Hayabusa - Komachi (B)
- 盛岡增解結，Hayabusa 札幌終著 : 盛岡 - (沼宮內) - (二戸) - 八戸 - (七戸十和田) - 新青森 - (奧津軽) - (木古內) - 新函館北斗 - (新八雲) - 長万部 - 俱知安 - 新小樽 - 札幌

4. Hayabusa - 新迷你車
- 盛岡增解結，八戸追越，Hayabusa 北海道內速達 : 盛岡 - 新青森 - (長万部) - (俱知安) - 新小樽 - 札幌
新迷你車 : 盛岡 - 八戸 - 新青森 - 奧津軽 - 木古內 - 新函館北斗 - 函館

5. 新迷你車 單飛
- 北海道內短途車 : 函館 - 新函館北斗 - 新八雲 - 長万部 - 俱知安 - 新小樽 - 札幌

2076 發表於 2022-10-18 04:52
日本海城市之間的鐵路連接，自從開左北陸新幹線之後真係幾差下。

Mini 新幹線化最大問題都係有排搞，長期 ...

我都覺，以前仲係全條北陸本線年代，真係方便好多，新幹線以外服務都好好多

不過有咗新幹線就 cut 在來線似乎係日本鐵路定律，甚至 東海道、山陽本線 離開咗 東京都/神奈川、名古屋、京阪神 等都市圈，都唔好得去邊

題外話，F1 可以建議外國交通路線?
我睇 F1 板咁耐都係第一次見

Waiyin12 發表於 2022-10-18 06:47
我都覺，以前仲係全條北陸本線年代，真係方便好多，新幹線以外服務都好好多

不過有咗新幹線就 cut 在來 ...

交通路線建議又好似冇指明係香港。

其實倫敦巴士都大把路線要執過佢......

北陸最大問題都係直車變轉車，其實青森函館一樣，都係趕走晒啲客去搭船算數。