九巴41取消和241X提升服務

S3BL100 發表於 2023-4-30 23:16
真係咁玩既話，索性殺 46 然後 45 加到廿分班、縮落紅磡仲好

用既資源仲少過 18+46

荔景山來往油麻地佐敦真空，似乎 46 本身都唔少客係過旺角的。加上 45 做晒對荔景山出市區有價錢牌問題，唔易搞。

FBI2 發表於 2023-4-30 23:22
18又好45又好,死因都係旺角至何文田一段燈陣,令條線平均每分鐘/每公里既收益非常低.

所以點解城巴1,5B,10 ...

所以 18 45 241X 一齊塞入亞皆老街燈陣係好差的安排。實際上，剩係斬剩全日 30 分鐘一班 18 來往九碼深旺道，241X 唔再經何文田，盡量拎資源去谷密斬短做美孚-愛民的 45，順手飛埋旺角，令佢的每分鐘/每公里收入正常化，先係解決何文田交通的良方。

2076 發表於 2023-4-30 23:50
所以 18 45 241X 一齊塞入亞皆老街燈陣係好差的安排。實際上，剩係斬剩全日 30 分鐘一班 18 來往九碼深旺 ...

問題係，美孚-愛民飛埋旺角(方便起見叫6B)夠唔夠客?
而且諗到係例如入元朗，轉268X靠18哂氣，6B只可轉返68X

落旺角啲燈唔係最大問題，反而係洗衣街啲車(即係旺角迴圈)轉入亞皆老街，何文田嗰邊先慢

S3BL100 發表於 2023-4-30 22:30
用今日角度睇，青衣加東北葵走線係過時架

但係用返開線當日角度睇，觀塘九龍灣未變 CBD2，客底唔夠，一 ...

當年 42C 夾東北葵，並唔係因為青衣唔夠客，亦唔係因為觀塘未變 CBD 唔夠客。

而係因為青衣發展成熟，有極大量觀塘工廠區客無車搭，
而長年因為南橋擠塞，所以多年黎都未出現到一條特快東九龍巴士線。

到青觀特快巴士線設計果一刻，有兩大原則必須遵守：
1. 唔可以加劇南橋擠塞問題
2. 唔可以加劇葵涌道同埋荃灣路擠塞問題（當年未有汀九橋）

有友人前輩提醒我，係青衣島當年客量估算，青衣係有足夠能力獨立成線出東九龍。
目標係要分流 41 系同 42 當時龐大客流。

但因為上面兩大原則，設計 41B 果一刻，
咪刻意行北橋、德士古道同青公過龍翔道，目的係避塞車。

你著眼點係條線絕對意義上有無客、值唔值得做，
而我著眼點係無得將網絡推倒重來前提下，點樣廢物利用，呢條線對比而家網絡有無帶來進步

你成日都錯在第一步，如果做出黎既重組都係埋單盤數蝕錢，點解要做？
有微量需求照做，下場咪會變成另一條流水線，想斬又多新既得利益者，
仲要明知九龍塘低需求又要一改無回頭，一個陷阱黎。

明知唔夠客比番其他交通工具做，係一個最好選擇黎。

或者咁講，巴士公司唔係弱智，尤其係母系附屬公司，作為全港最大紅頂單一車主。
你覺得佢地唔清楚荃葵有幾多客，依班客又因為屯馬綫車程整死左幾多客落地底？

基本上無絕對把握前提下，係唔會估「班客幾兜都會搭巴士唔搭鐵」，
然後走去兜低需求已發展地區執幾個新客（新發展區除外），整更多更垃圾流水線出黎。

記住，每個重組一定要同鐵有一定競爭力先去馬，唔一定要快過，但唔係又慢又兜，
因為青衣去紅土無客，所以主打荃葵去紅土，但你既新 41 建議出黎時間係連荃灣去紅土都慢過鐵，
咁點解要搵一條低效率青衣線去做，資源回收都比你搞成製造更廢既廢物。

再者，紅巴死都要守南北橋各有一條旺角全日特快線一定有佢原因，長線投資黎。
而你果類兜到痴根既流水線無助佢發揮戰略作用，家陣又唔係無其他線經北橋上青公。
至於係咩原因你自己腦補，儘管佢依一刻係垃圾黎。

或者咁講，由 2020 年你日日提 41 改行九龍塘、東北葵，
時到今日巴士公司有無參考過你依個建議並實行？

而家行緊既 241X 方案，亦都係另一班居民有提出過既理想走線黎，不如問點解果班區棍害巴士公司？

S3BL100 發表於 2023-4-30 22:30
用今日角度睇，青衣加東北葵走線係過時架

但係用返開線當日角度睇，觀塘九龍灣未變 CBD2，客底唔夠，一 ...

你都知唔夠客，而唔夠客大可以唔做，為咩一定要勉強串埋幾個區一齊做？呢度大家都知41問題唔係在於冇客，而係在於客量同行車時間不成比例；條新41你自己都講到明唔預有人青衣搭到紅土，咪一樣hit到呢個頭段載空拖低成條線效率問題，既然你諗住主打東北葵來往紅土，咁點解唔縮到東北葵就算？

FBI2 發表於 2023-4-30 22:54
由楓樹窩體育館計,X42C會比42C快大約5分鐘到觀塘
由東九起計,X42C和42C一樣時間到楓樹窩體育館

講開42C 同X42C東行X車快5分鐘真係好基本, 除非42C同前車追得好近
同埋其實繁忙時間個問題最終都係出響老呈老龍, 呢條問題就算唔係青衣邨, 去到碼頭長安一帶都會因為驚塞而轉投地鐵 (反而青衣邨搭鐵行得仲遠)

但基本上所有唔塞既時段, X42C 對全青衣 包括頭站一帶既青衣邨都有優勢, 唯一問題就只係30分鐘一班, 變相就算長康客走左班車都唔會刻意等, 得番長青以南果班真係值得等
西行行車時間我覺得都唔係打和, X42C 去到青衣邨長期都快到3分鐘以上, 最勁見過同步鑽石山站開車快10分鐘

如果唔係因為歷史因素再加上呢十年東九發展, 迫到42C 長期10分鐘以內一班, 密車令兜路既觀感冇咁差, 先令青衣人買帳, 繼而突顯X42C太疏少左好多吸引力
尷尬既係如果搞大X42C推上15-20, 放走42C, 我就當青衣中班人肯買帳轉會, 其實非繁都唔係真係咁樂觀, 客量可能都係好過241X少少
但老九收貴一蚊之後跌走左每班十幾個全費既青衣葵涌客
呢個就係點解遲遲都唔發大X42C去做

最後其實如果真係有資源 (不論從舊41, 殺現43C, 甚或殺埋43M), 除左加比講左好耐既948, 行有餘力既話, 繁時其實可以考慮做三班41A版既東九特快版, 入埋青衣站
非繁就42C偷疏少少同用新資源放車比X42C上20, 平衡番兩者對青衣中同涌美既吸引力 (Given that 非繁既42C 如果變清一色開12應該係班班坐滿上跑道唔會上唔哂)
總好過亂開241X, 唔加45, 令青衣中南一帶得物又冇咩用, 何愛就斷左半條大陣

clivetock 發表於 2023-5-1 00:19
你都知唔夠客，而唔夠客大可以唔做，為咩一定要勉強串埋幾個區一齊做？呢度大家都知41問題唔係在於冇客， ...

問題係青衣係總站區，呢個係既定事實，改變唔到

同埋我自己一路評估都無睇得咁淡，至低限度應該會好過 241X 唔少。當然呢度有人會唔同意，所以先至嘈左咁多版

埋單蝕錢都有分好多款。比而家蝕更多，或者蝕更少，已經係好大分別

從來呢門遊戲都無得玩推倒重來，只能夠玩 constrained optimization

2076 發表於 2023-4-30 23:42
241X 擺到落去長青的重點，絕對係青康路去大角咀。擺落長青用多一部車，但係就收走 43C 6 部車，點計都有 ...

真係要做青康路去大角咀食 43C，可以搵 242X 去做，大角咀後直落尖沙咀，反正去旺角油麻地佐敦，吸引力唔比 42A 大幾多

同埋你呢個定線，三部車真係唔夠跑

FBI2 發表於 2023-4-30 07:49
41A繁時仲係好疏，點會加無可加既？

不過，41A非繁客量係有下跌情況，特別係北行，反而南行非繁有時仲會 ...

41A 主要問題係站位問題，尖沙咀幾個位都係排隊位，
重要間中會撞開車時間，間中跟到架線王尾真係冇眼睇
我試過九公上車，總站準時開，但足足比 eta 慢左八分鐘先到...

S3BL100 發表於 2023-4-29 21:23
如果真係咁玩，寧願簡單少少

242X 全日/半全日版，去程改經大角咀，然後海泓道或連翔道（prefer 後者） ...

44x 個諗法真心諗得過，
不過我估九記應該會係殺 43c +  44再抽車做..
只要 44x 做到一小時兩班，連埋 241x, 先達<>長安已經係一小時四班車特快車
呢個對旺角 44 客吸引力肯定唔細
亦真係可以分流旺角同深長荔客

有心不如早 d 俾建議九記換線好過。

btw, 尋晚搭 241X 長安返大角咀，
44 早五分鐘到，上左一個定兩個,
反而 241X 有七八個人上，亦明顯有幾個係特登等車。
架車收唔收得似乎言之尚早。