興建三條主要幹道: 將軍澳─油塘隧道、北都公路、沙田繞道

2022施政報告提出興建: 「將軍澳─油塘隧道」 — 興建將軍澳第三條公路隧道，配合將軍澳第137區的未來發展，加強對外連接
「北都公路」 — 打通新界北的東西脈絡，由西邊的天水圍途經新田連接東邊的古洞北，提升「北部都會區」的運輸容量
「沙田繞道」 — 開通一條新南北幹道連接大埔及西九龍，為新界東居民提供更快捷途徑前往市區，並紓緩吐露港公路的交通壓力

TKO一條變3條，其實係唔係西岸公路借屍還魂？

北部公路睇黎會幾影響濕地

沙田繞道係本站成日有版友提到嘅草山隧道，定係CTS-3東西公路部份加大帽山連接路？

唔係幾理解北部公路既走線係點樣，因為根據北部都會區報告書天水圍至新田一帶漁塘都會保留作為生態區，發展潛力不大，甚至需要穿越米埔自然保護區。而走線偏南就會同現有既新田公路重疊。唔通係西部公路-天華路-豐樂圍-大生圍-錦繡-新田公路？(甚至東延至牛潭尾穿過牛潭山，經雙魚河谷連接古洞發展區東部?)

eternalflame 發表於 2022-10-19 14:10
TKO一條變3條，其實係唔係西岸公路借屍還魂？

北部公路睇黎會幾影響濕地

問題係三條都係去同一地方，如果都係要過海，點解唔起將柴，而要起將油？

將軍澳一邊將環保大道延長同將康城一段幹道化，柴灣一邊就拆咗柴灣IVE將東廊、永泰道路口改建，同時擴建東廊北角段，減少將軍澳對九龍東交通網絡嘅依賴。

eternalflame 發表於 2022-10-19 14:10
TKO一條變3條，其實係唔係西岸公路借屍還魂？

北部公路睇黎會幾影響濕地

應該算係，畢竟當時西岸公路有去油塘嘅支路

商台網站有政府提供的初步走線圖https://www.881903.com/news/local/2461199/%E6%96%BD%E6%94%BF%E5%A0%B1%E5%91%8A%E6%8F%90%E5%87%BA6%E9%A0%85%E9%81%8B%E8%BC%B8%E5%9F%BA%E5%BB%BA-%E5%8C%85%E6%8B%AC%E5%8C%97%E9%83%BD%E5%85%AC%E8%B7%AF%E6%B2%99%E7%94%B0%E7%B9%9E%E9%81%93%E7%AD%89

北都公路: 經大生圍, 牛潭尾及新田
沙田繞道: 連接林錦交匯處及青沙公路茘枝角出口
將軍澳 - 油塘隧道: 連接調景嶺及油塘, 隧道於五桂山下通過

Hopuco 發表於 2022-10-19 14:29
唔係幾理解北部公路既走線係點樣，因為根據北部都會區報告書天水圍至新田一帶漁塘都會保留作為生態區，發展 ...

古洞以西有個「新田/落馬洲發展樞紐」, 除左住宅, 仲會大搞創科, 加埋既有口岸, 疊住新田公路咁去可能性唔高.

未來新田站在石湖圍新村, 呢邊會起住宅, 公路或者係行皇崗口岸/創科園嗰邊.

又有野FF:
天華路<>吳屋村以北<>工業邨污水廠<>大生圍<>錦壆路東<>朗廈<>北環線, 之後分兩路,
1. 米埔隴(新田公路交匯)<>新田村路<>落馬洲管制站(皇崗口岸)<>洲頭<>古洞北,
2. 新田軍營<>麒麟山坳<>雙魚河<>金錢(粉嶺公路交匯)

eternalflame 發表於 2022-10-19 14:10
TKO一條變3條，其實係唔係西岸公路借屍還魂？

北部公路睇黎會幾影響濕地

有關第3個問題，可以城門水塘(東/西)做分界，
城門水塘以東=草山；城門水塘以西=大帽山


因此，即本站成日有版友提到嘅草山隧道

EX-TL 發表於 2022-10-19 15:33
古洞以西有個「新田/落馬洲發展樞紐」, 除左住宅, 仲會大搞創科, 加埋既有口岸, 疊住新田公路咁去可能性 ...

咁純粹將天華路東延到新田公路就得，其他路段同新田公路錦田壆圍到古洞段完全重疊，呢一段新田公路大部份時間比香港99%既路都暢通，再起多條真係完全摸不著頭腦

Citcalag 發表於 2022-10-19 21:02
咁純粹將天華路東延到新田公路就得，其他路段同新田公路錦田壆圍到古洞段完全重疊，呢一段新田公路大部份 ...

依照六樓既意念圖，似乎係穿過新田公路，途經預定北環線牛潭尾鐵路站以及濾水廠，然後以隧道形式越過牛譚山與龍潭山之間山坳(或經兩段隧道穿過牛潭山以及麒麟山坳)，沿雙魚河谷北上至古洞。似乎尚有開發牛潭尾新發展區既用途