路線招標制度，是否應該以地區招標取代？

S3bl430 發表於 2022-10-20 11:36
題外話,

以善水的財政慘況, 如果善水這幾年大幅增加車費(例如加10-15%),

係㗎，呢下可以好大鑊

cx838 發表於 2022-10-20 12:46
其實現時的招標，咪就係比晒一堆只需要繁忙時間開幾班的村巴路線黎做，54區咁，最緊要的接駁線，都係留返比 ...

最經典咪18，真係親自倒走哂啲客

12Lane 發表於 2022-10-20 06:02
好難比較
當年969/962入主，都至少各自serve緊十幾萬人口或以上。皇后山？54區？就算幾年後兩區加埋都冇 ...

54區嘅catchment仲細過大興山景。

但又咁睇，皇后山同54區細啫，
加埋粉嶺北、洪水橋就唔同講法。
今日唔插隻腳埋黎，第日塊大餅邊有機會食？

Choi 發表於 2022-10-20 20:17
明知皇后山招標點解沙頭角九東綫唔可以捆綁招標擴大服務範圍？如果真有需求277A都可以暫委營運嘎
...

情況完全唔同
「尚德—九龍站」呢條巴士路線係已計劃嘅招標項目，但專營權生效前（定係招標結果出爐前）為咗解決果區交通問題而請當區嘅巴士公司暫時營運
至於277A，由建議去到正式投入服務果段時間RPP都仲未提出皇后山邨路線建議，一份正式定線提議嘅文件都未交到出嚟，咁又點會係「明知皇后山招標」？
退一萬步去諗，就算政府喺起皇后山邨前已經落實咗要招標皇后山邨去九龍灣嘅路線，咁點解唔經皇后山邨嘅277A要抽出嚟畀中標公司？如果277A要抽出嚟，咁點解同樣經沙頭角公路嘅78K、79K又唔洗？
既然都知道四條線嘅標係for皇后山用，咁無必要拉邨口都唔到嘅另一條線落水
正如，城記中標B7，都唔可能食埋隔離類近嘅79K咁

S3bl430 發表於 2022-10-20 18:59
關於「路線招標制度，是否應該以地區招標取代？」睇返近年幾次主要招標, 到底係唔係每一次都導致中標公司" ...

33 拆 33B 出嚟都要過五關斬六仗
背後原因唔可以講太多 , 但 TD 唔同部門嘅解讀可以對成件事有好大影響 , 而佢地嘅解讀唔多唔少都係阻撓緊交通發展 & 減少緊市民選擇

s3n370 發表於 2022-10-20 18:44
小弟無理解錯的話，係唔係招標嘅過程入面，由投標者，
即係巴士公司規劃埋服務，而建議書亦會被評分？

無錯，呢個正正係小弟的構想

巴士公司唔係下下都有充份參與。將荃固然根據當日傳聞，係運署以厹區域重組劃線為藍本而招標。而天北將南西九招標年代，巴士公司參與程度更高，中標後服務可以同原有招標有相當大程度分別；但今時今日已經無呢隻歌仔唱，行車路線至少肯定同招標內容幾近一致

而近十年招標當中，比較正常既走線，逾半都係巴士公司有相當程度參與；反而運署劃線，成品不正常的居多。我好相信如果畀巴士公司自行規劃服務，22 78X 79X 一類走線係唔會出現

所以我先至覺得，畀巴士公司更大自由度規劃服務，係一個值得討論的大方向

---

當然大家會問，咁係咪會開唔成一D蝕本但地區有一定需要既路線？答案好簡單，概括列入標書要求（例如寫明啟德要開線去九龍塘學校區），然後畀巴士公司自行劃線，已經足夠

而運署同樣可以透過評分準則，只要巴士公司劃線入個別繁忙路段而導致流量增加，例如觀塘道，就可以扣分，甚至直接唔批；如果係透過現有路線重組，就另計

畀巴士公司自行規劃，自由度夠大，對家部署亦唔容易有路捉，變相首先要顧住自己錢箱，出現因為招標而衍生的損人不利己走線的可能性，相信得以減少

反而而家路線招標，就算唔計投入服務後一段時間先可以入紙改線因素在內，改線後走線或覆蓋地區同原有招標內容差距太大，觸動其他持份者食邑，爭議只會更大，20A 鬧劇只會不斷重演。地區招標，當然同樣有「食邑」問題，但至少無左「同原有招標內容差距太大」的爭持點，畀巴士公司理順招標地區服務的彈性更大

不過，將南當年呢種地區招標，引嚟嘅問題就係路線發展不平衡，例如九巴點都入唔到將南，even 路線有需求。件事係運署有責任推動跨公司轉乘，先搞得到地區招標，或者兩大間巴士公司推聯乘月票，例如每個月 780 蚊，任搭5程九巴及5程新巴城巴，各有一半月票收入，咁又得唔得。

ivan920 發表於 2022-10-20 22:53
不過，將南當年呢種地區招標，引嚟嘅問題就係路線發展不平衡，例如九巴點都入唔到將南，even 路線有需求。 ...

係，閣下正正一針見血，將南調景嶺想搭九巴隧道全日線變相一律免問

政府官方月票固然都係一個解決辦法

但至少跨公司轉乘都好應該正視先，啲屎水掠水轉乘真係好鬼趕客㗎

紅隧同將隧掠7.4或以上，而西隧同東隧都講緊最少掠6.6或以上（所以有時超趕時間嘅話，都係寧願落地底算，起碼冇掠水呢個問題，仲可以順手慳埋時間)

S3bl430 發表於 2022-10-20 14:12
如果你有看新城和九巴的財報,唔難得出善水路線未來加價幅度比九巴高的結論 ...

建議你比較一下近年962/967/969同成個城巴專營權加幅的分別先啦
當然，按你思路，緊係大一統就最理想，沒有比較就沒有傷害嗎

ivan920 發表於 2022-10-20 22:53
不過，將南當年呢種地區招標，引嚟嘅問題就係路線發展不平衡，例如九巴點都入唔到將南，even 路線有需求。 ...

有錢有補貼咪有得傾，利益分唔清，講就易做就難。
首先網絡大果間就一定唔肯，網絡又大個人，點解分錢只可以分一半？計車程數量，又將兩蚊長車短搭爭議繼續延伸去月票分帳問題上。講政府補貼，又去番兩蚊搭車個問題之上，一年出幾十億呢度版友都咁牙痛，用公帑補貼埋恆常交通轉乘真係唔知大家會有咩反應啦。