如何打擊巴士站違泊?

toyl 發表於 2022-12-14 09:12
其實呢一段長沙灣道由九江街到黃竹街係好應該劃巴士綫。
當局應該凌駕商戶需求，點都要做
...

冇, 你劃巴士綫, 啲車一樣係會入巴士綫停
要怪, 就怪當初沙士果陣放寬被的士禁區上落, 去到而家啲人視禁區為無物

筲箕灣愛賢街、銅鑼灣威菲路道5X總站經常有違泊及貨車卸貨，後者通常在早上修車店開業之後，引致有巴士被迫停泊在巴士站外面，另外非路邊總站如小西灣邨、安達邨、寶達邨見過有貨車在巴士總站內卸貨。

hkaiw 發表於 2022-12-14 18:07
筲箕灣愛賢街、銅鑼灣威菲路道5X總站經常有違泊及貨車卸貨，後者通常在早上修車店開業之後，引致有巴士被迫 ...

甘泉街總站站尾長期都有貨van執貨，堆到成地都係

仲有好多巴士站經常有的士等客造成阻塞，例如荔枝角站同美孚站往新界方向，或者模範邨西行

clivetock 發表於 2022-12-14 22:14
甘泉街總站站尾長期都有貨van執貨，堆到成地都係

仲有好多巴士站經常有的士等客造成阻塞，例如荔枝角站 ...

銅鑼灣崇光百貨劃了朝7至晚12禁區，巴士站更劃了雙黃線，但是無阻的士停車等候乘客，是日中午所見有2輛的士停泊在8P線的巴士站內。

問題係唯一有權力對呢種自私人士執法嘅部門，只有喺庫房要錢時先肯認真跟進呢個問題，
以及檢控門檻唔夠低。

如果可以全港都好似港島區咁用whatsapp交片就得，如果口供都唔使落，
一定有助解決問題，仲簡單過沙田鎖車城。

另外都提一提，單純「違泊」係冇得用片做事後檢控。
但如果禁區停車，甚至禁區內上落客貨，就係「違反交通標誌」，有關部門係可以憑影片做事後檢控！！

toyl 發表於 2022-12-14 09:12
其實呢一段長沙灣道由九江街到黃竹街係好應該劃巴士綫。
當局應該凌駕商戶需求，點都要做
...

可以咁樣凌駕需求, 成條彌敦道老早就已經係巴士線啦
你呢段劃巴士專線唔係唔得, 掃走晒內街(福榮鴨記)D排檔比貨車入去落貨囉
去到最後其實都係無得搞, 只能夠好似入面黃金咁, 搵人專係入面掃晒D私家車走, 加好似南昌街咁錄影執法~

WR309 發表於 2022-12-14 13:30
冇, 你劃巴士綫, 啲車一樣係會入巴士綫停
要怪, 就怪當初沙士果陣放寬被的士禁區上落, 去到而家啲人視禁 ...

係......唔止的士, 小巴都好似括免埋, 搞到而家個個一比人搞就隊返的士小巴出黎講~

流星☆雨 發表於 2022-12-15 00:43
問題係唯一有權力對呢種自私人士執法嘅部門，只有喺庫房要錢時先肯認真跟進呢個問題，
以及檢控門檻唔夠低 ...

其實都唔關事既, 而係太多人違泊, 幾用力做都做唔切
而家已經用機打單, 咖啡仔又連埋成車EU聯群結隊一齊落車抄, 做法已經好狠(當然的士小巴果D係會故意放生), 但有好多事情對另一方黎講係離唔開路面工作的~

殺頭既生意有人做, 就算檢控有錢收, 外地經驗唔少都係檢控既人直頭拎黎搵食
而且難聽果句, 我地一路揸車一路錄低瘋狂錄瘋狂報瘋狂儂錢, 到自己中招果陣咪當獲利回吐囉
你係政府見同一架車同一個位有幾十幾百個檢控片一齊做呢架車, 你係咪同時開幾十幾百張罰單比車主??
N個人報都係開一張就更無謂, 你諗下我中一張, 但我報30架收30架既獎金, 我仲使驚違泊罰款?! 行個街影咁多架賺返突添啦~
反正架架影完我都有錢收, 更唔講而家社會大多數人都係鍾意報復, 背後產生更多問題, 呢樣野先係政府受唔起而唔願交權出黎做既原因
所以獎金式檢控只係理論上有效, 但實際上難玩得郁, 你又無法固定某一班正義市民先可以用呢個途徑~

stevechau 發表於 2022-12-15 10:16
其實都唔關事既, 而係太多人違泊, 幾用力做都做唔切
而家已經用機打單, 咖啡仔又連埋成車EU聯群結隊一齊 ...

舉報有獎金就無謂，到時只會出現濫告，或者好似你講咁，用舉報嚟儲錢俾自己違泊亦唔符合政府想收錢呢一點


不過，其實最簡單係加重罰則，無論係罰款額度，甚至係變成扣分制項目之一。