為何大埔很少行高速公路前往其他地區特快巴士線(例如葵廣)

YY487 發表於 2022-11-22 20:26
全力支持搵笨線 907D 收檔

呢d唔上唔落嘅局面其實兩間巴士公司都有份做成，又想大貪點知個形勢一唔晌自己果邊時就縮

da93 發表於 2022-11-22 13:10
一見73D食43P，科學園嘅人點解要無啦啦俾你劏多幾蚊？

另，點解用大埔嘅資源做沙田區嘅科學園就可以？調 ...

https://www.hkitalk.net/HKiTalk2/thread-2105767-1-1.html

下車拍卡

完

証明你搵都無搵過就亂up

天空之神 發表於 2022-11-23 04:08
https://www.hkitalk.net/HKiTalk2/thread-2105767-1-1.html

下車拍卡

下下都下車拍卡，對乘客帶來嘅混亂其實900都試過，值得咁做？

更甚，43P而家兜大學，搵73D咁做，咪意味住條線將來同樣要經大學站？你話唔經嘅，由有變冇盞俾人地煮重你米，話經嘅，究竟你架車係想做我大埔區定人地沙田區嘅野？喂你要晌我條73x度拎車喎，調轉沙田亦都會問番你同樣嘅問題。事關你拎我43x d車去富蝶喎，莫講話容帝冇做丫，任何一個睇見之後，你講唔講得服佢丫？

就算我當你踢班石圍角友晌城隧轉丫（當然你寫照行石圍角，講白d就係梨木樹同石圍角之間你總有一邊要放棄，最後只會落得順得哥情失嫂意嘅局面，仲未計其他政治考慮），但淨係由大埔市去到大學站，觀感唔會比272x好，咁你可以想像到俾你落到地之後會係咩境況。

同埋，其實你講下車拍卡呢d，講真要解決價錢問題都係得兩三招（所以基本上有d野係唔駛睇都諗到你會咁答），但值唔值得咁去攪一大輪囉，咁樣攪得黎我做咩唔要43P全日？連下車拍卡都慳番。

至於你講醫院線，老實丫，當大埔有一堆專科服務都要踢落威記時，你覺得白石角對威記嘅需要大d定那打素大d？未計私營醫療。

講就咁講俾你聽，你自己諗下我係咪亂嗡囉。

da93 發表於 2022-11-23 05:14
下下都下車拍卡，對乘客帶來嘅混亂其實900都試過，值得咁做？

更甚，43P而家兜大學，搵73D咁做，咪意味住 ...

咁已經唔係劏多幾蚊啦

到有人話擺機就話擺機係成本，其他災難
龍門任你地擺我唔會理
制度寫左落黎就唔好話我想劏多幾蚊

你分流左 73X 點解唔使拎車，
本身果 4 車做廣福特都倒左落海架啦
行石圍角架，慳返唔入梨木樹既時間填落白石角

43X 既車倒左落 43P
但沙田區一個站都無關係就等同界左出去架啦
繁忙時間通勤方向架車都回唔到巢
咁大埔沙田一齊拎車出黎做全日線我覺得係雙贏
科學園大學有車，白石角有車
大學？ 無計架啦鬼叫 43P 要靠佢搵多兩個

-

同樣例子係 74A 89B 82D
兩區一齊拎車出黎做
你叫 82D 神仙難變架車
仲要而家 82D 爛做既程度幾乎運凳
你叫老九點樣燒錢？

獅隧 74A，青沙 271D ，城隧 73D，
全部 30 分一班
加埋本身老隧 74D/74P/272S

成個基本轉乘網絡砌返哂出黎
74D 74P 272S 容後再處理重組問題

da93 發表於 2022-11-23 02:40
分就唔難分，反正你成個大埔都係圍住個大埔市一直擴展，就算而家話要上城規嘅項目，都離不開呢種定律

反 ...

係，大埔就一定要元洲仔入，大西北去葵涌就一定荃灣慢碌，大西北出九龍就一定要美孚碌哂成條彌敦道，沙田入鹿鞍山就一定要入大水坑..…..

咁多年來得少數例外，亦完全冇諗過係唔係一定要咁，呢種其實係冇意思嘅重疊

當沙田線連46X 都減緊班，暫時唔會覺得九會有任何既誘因走去開多架大埔出葵涌既青沙線，都係叫你善用轉乘網絡！如果真係開線，73X 即刻減到15-30分鐘一班，呢個又係大家所想咩？如果咁想開線，樓主不如叫城記入大埔開幾條線，九記就會重視架啦

HB00610 發表於 2022-11-23 08:06
係，大埔就一定要元洲仔入，大西北去葵涌就一定荃灣慢碌，大西北出九龍就一定要美孚碌哂成條彌敦道，沙田 ...

咁大埔可以完善路入，可以達運道入嘅，馬鞍山真係冇得避，俾你好似274，或者289K咁例外嘅case真係好難再有，尤其是對出九龍嘅路線。

太和路太和果邊，係衰咪數長過晌完善路果邊嘅太和路入。

天空之神 發表於 2022-11-23 07:01
咁已經唔係劏多幾蚊啦

到有人話擺機就話擺機係成本，其他災難

你係解決左價錢問題，但製造左更多新問題。
既然係咁，點解要將兩區糢糊化？一係你運輸署就講到明，白石角呢個區，乜野線係屬乜野區嘅資源，唔好同我講咁樣撈埋就叫雙贏，贏左晌邊？大埔係要車，但唔係咁樣將人地區d車暗渡陳倉過黎，大埔係要車，但唔代表沙田入面其他線唔需要車。

不如直接同我講，你咁合併法架車係要兜大學啦，乜野冇計啫？唉，你又試下晌大埔四里同大埔街坊講啦，記得同佢講埋要晌73x泵車走喎，如果佢地buy你嘅咪做囉。

da93 發表於 2022-11-23 13:31
你係解決左價錢問題，但製造左更多新問題。
既然係咁，點解要將兩區糢糊化？一係你運輸署就講到明，白石 ...

咁 900 82D  一樣都係兩區線黎一條要做科學園，一條要做埋源禾路
我又唔見得咁做唔可行
你咁樣係雙重標準定唔當白石角係大埔區？

完

天空之神 發表於 2022-11-23 17:39
咁 900 82D  一樣都係兩區線黎一條要做科學園，一條要做埋源禾路
我又唔見得咁做唔可行
你咁樣係雙重標準 ...

一來900係招標線，由day one開始大家都知要經沙田。

二來我都講過，如果要解決成個問題，運輸署就有責任去同呢兩區解釋咁多條線（包括900）嘅資源究竟應該歸俾邊一區，日後應該要點做，佢唔講清楚，對邊一區都唔公平。

早幾年大埔有區佬直頭想將白石角嘅巴士同資源調配要求踢俾沙田處理，車用沙田嘅，線用番沙田線嘅定位處理，但同樣俾我叫停左，正正就係因為我當白石角係大埔區，冇可能咁樣踢俾沙田做。