多謝師兄既意見，連埋 #10 一併回覆
1. 麼地道唔夠位擺全日線做總站，所以 790 要全日肯定要另外搵位擺，如果要放尖東咁 796P 同 796X 是但一條就要走，小弟既建議，踢 796P 走係想試新野吸新客，踢 796X 走就係純粹為減車，下文再詳述
2. 康城 / 環保大道來往九龍灣問題，再加埋偉業街客問題，其實 797 開線兩年，793 改線幾個月，呢堆客有幾多，屎水同大家都應該好清楚。以小弟觀察，兩繁呢堆客係唔少，所以都值得 keep 797 兩繁做返，但係非繁就真係好稀少，793 入九龍灣後 797 客量更加雪上加霜，因為 793 九龍灣坐到康城根本唔慢得 797 幾多，等得 797 黎坐 793 都到左。
小弟認同由直車變做轉車，對假日 megabox 吸引力會減低，但現實係呢堆客既數目起非繁根本支持唔到 797 獨立成線，小弟覺得寧願送佢地去轉車站轉車，將 797 資源換黎做 795 直出旺角更合理。如果真係要做康城九龍灣假日客，可以考慮假日 790 康城方向加停宏通街，反正假日啟福道入常怡道唔會好塞，對車程影響不大，宏通街站位比 797 常悅道更方便 Megabox 客。
偉業街預左要放棄，小弟起師兄篇建議文都講過，為左偉業街非繁果小小客去拖慢 790，超高風險加唔值得。你比康城人揀偉業街定尖沙咀，相信答案都唔使講。
3. 793 走線問題，其實小弟唔係好明點解往將軍澳方向要行大埔道，行返長沙灣道更加方便到西九龍中心、黃金同北河街一帶既客，296C 食糊位都係北河街，再者大埔道本身路況都係一般，經常都係單線行車，唔見得快過行長沙灣道好多。
尚德走線問題，其實 793 / 795X 真係唔可以停唐明街公園？咁點解 796P 又可以停，仲要起正 TKO Spot 門口。。。統一走線就係避免左幾條線起將軍澳有幾個行法，特別 793 同 796X 都經新蒲崗同九龍城，集中返同一個行法會比較方便乘客。另外，將站跟唐俊街去唐明街（即 792M, 796X走線）同經唐賢街去唐明街時間根本差唔多，話就話前者多一個燈位，但唐德街右轉唐賢街係袋口位黎，有時將中果邊多車直行，793 / 795X都要等多轉燈先轉到唐賢街。所以小弟唔認同 #6 師兄話唐俊街食燈會慢好多呢個說法。
最後，如果要縮 793 去將站，又要經至善街，小弟建議呢個行法係唯一方法，依家 796X 早繁將站特都係咁行。認同呢個行法係兜，實際行車時間同擺總站去清半無大分別（小弟之前起第二d post 講過可以當清半係將站另一條坑，至少行車時間上係成立）但如果要縮去將站咁行法都無可厚非。至於點解揀 793 放將軍澳站，小弟下文再講。
4. 相對依家 795 / 795P 起長沙灣咁兜法，擺海達其實唔遠，加上填海區依家冇車返將軍澳（296C 東京街已經轉走左）大角咀一帶搭鐵返將軍澳亦唔方便，795 走線應該做到填海區來往將軍澳同九龍灣客。其實師兄你之前都提過，擺海達近新巴西九廠，反而方便左車務安排。
另外，旺角道自從開左天橋，cut 左地面個行人燈位之後放車快左好多，已經好少塞車，加上建議 795 係跟 971 咁旺角道轉右去彌敦道，所以旺角道塞車對建議走線既影響好細。795 咁既定線非常直接，如果正常車流量，比多 10 分鐘塞漆咸道出面，60 分鐘都應該行得完，20 分鐘一班，非繁 7 架車冇問題，繁時有機會要加一架車穩定班次。如果改太子道西加士居道大循環，用車的確會少左，但做唔到大角咀同填海區，同埋下游返將軍澳班次會變得好唔穩定，如果要用 795 代替 797 做將隧直出環保大道既駁腳車，下游班次呢樣都要考慮。最後，留唔留返幾班 795 / 795P 去長沙灣小弟冇咩意見，795 建議縮去海達都係唔想同 298X 惡性競爭。
5. 795X 調景嶺走線問題，咁兜法只係唔想站位有大改動。加上用返原本走線，再經寶順路南行其實唔慢。因為景嶺路左轉翠嶺路支燈好惡頂。如果真係改行翠嶺路南行，建議唔停彩富閣但入彩明街停彩貴閣方便彩明客。
睇返依家 795X 出城既客量分佈，調景嶺站連早繁班次都係得 1,2 個人，比起至善街兩站加埋上到 10 幾人，調景嶺站可以話係出唔到客。另外早繁將天個站都有大約 10 個，小弟相信當中有唔少係尚德行過黎，加上尚德去油麻地，長沙灣一帶冇其他選擇，所以唔建議棄尚德改行寶邑路。
795X 擺清半問題，小弟個思路係咁：清半點都要塞一條線就做總站架喇，因為真係有將軍澳客特登等 795X 返到屋苑，比得百勝角一條線返到樓下咁有乜理由唔比埋清半呢。另一個原因係要做至善街既話，清半開會順路過同快過將站開，所以搵一條線擺落去應該無咩好質疑。咁擺邊條好呢？寫呢個建議果陣小弟揀 795X，係因為 793, 795X, 796X 三條線中，795X 係收最貴，如果 795X 縮有機會要減價，咁不如照擺返 795X 起清半唔好搞佢。清半總站空間有限，擺三線之中最疏既 795X 亦都係最理想。不過依家諗深一層，有機會擺 793 / 796X 先補到最多位，不過擺返 793 去清半，咪即係同以前 796C 一樣，搞咁多野還原基本步。。。但最終擺邊一條，小弟持開放態度。
6. 戲玉到喇，先講應該用 793 定 796X 做工業邨至調景嶺流水？定係用你建議既 798P 算？小弟係完全唔同意搵 793 做埋將工至調景嶺，因為 793 已經做緊九龍區流水，要佢做埋將軍澳區流水就會好似依家咁，兩個方向下游位班次經常不穩。796X 九龍區就算有流水客, 客量同對車程既影嫌響都不如 793, 九龍區路程亦都都較短，用黎做將軍澳區流水對呢整條線既營運係比較有效率，簡單黎講即係做得九龍流水就唔好做將軍澳流水，反之亦然。另一個關於 #7 師兄講關於價錢牌問題，兩線去將工方向價錢相同，將工開係 793 貴d, 理應可以賺多小小，但如果要補 797M 就肯定要加雙向分段，咁 793 價錢牌貴d 就變左無影響。再另外，793 主要做亞皆老街，旺角，深水埗，本來康城將工一直以來都係冇呢一段走線既服務, 只係最近 796C > 793 先加，但 796X 入工業邨已經好多年，將工同康城一帶坐 796X 直去土瓜灣一帶呢個乘客模式已經存在左好耐，加上 795 已經補到旺角，298X 補到康城來往深水埗，如果用 793 做環保大道縮 796X 入將站，無錯環保大道段都繼續會有將軍澳區內流水，但就唔會有人用黎搭出九龍, 用 796X 做，起碼有機會做到唔怕兜既土瓜灣客。
796X 兜康城站問題，如之前既回覆所講，如果改跟 796P 服務時間入，就唔會影響到將工通勤客，兜入去純粹想補位，如果康城覺得唔需要就唔入都得，不過小弟覺得入康城站應該係有佢既市場。。。純粹睇依家 290X 同796P, 都不泛有人坐到總站落車。
796X 縮去紅磡的確係為左抽d資源出黎, 唔好睇少紅磡去尖東呢段, 其實下繁漆咸道南其實好多時都好塞, 以 796X 既班次, 如果如小弟建議, 縮去紅磡至少可以慳返 2-3 部車, 入百勝角同康城站加返 1 車 (如果用你建議既798P做咁就唔使改，呢一架車比返 798P), 唔入彩明街未必減到車, 但可以再穩定班次, 最終應該可以慳到 1-2 部車。小弟都同意你講落尖東應該吸到D 流水客去尖東, 只不過小弟比較少留意多唔多人咁坐，冇咩數據起手。另外, 796X 工業邨方向係會兜 TVB，呢點小弟都 overlook 左，不過想知實際多唔多人咁用，特別將站都有 628 去 TVB，如果冇乜人坐呢段兜圈都可以 CUT。最後，如果真係郁 796P 唔去尖東, 繼續留返 796X 起尖東都係一個合理安排, 至少尖東都有一架慢車一程車返到調景嶺將軍澳，但就預左冇車減到。
小弟唔同意 796P 完全冇必要落大角咀，小弟起 #9 有講，796P 拉去大角咀係為左搵新客源，保住條線既基本盤穩住班次。以一條尖沙咀線來講，796P 依家非繁班次已經係非常難睇，縮條線去將軍澳只會更少客搭。先講建議九龍區走線，296D 廣東道絕對唔係無人坐，夜晚同星期六日新港中心一站可以上 10 個以上，本來尖沙咀搭鐵返將軍澳已經唔方便，仲要人起廣東道行返出去。。。當然入得尖沙咀，食糊位都係彌敦道，所以用 296D 行法去廣東道對客量應該更有保障。另外，高鐵站其實離彌敦道好遠好遠，佐敦道完全唔係 pedestrian friendly，都唔講如果拖住喼行。如果 796P 做到直達高鐵站同將轉，小弟相信連寶坑同康城都會有人搭車轉，畢竟果邊係將軍澳盲點。最後就係總站拉到去大角咀既原因，一來西九龍站附近已經冇位，二來拉去大角咀有藉口將價錢牌加 1-2 格，三來由佐敦道經連翔道再去匯豐中心兜個圈再去維港灣正常 10-15 分鐘已經行得完，來回計車程加多 30 分鐘，以 796P 既班次用車只係比多擺尖東 1-2 部，大角咀又係另一個將軍澳服務盲點，就算 795X 蘇屋方向加停櫻桃街，回程點都係做唔到，如果 796P 要搵新客先支持得住條線，小弟睇唔到有咩特別原因唔去得大角咀。
將軍澳走線方面，改調景嶺開，將南直出呢個係小弟一直以來都想搵一條線去做。起尚德已經有 296D 去尖沙咀既情況下，796P 係最有條件放棄尚德一帶去做呢樣野 (所以小弟最開頭都講, 係要起運輸署協調下)，而且行得寶邑路近入境處一帶，走線就好難再經尚德又有效率，要搵一條線去試做入境處，搵呢條全區最霉既線去試都好合理。回程富康花園係 796P 客倉固然大家都知，但呢班客其實就係起富康，將廣甚至寶盈一帶度黎，小弟建議既走線，頭站係至善街，之後係唐俊街同將軍澳站，換句話說即係原本富康班客繼續係頭幾站而且全部接得返，站位更加方便，而且建議 796P 走線兩個方向都會做將軍澳站 (九龍方向停寶邑路, 調景嶺方向會埋將軍澳站)，對比起依家 796P 幾乎完全係掂唔到。其實小弟建議既走線係精簡過，盡量做返依家現有既客但唔使兜個大 U 字 (除左放棄藍塘傲一帶, 實在太少人搭，尚德就擦邊，預左放水比 296D)，區內車程來回計，估計比依家康城站開慳左 25-30 分鐘。所以上文所述拉去大角咀，拉上補下用車應該會係差唔多。7 架車預得太盡既話，可能要 8-9 架車先做到，不過 796P 係做緊半全日，即係上下繁整體用車又可以減少返比其他線。
| 
樓主
