九巴41取消和241X提升服務

dennis28a 發表於 2023-5-1 00:11
當年 42C 夾東北葵，並唔係因為青衣唔夠客，亦唔係因為觀塘未變 CBD 唔夠客。

而係因為青衣發展成熟，有 ...

如果你話「每個重組一定要同鐵有一定競爭力先去馬」，咁我想問 241X 有咩競爭力？點解又可以做？

當然我同你對「競爭力」既評估有出入，我唔想再浪費時間就呢點嘈多十版八版

但如果所謂「競爭力」、「戰略作用」係僅限青北來往旺角，仲要只係比 41A 快幾分鐘，241X 根本唔係達到呢個目的既唯一選擇，唔係事必為左呢件事而要倒八部車落去。甚至乎計埋大角咀都係咁話。用其他方法做到呢件事，呢八部車自然有其他用途

每個人都有思考盲點，巴士公司有晒 data 亦唔代表乜都諗通晒。我諗你都唔會反對，除左 45 241X 外，近年有其他實行左既重組方案，非常垃圾

10598C 發表於 2023-5-2 05:49
唔知淨係我自己定係點，將軍澳出去外區消遣甚至工作通勤，九龍城/土瓜灣/紅土都係選擇之內/唔少人嘅選擇， ...

我個人認為，除左本身有歷史原因既 44，或者由 44 生仔生出來既其他帝線之外，係唔應該再有其他青衣對外線，行北橋加荃灣路 combo 出九龍，條路又唔係順。唔夠客就話姐，但油尖旺同港島好明顯不在此列

青衣中行北橋都完全無優勢，更何況係青衣南

S3BL100 發表於 2023-5-3 02:50
我個人認為，除左本身有歷史原因既 44，或者由 44 生仔生出來既其他帝線之外，係唔應該再有其他青衣對外 ...

呢條線會由 241X 改組而成，嚴格來說都係 241X "生出來" 嘅仔

重點係，青衣南經青衣北直飛尖沙嘴，唔會慢過 242X，而青衣中北去尖沙嘴搭新 241X 會明顯快過 41A，僅此而已

但我認同上面有地區意見提議換線（雖然天馬行空）總比現時好

S3BL100 發表於 2023-5-3 02:50
我個人認為，除左本身有歷史原因既 44，或者由 44 生仔生出來既其他帝線之外，係唔應該再有其他青衣對外 ...

咁又未必，南橋都有個致命缺點，就係上唔到西廊，點都要食葵青交匯處支燈，或者學 41A 咁食東京街的燈。

如果 241X 唯一價值係長安特快，取消阻力唔係何紅土而係長安，我反而有新諗法，就係 241X 同 41A 砌兩條青衣旺角特快，重新劃過青衣島內走線。

41A 青衣邨做總站，然後長安直出北橋西廊落太子，回程經大角咀同三幹。242X 全日化，但來回都經大角咀同青衣碼頭，長亨-青康路-青衣碼頭-南橋-三幹-大角咀。241X 同 43C 一齊取消。咁樣做的優點係兩條線都唔駛食東京街燈陣，亦都做到九巴想 241X 做的搶 44 客。

咁樣做就係真正做大個餅，又減到車，至於何紅土點補償，可以係 45 縮短去愛民加密，踢 18 落九碼，預留未來同荔景山鬆綁的空間。

GZ4031 發表於 2023-5-3 00:24
樓上講開49P
一來作為每日搭49X 既人, 可以講得出49P快成20分鐘
我作為青衣中一帶既人如果趕時間係會直接無 ...

如果49P肯開全日，收40E價我都坐。

2076 發表於 2023-5-3 07:18
咁又未必，南橋都有個致命缺點，就係上唔到西廊，點都要食葵青交匯處支燈，或者學 41A 咁食東京街的燈。
...

青衣邨巴總行唔到12.8米

S3BL100 發表於 2023-5-3 02:48
如果你話「每個重組一定要同鐵有一定競爭力先去馬」，咁我想問 241X 有咩競爭力？點解又可以做？

當然我 ...

241X而家個方案，對青衣絕不垃圾，因為大垃圾變小垃圾，就唔係垃圾，頂多只係對何愛區街坊垃圾，但我作為青衣街坊，佢地點諗係佢地既事。

不如觀察多一兩個月，特別係而家241X客量升緊，如果都係唔達標，再諗點改走線。

另外，昨晚我係觀塘上X42C返戲棚，2分鐘前有部42C但因為有輪椅客驚拖慢車程而冇上。結果，X42C到青衣消防局遇見對面線班42C返長亨，可見X42C回程好多時慢過42C。

ATE7025 發表於 2023-5-2 21:04
好坦白講，青衣-紅土需求其實好細，所以維持直車服務都冇乜意思

至於青南冇全日旺角快車呢單野個人認為 ...

其實只要41A/42A/44加18/45/6C/6F/30X轉乘；成條241X可以唔存在。

然後用多出嚟嘅車幫18，41A，45甚至249X/948加班都有So；但問題係41A豉油街已留後冇能力食呢班客；44走線又出事。

HB00610 發表於 2023-5-3 08:51
其實只要41A/42A/44加18/45/6C/6F/30X轉乘；成條241X可以唔存在。

然後用多出嚟嘅車幫18，41A，45甚至24 ...

除咗 41A vs 18/6F，其餘轉乘組合已經存在，只係美孚轉車站轉乘遲過RPP落實，否則絕對有機會令241X都唔存在。

今天特工抽空,於高峰時間乘坐241X由九碼返青衣,數客結果如下:

16:00由九碼開出,同時45也一起開出.

九碼: 241X上2客,45上4客
貴州街: 241X上1客,45上5客
落山道: 241X上5客,45上5客
鴻福街: 241X上2客,45上6客
紅廣: 241X上2客,45上6客
寶其利街: 241X上8客,45上1客
家維村: 241X上5客,45上8客
理大宿舍冇人上,但落2客
何文田站: 241X上1客,45上0客
加密中學: 241X上1客,45上1客
愛民: 241X上8客,45上9客
房署大樓: 241X上8客,45上6客
都大: 241X上7客,45上21客
中電: 241X上4客,45上5客

241X愛民落左5個,旺角站左1個,旺角街市落左5個,奧運落左3個,而旺角2個大站只有1個客上241X,而同時後面有41A,該41A於旺角街市上左大約20人.

換言之,何愛紅土區坐返青衣既客,大約有50人,唔可以話多,但唔能夠話冇客.

總括而言,我睇到既現象如下:
1/ 就算飛走長沙灣道快左10分鐘,高峰期由九碼返宜業樓足足用左73分鐘,再加多13分鐘返長青,即係成程車行左86分鐘,而家得90分鐘行,似乎下繁係有機會唔夠跑.
2/ 由九碼去君匯港都要55分鐘,証明齋做何愛唔算惡做,齋做紅土都唔算惡做,但紅土加何愛一條線行就好惡做.
3/ 紅土有唔少買餸客出入何愛,而何愛來往深長荔既需求的確係有限,反而都大來往深長荔既需求才是45打爆車既根源.
4/ 原來紅土何愛出入青衣唔係冇需求